Եկեղեցական

ՎԵՀԱՓԱՌ ՀԱՅՐԱՊԵՏԸ ՀԱՆԴԻՊՈՒՄ ՄԸ ՈՒՆԵՑԱՒ ՇԱԲԱԹԱՎԵՐՋԻՆ ՁԵՌՆԱԴՐՈՒԱԾ ՆՈՐԱՕԾ ՔԱՀԱՆԱՆԵՐՈՒՆ ՀԵՏ

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց շաբաթավերջին Երեւանի Ս. Գրիգոր Լուսաւորիչ Մայր եկեղեցւոյ մէջ ձեռնադրուած 12 նորաօծ քահանաները։ Հանդիպման ներկայ էին Մայր Աթոռ Սուրբ Էջմիածնի լուսարարապետ Տ. Յովնան Եպսկ. Յակոբեան եւ Արմաւիրի թեմի առաջնորդ Տ. Սիոն Արք. Ադամեան, որ կատարած էր ձեռնադրութիւնը։

ՈՒԽՏԱՒՈՐՆԵՐՈՒ ԱՅՑ

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց խումբ մը ամերիկահայ ուխտաւորներ, որոնք մեկնած էին Ֆիլատելֆիայէն։ Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմի Ֆիլատելֆիոյ Ս. Երրորդութիւն եկեղեցւոյ հոգեւոր հովիւ Տ. Յակոբ Քհնյ. Գէորգեանի կողմէ գլխաւորուած ամերիկահայ ուխտաւորները այս օրերուն հոգեւոր մեծ հրճուանք կ՚ապրին Հայաստանի մէջ։

ՎԵՀԱՓԱՌ ՀԱՅՐԱՊԵՏԸ ՀԻՒՐԸՆԿԱԼԵՑ ԱՒՍՏՐԱԼԱՀԱՅ ՈՒԽՏԱՒՈՐՆԵՐ

Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ վերջերս հիւրընկալեց Հայաստանեայց Առաքելական Եկեղեցւոյ Աւստրալիոյ եւ Նոր Զելանտայի հայոց թեմէն խումբ մը ուխտաւորներ։ Մելպուռնի Ս. Աստուածածին եկեղեցւոյ հոգեւոր հովիւ Տ. Խաչեր Քհնյ. Յարութիւնեանի կողմէ գլխաւորուած ուխտաւորները հոգեւոր մեծ հրճուանք ապրեցան ստանալով Վեհափառ Հայրապետի օրհնութիւնը եւ հաղորդ դառնալով անոր պատգամին։

ՎԵՀԱՓԱՌ ՀԱՅՐԱՊԵՏԸ ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՄԷՋ ԸՆԴՈՒՆԵՑ ԱՆՆԱ ՅԱԿՈԲԵԱՆԸ

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի վարչապետ Նիկոլ Փաշինեանի կողակիցը՝ Աննա Յակոբեանը, որ կը գլխաւորէ «Իմ Քայլը» եւ «City of Smile - Ժպիտներու քաղաքը» բարեգործական հիմնադրամներու հոգաբարձուներու խորհուրդները։ Կը հաղորդուի, որ Աննա Յակոբեան Վեհափառ Հայրապետին ներկայացուցած է իր ղեկավարած երկու հիմնադրամներու գործունէութիւնը, ծրագրերն ու արդէն ձեռնարկուած աշխատանքները։

ԱՆՄԱՀՈՒԹԵԱՆ ԸՆԹԱՑՔ

Մայր Աթոռի մէջ հաւաք. «Հայ Եկեղեցւոյ իւրաքանչիւր սպասաւոր, անկախ իր միաբանական պատկանելիութենէն, Սուրբ Էջմիածնի ուխտի միաբան է»:
Ն.Ս.Օ.Տ.Տ. Գարեգին Բ. «Մենք բոլորս ունինք Սուրբ Էջմիածնի առաքելութեան սպասաւորը ըլլալու պատիւը, շարունակողներն ենք մեր նուիրեալ հայրերու գործին»:

ՎԵՀԱՓԱՌ ՀԱՅՐԱՊԵՏԸ ՄԱՅՐ ԱԹՈՌ Ս. ԷՋՄԻԱԾԻՆ ԱՅՑԵԼԱԾ ՊԱՏԱՆԻ ՈՒԽՏԱՒՈՐՆԵՐՈՒՆ ՅՈՐԴՈՐԵՑ ՀԱՍԱԿ ԱՌՆԵԼ ԱՍՏՈՒԾՈՅ ՍԻՐՈՅ ՄԷՋ

Ամենայն Հայոց Տ.Տ. Գարեգին Բ. Կաթողիկոսը վերջերս Մայր Աթոռ Սուրբ Էջմիածնի մէջ հիւրընկալեց Արմաւիրի թեմի կիրակնօրեայ դպրոցներու սաները։ Մանուկներէ եւ պատանիներէ բաղկացեալ այս հսկայ խումբին առաջնորդեց Արմաւիրի թեմի առաջնորդ Տ. Սիոն Արք. Ադամեան։ Կիրակնօրեայ դպրոցներու շուրջ 240 սաները ուխտի մեկնած էին Մայր Աթոռ Սուրբ Էջմիածին եւ այս առթիւ ստացան Վեհափառ Հայրապետի օրհնութիւնը։

ՈՒԽՏԱՒՈՐՆԵՐՈՒ ԱՅՑ

Ամենայն Հայոց Տ.Տ. Գարեգին Բ. Կաթողիկոսը վերջերս Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն խումբ մը ուխտաւորներ։ Վեհափառ Հայրապետը ամերիկահայ ուխտաւորներուն հետ մէկտեղուեցաւ «Գարեգին Ա.» կրթական կեդրոնի երդիքին տակ:

Էջեր