Արխիւ

Հայաստանի Հանրապետութեան նախագահ Արմէն Սարգսեան 24-25 յունիսին շփումներ ունեցաւ Փարիզի մէջ։ Աշխատանքային այցելութեան ծիրէն ներս ան տեսակցեցաւ ֆրանսական աւելի քան երկու տասնեակ խոշոր ձեռնարկութիւններու եւ այլ ընկերութիւններու ղեկավարներու հետ։

Թուրքիոյ Հանրապետութեան եւ Ամերիկայի Միացեալ Նահանգներու նախագահներուն միջեւ երէկ տեղի ունեցաւ կարեւոր հեռախօսազրոյց մը:
Րէճէպ Թայյիպ Էրտողան եւ Տանըլտ Թրամփ համաձայնեցան հանդիպիլ ՆԱԹՕ-ի 11 յուլիսի գագաթաժողովի օրերուն Պրիւքսելի մէջ՝ շեշտելով ռազմավարական կապերը:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Աւստրալիոյ Եկեղեցիներու հոգեւոր առաջնորդներու էքիւմենիք պատուիրակութիւնը։ Այս միջեկեղեցական պատուիրակութեան գլուխը կը գտնուէր Սիտնիի Բիւզանդական կաթողիկէ եկեղեցւոյ առաջնորդ Ռապըրթ Արքեպիսկոպոս Ռապաթ։

Հայաստանի ներքին քաղաքական նոր կլիմային մէջ Ազգային անվտանգութեան ծառայութեան (ԱԱԾ) կողմէ կը շարունակուին գործողութիւններն ու բացայայտումները։ Ինչպէս ծանօթ է, վերջին օրերուն ձերբակալուեցաւ Հայաստանի Հանրապետական կուսակցութեան երեսփոխաններէն, Երկրապահ կամաւորներու միութեան (ԵԿՄ) նախագահ, նախկին զօրավար Մանուէլ Գրիգորեան։

Ընտրութիւններու արդիւնքով կը սկսի նոր կառավարման համակարգի հաստատման գործընթացը:
Հանրապետութեան նախագահ Րէճէպ Թայյիպ Էրտողան 9 յուլիսին երդումը պիտի կատարէ խորհրդարանին մէջ:

Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն խումբ մը ուխտաւորներ այս օրերուն կ՚այցելեն Հայաստան։ Շաբաթավերջին ուխտաւորներու խումբը Մայր Աթոռ Սուրբ Էջմիածնի մէջ հիւրընկալուեցաւ Ամենայն Հայոց Տ.Տ. Գարեգին Բ. Կաթողիկոսին կողմէ։ Ուխտաւորները գլխաւորեց Սանթա-Քլարիթայի Ս. Սարգիս եկեղեցւոյ հովիւ Տ. Սերովբէ Քհնյ. Ալանճեան, որ Վեհափառ Հայրապետին ներկայացուց ուխտաւորները։

Գրեց՝ ԱՆՈՒՇ ԹՐՈՒԱՆՑ

Այս օրերուն Երեւանի մէջ տեղի կ՚ունենան դպրոցական աւարտական հանդէսներ, շրջանաւարտներուն հերթական հունձքերը կեանքի նոր ուղի կը մտնեն: Ահաւասիկ, հրաւիրուած եմ Երեւանի մէջ գործող դպրոցներէն մէկուն աւարտական հանդէսին:

Հայաստանն ու Արցախը քաղաքական փոխկապակցութեան մէջ են եւ, մէկուն կամ միւսին կեանքին մէջ յառաջացած ալեկոծումները ուղղակի կերպով անդրադարձ կ՚ունենան միւսին վրայ: Երբ Հայաստանի մէջ ծայր տուաւ թաւշեայ յեղափոխութեան շարժումը, անխուսափելիօրէն ան իր անդրադարձը պիտի ունենար նաեւ Արցախի վրայ:

Երէկուան պատմական ընտրութիւններով Թուրքիոյ մէջ հաստատուեցաւ կառավարման նոր համակարգ մը, որ կը խոստանայ արդիւնաւէտութեան հորիզոններ: Ժողովրդավարութեան յաղթանակ: Րէճէպ Թայյիպ Էրտողան քուէներու 52.6 տոկոսով վերընտրուեցաւ Հանրապետութեան նախագահ։ Յառաջիկայ հնգամեայ շրջանին ան պիտի շարունակէ պետութեան ղեկը վարել՝ ժողովրդական ամուր յենարաններով ու աներեր զօրակցութեամբ։ Ազգային մեծ ժողով մուտք գործել յաջողեցաւ հինգ կուսակցութիւն։ Աք կուսակցութիւնը թէեւ առանձինն կորսնցուց խորհրդարանի մեծամասնութիւնը, սակայն ՄՀՓ-ի հետ կազմած «ճումհուր» դաշինքը ապահոված է բաւարար աթոռներ։