Երէկ, համայնքային շրջանակները՝ մասնաւորապէս Սամաթիոյ ընտանիքը ողջունեցին Լիանա Պենլիի եւ Սէրտար Քասափչըլարի կեանքի միասնութիւնը: Սամաթիոյ Ս. Գէորգ եկեղեցւոյ մէջ տեղի ունեցած Ս. Պսակի խորհրդակատարութիւնը համախմբեց հոծ թիւով ներկաներ, որոնք փութացած էին նորապսակ ամոլի ուրախութիւնը բաժնելու:
Պոլսահայ գեղարուեստասէրներուն տեսակէտէ շաբաթավերջին իսկական վայելք մը եղաւ՝ Հայաստանէն «Օրթաքեան» պարախումբի հիւրընկալումը: Ներկայ ամառնամուտին, այս խումբին ելոյթը բարձր տրամադրութիւն ստեղծեց՝ մինչ համայնքային կեանքէ ներս ձեռնարկները հետզհետէ թափ կը ստանան:
Երէկ, Պէյօղլուի Լուսաւորիչ դպրաց դաս-երգչախումբի մանկապատանեկան կազմը 2025-2026 տարեշրջանի եզրափակիչ փուլին խրախճանք մը իրականացուց Ռումելի Հիսարի Սուրբ Սանդուխտ եկեղեցւոյ մէջ: Վոսփորի գեղատեսիլ համայնապատկերին վրայ տեղի ունեցաւ այս խրախճանքը, որու ընթացքին տնօրէն խորհուրդը վերահսկեց մանկապատանեկան կազմի տղաքը:
Երէկ, Պաքըրգիւղի ընտանիքը խանդավառ օր մը ապրեցաւ՝ թաղի Տատեան վարժարանի շրջանաւարտից օրուան առթիւ։ Տարեկան հաւաքը այս տարի եւս անցաւ բարձր տրամադրութեան պայմաններու ներքեւ։
Կէտիկփաշայի «Հրանդ Տինք» դպրոցին մէջ շաբաթավերջին հիւրընկալուեցան՝ Սելվին Բարունակեան-Էօզկիւլ, Թամար Սինանօղլու-Կէօքչէօղլու եւ Լինտա Աքեան-Չեթինքայա, որոնք համայնքէն ներս կը ծաւալեն կամաւոր գործունէութիւն: Իգական սեռի այս երեք գործիչները վերջերս կազմակերպած էին ծաղկանոցի աշխատանք մը, որ արժանացած էր անմիջական ուշադրութեան:
Պաքըրգիւղի Տատեան վարժարանի աւարտական դասարանի սաները այս տարի եւս իրականացուցին պտոյտ մը՝ ամառնամուտի շրջանին: Դպրոցէն հրաժեշտ առնելէ առաջ, ութերորդ դասարանի տղաքը այս պտոյտը իրականացուցին՝ մէկ կողմէ բարձր տրամադրութեան պայմաններով զիրար վայելելով, իսկ միւս կողմէ դպրոցէն հրաժեշտ առնելու յուզումնախառն պահուն ընդառաջ:
«Բարեկամ» խմբակին կողմէ կազմակերպուած դասընթացքներու եզրափակիչ հանդիսութիւնը շաբաթավերջին տեղի ունեցաւ Թոփգաբուի Լեւոն-Վարդուհեան վարժարանին մէջ: Հանդէսի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան, որուն ընկերացաւ Տ. Շիրվան քահանայ Միւրզեան:
Այս շաբաթավերջին, պոլսահայութիւնը կը հիւրընկալէ Հայաստանէն «Օրթաքեան» պարախումբը, որ եկած է Էջմիածին քաղաքէն։
Համբարձման տօնն ու Սուրբ Փրկիչ Ազգային հիւանդանոցի հիմնադրութեան 194-րդ տարեդարձին առթիւ արարողութիւններ:
Պետրոս Շիրինօղլու մանրամասն բացատրութիւններ տուաւ՝ հսկայական ներդրումներով ստեղծուած եւ արդի սարքաւորումներով օժտուած նոր բաժանմունքներուն մասին: Ամենապատիւ Սրբազան Պատրիարք Հայրը շեշտը դրաւ ժառանգութեան գիտակցութեան վրայ՝ դրուատելով հոգաբարձութեան կողմէ որդեգրուած առաջնահերթութիւնները՝ նաւուն ընկղմիլը կանխելու անհրաժարելի կէտ նպատակով:
Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Պէյօղլուի սուրբ եկեղեցեաց թաղային խորհուրդի փոխ-ատենապետ Խաչիկ Ճանէլն ու գործակից ընկերները: Ներկայ էին նաեւ Տ. Յարութիւն վրդ. Տամատեան եւ Տ. Գէորգ աւ. քհնյ. Չնարեան:
