Հայաստանի մշակոյթի նախարարութեան նախաձեռնութեամբ եւ ամերիկաբնակ երաժիշտ Աշոտ Տիգրանեանի աջակցութեամբ Դսեղի մէջ՝ Յովհաննէս Թումանեանի տուն-թանգարանի յարակից տարածքէն ներս, կ՚ընթանան սանհանգոյցի եւ յուշանուէրներու կրպակի կառուցման աշխատանքները։ «Արմէնփրէս»ի հաղորդմամբ, այս մասին երէկ լրագրողներու հետ հանդիպման ժամանակ արտայայտուեցան ծրագրի նախաձեռնողները։
ԱԼԵՔՍ ՍՐԿ. ԳԱԼԱՅՃԵԱՆ
Ժողովրդական առածը շատ ճշգրիտ ձեւով կ՚ըսէ. «Նետած քարդ, օր մը կրնայ գլուխդ ծակել»։ Քար նետելու սովորոյթը, ուրիշը վնասելու, ծուղակի մէջ ձգելու կամ գայթակղեցնելու վատաբարոյ արարքներն ու թակարդները, օր մըն ալ կրնան աւելի դառն կերպով հանդիպիլ քեզի։
ՆԱԶԱՐԷԹ ՊԷՐՊԷՐԵԱՆ
Յուլիսի 17-ին, երկու հարիւր տարի առաջ, Սեւ ծովու ափին, Խրիմի Թէոտոսիա հայաբնակ քաղաքին մէջ, ծնաւ Յովհաննէս անունով հրաշք մանուկ մը, որ կոչուած էր դառնալու Հայկեան Հանճարին աշխարհահռչակ ճառագայթումներէն մէկը՝ իր Այվազովսքի ազգանունով խորհրդանշելով ծովանկարչական արուեստի վարարումը։
ՍԱԳՕ ԱՐԵԱՆ
Արման Ջիլաւեան «Աւրորա» մարդասիրական նախաձեռնութեան գործադիր տնօրէնն է: Ինչպէս նաեւ «Ռուբէն Վարդանեան» հիմնադրամի տնօրէններու խորհուրդի եւ UWC Dilijan գոլէճի Հոգաբարձուներու խորհուրդի անդամ, իսկ MEDIACRAT ընկերութեան համահիմնադիրն է:
ՆԱԶԱՐԷԹ ՊԷՐՊԷՐԵԱՆ
«Ազգ մը չի կորսուիր, երբ գիտէ իր սխալները ճանչնալ եւ ինքը զինքը ուղղել»:
ՍԱԳՕ ԱՐԵԱՆ
Երեքշաբթի երեկոյեան, Պրիւքսելի մէջ կ՚աւարտէր Հայաստանի Արտաքին գործոց նախարար Եդուարդ Նալպանտեանի եւ Ատրպէյճանի Արտաքին գործոց նախարար Էլմար Մամէտեարովի միջեւ «սպասուած» հանդիպումը: Սպասուած, որովհետեւ երկար ամիսներէ ի վեր երկու պաշտօնատարները չէին հանդիպած:
ՆԱԶԱՐԷԹ ՊԷՐՊԷՐԵԱՆ
Յուլիս 13-ին կը լրանայ մահուան 15-րդ տարելիցը աշխարհահռչակ հայ արուեստագէտ լուսանկարիչի մը, որ կեանքն ու մարդիկը խորապէ՛ս դիտելու, մանաւանդ՝ մեծ ու անզուգական անհատականութեանց նկարագրին եւ յուզաշխարհին խորագոյն ճշմարտութեան պահերը որսալու եւ այդ ամէնը, մեքենական իր ոսպնեակով, իբրեւ գեղարուեստական բարձրորակ ստեղծագործութիւններ, յաւերժութեան յանձնելու արտակարգ տաղանդը ունէր։
ՅԱԿՈԲ ՄԱՐՏԻՐՈՍԵԱՆ
Մէկ զաւակ, թէ երկու, երեք կամ չորս, եւ ինչու չէ՝ աւելին: Հազար ու մէկ հաշիւներէ ետք, կ՚որոշուի, նորապսակ տիկնոջ եւ ամուսնոյն միջեւ. «Չէ՛, չորս հատ չենք կրնար, երեքն ալ դժուար է մեծցնելը, երկուքին հազիւ հասնինք, հիմա մէկ հատ բերենք, յետոյ Աստուած ողորմած է»:
Յ. ՊԱԼԵԱՆ
Առանց մշակոյթի մարդը կը նմանի վագերաձիի, որ իր վրայ գիծեր չունի:
(Ափրիկեան առած)
Եթէ համեստանանք, ափրիկեցիէն սորվելիք ունինք:
ԱՆԻ ԲՐԴՈՅԵԱՆ-ՂԱԶԱՐԵԱՆ
Արագածոտնի մարզ: Կ՚ուղղուինք դէպի Աշտարակ, ուր ամրան ճոխութիւն կը տիրէ, ինչպէս Հայաստանի բոլոր շրջաններն ու մարզերը հոս եւս աշխոյժ է երթեւեկութիւնը:
