Արխիւ

Հանրապետութեան նախագահ Ռեճեփ Թայյիպ Էրտողան յայտարարեց, որ Թուրքիա-Հայաստան յարաբերութիւններու բնականոնացման գործընթացը կ՚ընթանայ իր ընթացիկ հունին մէջ։

Երէկ, հաճոյքն ունեցանք խմբագրատանս մէջ հիւրընկալելու Սամաթիոյ Ս. Գէորգ եկեղեցւոյ թաղային խորհուրդի ատենապետ Նուրհան Տավուլճեանը, որուն կ՚ընկերանային Սահակեան-Նունեան վարժարանի նախակրթարանի բաժնի տնօրէնուհի Գարին Չաղլըուզուն եւ ուսուցչական կազմէն Լիանա Պենլի։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց «Save Armenia» յուդայա-քրիստոնէական դաշինքի տնօրէն Մաթիաս Փերթուլլան եւ տնօրէններու խորհուրդի անդամներէն տքթ. Ալվետա Քինկը, որ Մարթին Լութեր Քինկի կրտսեր զարմուհին է, քաղաքացիական իրաւունքի պաշտպան եւ քրիստոնէական հաւատքի դեսպան։

ՄԱՀՄՈՒՏ ՏԱՐՈՒԻՇ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Երուսաղէմ ճամբորդե՞լ կ՚ուզես:
Կը վերցնես հեռաձայնը, ոստիկանատան յատուկ յանձնարարութիւններու սպան կը փնտռես: Լաւ կը ճանչնաս զինք, կը հարցնես անոր որպիսութիւնը, կատակ կ՚ընես անուր հետ:

ՀՐԱՅՐ ՏԱՂԼԵԱՆ

Քաղաքականութեան մասին գրելէ կը խուսափիմ, որովհետեւ կը հաւատամ, որ այդ մէկը մեր՝ մահկանացուներուս հասկնալիք բանը չէ, որովհետեւ իրականութեան մէջ այդտեղ այդքան ալ հասկնալու բան մը չկայ. պիտի ըլլայ այն՝ ինչ նախապէս որոշուած է. մնացածը պարզապէս ցուցադրութեան բաժինն է՝ բեմականացումը անյաջող թատերգութեան մը, որուն ծախսը ժողովուրդը ի՛նք կը հոգայ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Չեմ գիտեր ինչո՞ւ արդեօք, ամէն աշնանամուտի՝ 23 սեպտեմբերին, սիրոյ մասին խորհրդածելու պահանջքը կը զգամ։ Այս շրջանին մանաւանդ կը մտածեմ սիրոյ վրայ, թէ ան անվե՛րջ է՝ եթէ ան իսկական, անկեղծ սէր է:

Գեղարուեստական եւ մշակութային աշխարհի ուշադրութիւնը այս օրերուն կեդրոնացած է Երեւանի վրայ։ Հայաստանի Հանրապետութեան անկախութեան տարեդարձի տօնակատարութիւններու շրջանակներէն ներս բացուած «Սրբազան երկխօսութիւն. Լուվրէն Հայաստանի Պատմութեան թանգարան» խորագրեալ միջազգային ցուցադրութիւնը առաջին իսկ քայլափոխին արձանագրած է մեծ յաջողութիւն։

ՍԵՒԱՆ ՍԵՄԷՐՃԵԱՆ

Մէջբերումները կը շարունակուին։ 
Չհետեւիլը ընտրութիւն է, հետեւիլը՝ պատասխանատուութիւն. գիտնալու պատասխանատուութիւն։ 
Չհետեւողները կը զարմանան, կոչ ու կեցուածք կը յայտարարեն, հետեւողները՝ կը դիտեն, եթէ չսխալիմ, արդէն՝ անզգայ։ 

ԱՆՈՒՇ ԹՐՈՒԱՆՑ

Լիբանանահայ մտաւորական Սեդա Մարկոսեան-Խտըշեանի «Մեր տունը» գիրքը (լոյս տեսած 2025-ին) մերօրեայ արեւմտահայերէն գրական պատումի վառ օրինակներէն է, որ կ՚ապացուցանէ, թէ արեւմտահայերէնը կենդանի է, քանի դեռ կենդանի են այն յիշողութիւնները, որոնք ապրեցուցած են սերունդներ եւ տակաւին պիտի ապրեցնեն: