ԱՐԱ ԳՕՉՈՒՆԵԱՆ
Մանուկ կամ պատանի հասակով, երբ դպրութեան շապիկ կը կրէինք՝ առանց խորաթափանց գիտակցելու անոր իմաստը, խորհուրդը, մեզի կը պատմէին, թէ եկեղեցին անժամանակ հաստատութիւն մըն է։ Ժամանակի եւ տարածութեան մասին մեր պատկերացումները տակաւին շատ սահմանափակ էին, երբ դպրոցի աւարտական դասարանի աշակերտը մե՛ծ էր մեր աչքին, իսկ կեանքի, ըսենք, հինգ տասնամեակը աւարտած անձ մը ծերութեան եզրին վաղուց հասած կը համարուէր։
ԱՐԱ ԳՕՉՈՒՆԵԱՆ
Պատրիարքարանի նախաձեռնութեամբ Գումգաբուի «Պէզճեան» սրահի երդիքին տակ կազմակերպուած տօնական ընդունելութեան ընթացքին ստեղծուած մթնոլորտն ու արտասանուած ճառերու բովանդակութիւնը որոշ ազդանշաններ կու տան՝ համայնքի յառաջիկայ շրջանի օրակարգի առաջնահերթութիւններուն կապակցութեամբ:
Թէեւ Պատրիարքական Աթոռի շուրջ համախմբուած ուժերը կը մնան գերակշիռ, սակայն այս փուլին անոր դէմ տրամադրուած շրջանակներն ալ կը խորանան իրենց որդեգրած արմատականութեան մէջ:
ԱՐԱ ԳՕՉՈՒՆԵԱՆ
Ամանորը բոլոր հարթութիւններու վրայ գնահատականներու, հաշուեկշիռներու եւ արժեւորումներու հանգրուան մըն է։ Նոր շրջանի մը վերաբերեալ ակնկալութիւնները բոլորի ուշադրութեան առարկայ կը դառնան, բնականաբար։
ԱՐԱ ԳՕՉՈՒՆԵԱՆ
ԺԱՄԱՆԱԿ-ի հիմնադրութեան 110-ամեակի ներկայ յոբելենական շրջանին Մայր Աթոռ Սուրբ Էջմիածնի կողմէ կատարուած նախաձեռնութիւնը բացառիկ նշանակութիւն ունի բոլոր առումներով։ Աւելի քան դարէ մը ի վեր այս թերթը կը գոյատեւէ՝ ժամանակներու մէջ կերպարանափոխուելով, սակայն հաւատարիմ մնալով նաեւ իր հիմնադիրներու ուղիին, սկզբունքներուն։
ԱՐԱ ԳՕՉՈՒՆԵԱՆ
Երեւանի մէջ կազմակերպուած՝ «Պոլսոյ ԺԱՄԱՆԱԿ օրաթերթ» անուանեալ նամականիշի կնքման արարողութիւնը ցայսօր մեր մասնակցած՝ թերթիս վերաբերեալ ամենայատկանշական ձեռնարկներէն մին էր։ Դրոշմաթուղթը մեր ժամանակներուն վաղուց դադրած է գործնականօրէն հրատապ նշանակութիւն ունենալէ, սակայն ունի խորհուրդ մը։
Դէպի Լոնտոն մեր ուղեւորութեան վերաբերեալ այս յօդուածաշարքի վերջին փուլին կ՚արժէ ամփոփ գիծերու մէջ անդրադառնալ ԺԱՄԱՆԱԿ-ի 110-ամեակին առթիւ կազմակերպուած երկու ասուլիսներու մանրամասնութիւններուն։ Ըստ էութեան, երկու հանգամանք պէտք է խոշորացոյցի տակ առնել այս կէտին վրայ. մասնակիցներու ընդհանուր դիմագիծը եւ քննարկումներու օրակարգը։
ԱՐԱ ԳՕՉՈՒՆԵԱՆ
Առաջին այցելութեան վառ յուշերով կը մտածեմ նաեւ, թէ ինչպէ՛ս այս երկրորդ այցելութեան գաղափարը յղացաւ իմ ազգականներէն Արմէն Սարուխանեան, որ վերջին տարիներուն բնակութիւն հաստատած է Լոնտոնի մէջ։ Ան թէեւ ամէն ինչ հունի մէջ դրած էր, սակայն, հակառակ մեր բոլոր ծրագիրներու, չէր կրցած ենթադրել, որ իմ կեցութեան օրերուն ակամայ պիտի բացակայէր Լոնտոնէն։
ԱՐԱ ԳՕՉՈՒՆԵԱՆ
Ճեպընթացի մէջ եմ. Լոնտոնէն տակաւին նոր հրաժեշտ առած՝ կը մտածեմ կեցութեան օրերու թարմ տպաւորութիւններուն մասին։ «357 քիլօմեթր/ժամ. արագութեան մրցանիշ մը մեր ուղղութեան վրայ», աչքիս կը զարնէ պահ մը պաստառէն՝ Eurostar-ի յարմարաւէտ բազկաթոռին վրայ։
ԱՐԱ ԳՕՉՈՒՆԵԱՆ
Ընտրութիւններու խնդիրը կը շարունակէ մնալ թրքահայ համայնքային օրակարգի հիմնական հարցերէն մին։ Մեր հաստատութիւններու մատակարար մարմիններու ընտրութիւնը առկախեալ վիճակի մէջ է։
ԱՐԱ ԳՕՉՈՒՆԵԱՆ
Քանի մը տարի առաջ Պատրիարքարանի մէջ մեծարանքի հանդիսութիւն մը կազմակերպուած էր քեզի համար։ Հերթական պարգեւներէդ մին պիտի ստանայիր։ Տրամադրութիւնդ բարձր էր։
