Արխիւ

ՀՐԱՅՐ ՏԱՂԼԵԱՆ

Առաջին անգամ ըլլալով Երեւանէն դուրս՝ Լոռիի մարզէն կը գրեմ այսօրուան յօդուածս. տպաւորութիւնները տարբեր են. դրական, սակայն միեւնոյն ժամանակ բացասական: Որպէս բնութիւնը ամբողջական դրախտավայր մը. սքանչելի տեսարան, խաղաղութիւն, հեռու մարդկային քաոսէն, սակայն մտահոգեցուցիչը այն էր, որ բնակիչները գրեթէ տարեցներ են:

Օրթագիւղի Ս. Աստուածածին եկեղեցւոյ թաղային խորհուրդը շաբաթավերջին հանդէս եկաւ կարեւոր յայտարարութեամբ մը։ Հարկ է նշել, որ վերջին շրջանին մամուլի մէջ լոյս տեսած են լուրեր, որոնք հանրային կարծիքի օրակարգին վրայ կը բերեն այս թաղային խորհուրդին վերաբերեալ՝ գայթակղութեան համազօր զգայացունց լուրեր։

Տ.Տ. Գարեգին Բ. Ամենայն Հայոց Կաթողիկոսը 2024-2025 կրթական շրջանի սկիզբին առթիւ հրապարակեց պատգամ մը։ Վեհափառ Հայրապետի վերամուտի պատգամը երէկ հրապարակուեցաւ՝ քանի սեպտեմբերի 1-ը Հայաստանի մէջ կը նշուի որպէս՝ Գիտելիքի, գիրի եւ դպրութեան օր։ Ստորեւ արեւմտահայերէնի վերածելով կը ներկայացնենք Նորին Սրբութեան պատգամը։

ՍԱԳՕ ԱՐԵԱՆ

Բարդ եւ անշնորհակալ գործ է, անշուշտ, «լաւ բժիշկ»ի մը տանիլ Հայաստանի վիրաւոր մարմինը, որ այսօր դարձեալ ինչպէս անցնեալ չորս տարիներուն, կ՚ապրի մշուշոտ պահեր։ Ներքին քաղաքական վերիվայրումներէ անդին, յստակ է, անշուշտ, որ Հայաստանի շուրջի գործընթացներուն մէջ ո՛չ միայն ինք կամք թելադրելու ուժ չունի, այլեւ յայտնուած է առաւել չափով խաղը դիտողի ծանր կացութեան մէջ։

ՊԻԱՆՔԱ ՍԱՐԸԱՍԼԱՆ

Զանազան կարծիքներ յայտնուած են եսասիրութեան, «ես»ի կարեւորութեան, նաեւ եսամոլութեան մասին։ Կրօնները յաճախ եսամոլութիւնը կը համարեն մեղք կամ չարիք եւ կը կեդրոնանան ուրիշներու կարեւորութեան վրայ:

ՍԱԳՕ ԱՐԵԱՆ

Թուրքիոյ արտաքին քաղաքականութեան հիմնական օրակարգը կը շարունակէ ձեւով մը մնալ՝ «զերօ խնդիր հարեւաններու հետ» դրոյթը. բան մը, որ վերջին շրջանին յատկապէս շեշտադրուեցաւ անցեալ տարուան տեղական ինքնակառավարման մարմիններու ընտրութիւններով։

«Foreign Policy» վերջերս ուշագրաւ հրապարակում մը ըրաւ. կլիմայի փոփոխութիւնը Մերձաւոր Արեւելքը պիտի վերածէ կեանքի համար անպիտան տարածաշրջանի մը։

Հայաստանի մէջ 2027 թուականին տեղի պիտի ունենայ Սահմանադրութեան փոփոխութիւններու հանրաքուէ։ «Արմէնփրէս»ի հաղորդումներով, կառավարութեան երէկուան ժողովէն վերջ այս նիւթին շուրջ լրագրողներու հետ զրուցեց Հայաստանի արդարադատութեան նախարար Գրիգոր Մինասեան, որ կը գլխաւորէ նաեւ բարեփոխումներու խորհուրդը։

30 Օգոստոսի առթիւ Ամեն. Ս. Պատրիարք Հայրը մասնակցեցաւ երէկ կազմակերպուած  ձեռնարկներու
Նորին Ամենապատուութիւնը թրքահայութեան անունով Յաղթանակի տօնը շնորհաւորեց Իսթանպուլի նահանգապետարանին մէջ