Արխիւ

ՇԱՀԱՆ ԳԱՆՏԱՀԱՐԵԱՆ

Պրիւքսելի հանդիպումներէն կարելի է արձանագրել քանի մը կէտ:
Նախ, Պրիւքսելի միջնորդութեամբ բանակցութիւնները կը վերականգնուին այս ձեւով: 

ԱՐԱ ԳՕՉՈՒՆԵԱՆ

Նորին Ամենապատուութիւնը վճռական՝ Սուրբ Աթոռի գերագոյն շահերու պաշտպանութեան ուղղութեամբ:
«Չենք հանդուրժեր, որ անձնական հաշիւներու նկրտումներով վնաս հասցուի հայոց վանքին եւ ամէն ինչ կը լուծուի բարւոք ձեւով»:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Պիւյիւքտէրէի Ս. Հռիփսիմեանց եկեղեցւոյ թաղային խորհուրդի ներկայացուցիչները՝ գլխաւորութեամբ ատենապետ Մինաս Մեծատուրի։

Ն.Ս.Օ.Տ.Տ. Գարեգին Բ. Ամենայն Հայոց Սրբազնագոյն Կաթողիկոսին եւ Երուսաղէմի Հայոց Պատրիարք Ամենապատիւ Տ. Նուրհան Ս. Արք. Մանուկեանի միջեւ հեռախօսազրոյց:
Իրաւունքներու պաշտպանութեան քայլեր:
Վեհափառ Հայրապետը մշտական կապի մէջ է Նորին Ամենապատուութեան հետ: Մայր Աթոռ Սուրբ Էջմիածինը կարելի աջակցութիւնը կը ցուցաբերէ Պատրիարքութեան:
Հայաստանեայց Առաքելական Եկեղեցւոյ նուիրապետութիւնը տրամադրուած՝ ամբողջական զօրակցութեան պատրաստակամութեամբ ի նպաստ Սրբոց Յակոբեանց զինուորեալ միաբանութեան:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կեանքին որպէս «պայքար» մը՝ կռիւ մը, մաքառում մը կարծող տեսանկիւնէ մը մօտեցողներ, կեանքը «կռիւ» մը կարծողներ կան. բնական է ասիկա, քանի որ կեանքը ապրիլ դիւրին չէ՝ դժուար ընթացք մըն է։

ԲԺԻՇԿ ՎԱՀԱՆ ԱՐԾՐՈՒՆԻ (1905)
Արեւմտահայերէնի վերածեց՝
ՎԱՐԱՆԴ ՔՈՐԹՄՈՍԵԱՆ

Ե՞րբ պէտք է երեխան ծիծէն կտրել: Ինչպէ՞ս կերակրել երեխան ծիծէն ետք: Փոխեր, մսաջուրը, մսեղէն, բանջարեղէն, շաքարեղէն, միրգ: Ոգելից խմելիք: 2-3 տարեկան երեխային օրական սնունդը:

ՎԱՐԱՆԴ ՔՈՐԹՄՈՍԵԱՆ

Հարցում. Այսօրուան մարդը մնայուն վազքի մէջ հարստութիւն դիզելու համար. կարծէք հարստանալու մարմաջը դարձած ըլլայ մարդուն գերագոյն նպատակը: Աւելին, կարծէք մարդիկ հարստութեան, կամ շատ դրամ ունենալուն մէջ կը տեսնեն իրենց հանգիստը: Առակագիրը այս մասին բան կ՚ըսէ՞:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կեանքին գոյապահպանման եւ գոյատեւման ծառայող բնազդներու կարգին կան նաեւ ուրիշ ազդակներ. ընդհանրապէս հռչակաւոր, համբաւաւոր ըլլալ, կամ այդպէս երեւելու ձգտում, որ ի վերջոյ նպատակ ունի անմոռաց՝ անմահ ըլլալ։ Այս ձգտումը իր մէջ կը բովանդակէ՝ կարողութեան գաղափարը, միտումը, ինչպէս նաեւ՝ ինքնահաւանութիւնը եւ մրցակցութիւնը, եւ անշո՛ւշտ՝ նախանձը։

Երուսաղէմի Հայոց Պատրիարքական Սուրբ Աթոռը այս շրջանին կը դիմագրաւէ դժուարին եւ նուրբ կացութիւն մը:
Յորդանանի եւ Պաղեստինի իշխանութիւնները դադրեցան Ամեն. Տ. Նուրհան Սրբազան Արքեպիսկոպոս Մանուկեանի Պատրիարքի հանգամանքը ճանչնալէ: Միաբանական ընդհանուր ժողովը կոչ ուղղեց, որպէսզի վերատեսութեան ենթարկուի որոշումը:
Սրբոց Յակոբեանց զինուորեալ միաբանութիւնը շարժման անցած է գերադասելով եկեղեցւոյ եւ պատիրաքութեան գերակայ եւ անսակարկելի շահերը: Ստեղծուած լուրջ ու ծանրակշիռ իրադրութիւնը կը յաջորդէ Տ. Պարէտ Ծայրագոյն Վարդապետ Երէցեանի կարգալոյծ հռչակուելուն եւ վանքէն վտարուելուն, ինչ որ անմիջական կապ ունի «Կովերու պարտէզ» ազգապատկան կալուածի աղմկարար վարձակալութեան հարցին հետ։