ԻՄԱՍՏՈՒԹԵԱՆ ՀՈՄԱՆԻՇԸ
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
«Իմաստութիւն» բառը ունի հոմանիշ բառեր՝ «խելահասութիւն», «փորձառութիւն», «խելք», «հանճար», ինչպէս նաեւ՝ փոխաբերական իմաստով՝ «ողջամտութիւն», «ողջախոհութիւն», «վսեմախոհութիւն», «երեւոյթներու խոր իմացութիւն՝ ըմբռնում»։ Բոլոր այս նշանակութիւններուն հետ իմաստութիւնը կը յիշուի նաեւ անունով մը՝ որպէս «հոմանիշ» եւ նոյնիմաստ կամ նոյնանիշ բառ, որն է՝ Սողոմոն եւ կը գործածուի «Սողոմոն իմաստուն» ձեւով։
