Արխիւ

Արտաքին գործոց նախարար Մեւլիւտ Չավուշօղլու շաբաթավերջին կարեւոր յայտարարութիւններով հանդէս եկաւ՝ Թուրքիոյ մէջ հաստատուած գաղթականաց վերադարձի հարցերուն շուրջ։

ԳԷՈՐԳ ՊԵՏԻԿԵԱՆ

Ինծի կը մնար միայն շնորհակալութիւն յայտնել եւ աւելին՝ երախտապարտ մնալ: Ուրիշ ոչինչ: Այդ օր, երկու մանչերս, տարեդարձիս առթիւ, մեր նստասենեակի պատերէն մէկը ծածկող, ապակիէ վեց փեղկերով զարդարուած գրադարան մը գնած ու ինծի նուիրած էին:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մարդ, որպէս մարմնաւոր էակ, ֆիզիքական պահանջներ ունի, բայց անուրանալի է, որ ան ունի նաեւ հոգի՝ որ կը ներկայանայ զգացումներով։ Մարդուս գոյապահպանմանը եւ գոյատեւմանը համար անհրաժեշտ է գոհացնել ֆիզիքական պահանջները։

ՀՐԱՅՐ ՏԱՂԼԵԱՆ

Ուսումի համար Ժընեւ մեկնած երիտասարդ մը աւելի քան դար մը առաջ նամակ մը կը գրէ իր ծնողքին եւ նամակին հետ կը ղրկէ նաեւ ստացած վիճակացոյցէն օրինակ մը՝ զանոնք ուրախացնելու նպատակով:

Գատըգիւղի ընտանիքը երէկ ոգեւոր օր մը ապրեցաւ թաղի Արամեան-Ունճեան վարժարանի շրջանաւարտից տարեկան հաւաքին առթիւ։ Առաւօտուն Գատըգիւղի Ս. Թագաւոր եկեղեցւոյ մէջ մատուցուեցաւ Ս. Պատարագ՝ ձեռամբ Տ. Յարութիւն Վրդ. Տամատեանի, որ խօսեցաւ նաեւ քարոզ մը։

Երէկ երեկոյեան, Շիշլիի «Ճեմիլ Ճանտաշ-Քենթ» մշակոյթի կեդրոնէն ներս տեղի ունեցաւ Լուսաւորիչ մանկանց երգչախումբին համերգը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին բազմաթիւ հոգեւոր հայրեր։ Լուսաւորիչ դպրաց դաս-երգչախումբի մօտաւոր անցեալին դիմագրաւած ծանր վերիվայրումներէն վերջ, այս համերգը նոր էջ մը բնորոշեց ընդհանուր գործունէութեան տեսակէտէ։

Ըստ Ռուսաստանի արտաքին գործոց նախարարին, Հայաստան եւ Ատրպէյճան այժմ շատ մօտ են վերջնական համաձայնութեան - Մինչ յաջորդ շաբաթ նախատեսուած է փոխ-վարչապետներու գլխաւորած աշխատանքային խումբին հանդիպումը՝ օրակարգի վրայ է նաեւ Փաշինեան-Փութին-Ալիեւ նոր գագաթաժողովի մը հաւանականութիւնը:
Լաւրովի միջնորդութեամբ երէկ Միրզոյեան եւ Պայրամով բանակցութիւններ վարեցին Մոսկուայի մէջ, ուր կարծիքներու շինիչ փոխանակում տեղի ունեցաւ՝ Երեւանի եւ Պաքուի միջեւ տարաձայնութիւններու առարկայ հարցերու շուրջ:
«Խաղաղութեան պայմանագրի վրայ աշխատանքը, անկասկած, հիմնարար է, բայց մեր գործընկերները հաստատեցին, որ առանց սահմանազատման, առանց փոխադրութեան ու տնտեսական կապերու ապաշրջափակման եւ առանց թէ՛ Ղարաբաղի մէջ եւ թէ սահմանի վրայ անվտանգութեան ապահովման վերաբերեալ իրավիճակի ընդհանուր բարելաւման՝ շատ դժուար է յառաջ շարժուիլ»:

Մայր Աթոռ Սուրբ Էջմիածնի մէջ երէկ տեղի ունեցաւ շքանշանի յանձնման հանդիսաւոր արարողութիւն մը։ Այսպէս, Վեհարանի գահասրահի երդիքին տակ, Տ.Տ. Գարեգին Բ. Ամենայն Հայոց Կաթողիկոսը Հայաստանեայց Առաքելական Եկեղեցւոյ «Սուրբ Գրիգոր Լուսաւորիչ» պատուոյ բարձր շքանշանը շնորհեց Ռուսաստանէն՝ բարերար Աշոտ Առուստամեանին։

ՍԱԳՕ ԱՐԵԱՆ

Հայաստանի հիմնական խնդիրը կողմնորոշուիլն է։ Դաշնակիցներուն եւ նոյնիսկ թշնամիներուն հետ անյստակութեան, անորոշ տեսակէտներու իրավիճակէն անդին՝ Հայաստան այսօր ունի լուրջ խնդիրներ իր ռազմավարական հիմնական դաշնակից (գէթ այդպէս ներկայացող) Ռուսաստանին հետ։