ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Բազմաթիւ երկիրներու մէջ խառն ամուսնութեան պարագաներ կը ներկայանան բաւական յաճախակի կերպով։ Ասիկա պէտք է բնական համարուի, քանի որ միջազգային յարաբերութիւնները զարգացած եւ կարելի է ըսել, որ աշխարհ այլեւս փոքրացած է եւ հեռուները մօտեցած, մարդիկ աւելի սերտ յարաբերութիւններու մէջ գտնուած են։
ՀՐԱՅՐ ՏԱՂԼԵԱՆ
Որպէս ծնողք անկասկած բոլորս ալ կ՚ուզենք, որ մեր զաւակները դպրոց յաճախելով լաւ կրթութիւն մը ստանան ու հասնին այնտեղ՝ ուր գուցէ մենք չենք կրցած հասնիլ: Մանաւանդ Միջին Արեւելքի պատերազմական վիճակը նկատի ունենալով, շատ անգամ մեր հայրերն ու մայրերը դպրոցն իսկ աւարտելու բախտաւորութիւնը չեն ունեցած:
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Հաւատքի հարցին մէջ, յաճախ մարդիկ կը դիմաւորուին դժուարութիւններու՝ որոնք կը կանգնին հաւատացեալներուն առջեւ։ Հաւատացեալին հաւատքի կեանքի ընթացքին առաջացող եւ գործօն դեր խաղացող երկրորդական պատճառներ արգելք կը հանդիսանան հաւատքի կեանքին։
ՀՐԱՅՐ ՏԱՂԼԵԱՆ
Ծնողներու համար ինչքան ալ դժուար ըլլայ, մեր մարդկային կեանքին մաս կը կազմէ հիւանդ եւ կամ յատուկ խնամքի կարօտ երեխաները. շատեր այդ մէկը կ՚որակեն «փորձութիւն», իսկ ուրիշներ «տանջանք» եւ կամ կեանքի «քննութիւն». կան նաեւ այդ մէկը որպէս «օրհնութիւն» անտրտունջ ընդունողները: Ամէն պարագայի ալ նման երեխաները տարբեր ու յատուկ խնամք կը պահանջեն՝ քան միւսները:
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Սէրը իբրեւ «պտուղ» կ՚արտադրէ ուրախութիւն, խաղաղութիւն եւ ողորմածութիւն։ Ան կը պահանջէ բարեգործութիւնը եւ եղբայրական խրատ, ան բարեացակամ է, առիթ կը ստեղծէ փոխադարձութեան, կը մնայ անշահախնդիր եւ առատաձեռն, ան բարեկամութիւն եւ հաղորդութիւն է՝ հաղորդակցութեան միջոց։ Եւ «ողջոյն»ը սիրոյ եւ ուրախութեան ամենահարազատ եւ անկեղծ արտայայտութի՛ւնն է։
ՀՐԱՅՐ ՏԱՂԼԵԱՆ
Անցեալին ծնողներու համար մեծագոյն վտանգ կը սպառնար շրջապատը, սակայն այսօր շրջապատը աւելի նուազ վտանգ կը սպառնայ՝ քան համացանցը: Անցեալին պատանիի մը շրջապատը գրեթէ յստակ էր. անոր ընկերները կա՛մ դասընկերներն էին եւ կամ դրացի հասակակիցները. առաւելագոյն պարագային մի քանի փողոց վեր ապրող տղաքը, սակայն այսօր վիճակը ամբողջութեամբ տարբեր է:
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Շա՜տ տարիներ առաջ, երբ Հէնովըր կը գտնուէր բրիտանական թագին տակ, երիտասարդ մը զինուորագրուեցաւ հէնովըրեան պահակազօրքին եւ որոշ ժամանակ մը հաւատարմօրէն ծառայեց իր երկրին եւ թագաւորին։
Սակայն ժամանակ մը ետք ան բանակէն դասալիք եղաւ՝ կռիւէն, պայքարէն վերջ։ Թերեւս իր սիրտը նուաղեցաւ, կամ պատերազմէն ձանձրացաւ։ Պատճառը ի՛նչ որ էր, ան լքեց բանակը եւ որպէս «դասալիք», փախստական կը շրջէր։
ՀՐԱՅՐ ՏԱՂԼԵԱՆ
Պատանիներուն եւ իրենց ծնողներուն միջեւ մեծագոյն հարցերէն մին գաղտնիութեան իրաւունքն է. դժբախտաբար շատ մը ծնողներ իրենց պարտաւորութիւնը եղող հետեւողականութիւնը կը շփոթեն անվստահութեան հետ, որ իրականութեան մէջ ամբողջութեամբ տարբեր են իրարմէ:
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Լոյսը Աստուծոյ հոգեւոր զօրութեան տեսանելի արտացոլացումն է։ Արդարեւ, լոյսը արարչագործութեան ամենէն ազնիւ յատկութիւնն է եւ այդ իսկ պատճառաւ բոլոր արարածներ տեսանելի՛ դարձան եւ կարողացան պատսպարուիլ աշխարհի վրայ եւ կեանքը տեւականացնել։
ՀՐԱՅՐ ՏԱՂԼԵԱՆ
Շատ մը մշակոյթներու, ընկերութիւններու եւ հասարակութիւններու մօտ դաշտանը «ամօթ» կը նկատուի՝ հիմնուած ըլլալով տարբեր համոզումներու եւ կրօնական ըմբռնումներու վրայ: Այդ մէկը առաւելաբար կը տեսնենք Արեւելքի երկիրներու մէջ եւ դժբախտաբար մեր ազգը եւս մաս կը կազմէ անոնց:
