Թրքահայ կեանք

Երէկ, հաճոյքն ունեցանք խմբագրատանս մէջ ընդունելու պոլսահայ կրթական համակարգէն երեք արժէքաւոր ներկայացուցիչ։ Այսպէս, մեր հիւրերն էին՝ Պէզճեան Մայր վարժարանի տնօրէնուհի Քլոտիա Ալթըփարմաք Տեմիր, Էսաեան վարժարանի մանկապարտիզպանուհիներէն Սիպիլ Աւագօղլու եւ եւ երիտասարդ կրթական մշակներէն Դալար Նալճը։

Համայնքային շրջանակներուն ուշադրութիւնը շաբաթավերջին կեդրոնացած էր Ռումելիհիսարի վրայ։ Այժմ թէեւ հայ բնակչութենէ նօսրացած, սակայն, պատմական աւանդութիւններով հարուստ այս թաղը կարեւոր ձեռքբերում մը ունեցած է՝ ատենապետ Օշին Փոլատի գլխաւորած թաղային խորհուրդի ջանքերով։

Երէկ, Սկիւտարի բարձունքին տեղի ունեցաւ փառատօն մը, որ համախմբեց մեր համայնքի զանազան սերունդներէ բազմահարիւր ներկայացուցիչները։ Միջմիութենական յանձնախումբի նախաձեռնութեամբ կազմակերպուած այս ծրագիրը կոչուած էր «Միասնութեան փառատօն», որու պատուոյ հիւրը եղաւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։

Ֆէրիգիւղի ընտանիքը շաբաթավերջին համախմբուեցաւ եզակի հաւաքոյթի մը առթիւ։ Այսպէս, թաղի Մէրամէթճեան վարժարանի շրջանաւարտից հաւաքը տօնական տրամադրութեան մէջ համախմբեց զանազան սերունդներէ սաներ։

Գոհունակութեամբ վերահասու կ՚ըլլանք, թէ երաժշտական աշխարհէ ներս նոր ոստումի մը սեմին է համակրելի երգիչ Այգուն Պուտաք, որ ողջունելի գործունէութիւն կը ծաւալէ։ «Իմ սրտին դաշոյն» խորագրեալ իր երգն ու տեսահոլովակը արդէն հասանելի է առցանց բոլոր հարթակներու վրայ։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արքեպիսկոպոս Մաշալեան ընդունեց ծանօթ հնահաւաք, հնագէտ ու գործարար Ռաֆֆի Փորթագալն ու դուստրը՝ Մայան:

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Թոփգաբուի Լեւոն-Վարդուհեան վարժարանէն աշակերտներու խումբ մը։ Թաղի Ս. Նիկողայոս եկեղեցւոյ հոգեւոր հովիւ Տ. Շիրվան Քհնյ. Միւրզեանն ալ ներկայ էր հանդիպման։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Թարապիոյի պանդոկին մէջ մասնակցեցաւ պաշտօնական ընդունելութեան մը, որ ձօնուած էր Գերմանիոյ վերամիաւորման օրուան։

Երէկ, Ս. Խաչ դպրեվանքի ընտանիքը հիւրընկալեց Ամերիկայի Միացեալ Նահանգներէն՝ Սիլիքոնեան հովիտի յայտնի ձեռներէցներէն Մակտալենա Եշիլը, որ համբաւ կը վայելէ թեքնոբանութեան ու գործարարութեան աշխարհէ ներս ուշագրաւ նախաձեռնութիւններով։

Գատըգիւղի ընտանիքը այս շրջանին խանդավառուած է «Ապագայ» մանկապատանեկան երգչախումբի ստեղծումով։ Թաղի նոր սերունդի ներկայացուցիչները ներգրաւուած են այս ծրագրին, որ յառաջ պիտի տարուի համակրելի արուեստագէտ Հրանդ Ճիզմէճեանի մականին ներքեւ։