Ս. Խաչ դպրեվանքի ընտանիքը այս տարի եւս կազմակերպեց՝ դպրոցի անմոռանալի ու բարեյիշատակ տնօրէններէն հոգելոյս Հայկ Նշանի յիշատակին ձօնուած աւանդական մարզական խաղերը, որոնք չորրորդն էին իրենց նմաններու շարքին
Գատըգիւղցիներու խումբ մը վերջերս այցելեց Յունաստանի Ալեքսանտրոփոլի քաղաքը։ Թաղի Ս. Թագաւոր դպրաց դաս-երգչախումբի անդամները բաղկացուցին այս խումբին կորիզը։
Պոլսահայութիւնը կորսնցուց վարպետ մը. Տիգրան Թոփալեանի ոսպնեակը դարձած էր յիշողութեան գործօն:
Ոչ եւս է՝ թրքահայ արդի տարեգրութեանց բազում պահերը վաւերացուցած եւ անմահացուցած բազմավաստակ լուսանկարիչը:
Խոր ցաւով վերահասու եղանք, որ իր մահկանացուն կնքած է պոլսահայ կրթական համակարգի տիրական դէմքերէն Հերմինէ Պենլիօղլու։ Պաքըրգիւղի ընտանիքին հետ նոյնացած, հայ դպրոցի առաքելութեան յարատեւութեան ճանապարհին տասնամեակներ շարունակ ջանք ու եռանդ չխնայած, անձնուրաց աշխատանք տարած կրթական մշակ մըն էր Հերմինէ Պենլիօղլու, որու կորուստը համատարած ցաւ ստեղծած է համայնքային շրջանակներէն ներս։
Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու՝ որպէս Թրքահայ վաքըֆներու միութեան (ԹՎՄ-ERVAB) ղեկավար երէկ հիւրընկալեց հեռուստահաղորդավար Արամ Գուրանը, որ վերջերս ներգրաւուած է Հանրապետութեան նախագահութեան առընթեր մշակոյթի եւ գեղարուեստի քաղաքականութիւններու խորհուրդի կազմին։
Համայնքային շրջանակները շաբաթավերջին ողջունեցին Թաքսիմի Սուրբ Յարութիւն եկեղեցւոյ պաշտամունքի վերաբացումը։ Թրքահայ ազգային-եկեղեցական կեանքէն ներս օծման հանդիսաւոր արարողութիւնը հոգեւոր մեծ ուրախութեան առիթ դարձաւ։
Էսաեան սանուց միութեան «Մարալ» համոյթը կը պատրաստուի հանդէս գալ ելոյթով մը։ «Մարալ»ի ընտանիքը ներկայիս կը նշէ համոյթի հիմնադրութեան 45-ամեակը։
Ֆրանսահայ յայտնի նկարչուհի Ասիլվա այս օրերուն Իսթանպուլի գեղարուեստասէրներուն կը ներկայանայ եզակի ցուցահանդէսով մը։ Բանկալթըի «Պերզէ» գեղարուեստասրահին մէջ բացուած է այս ցուցահանդէսը, որ շաբաթավերջին համախմբեց հոծ թիւով արուեստասէրներ։
Համայնքային շրջանակները այս օրերուն կ՚ողջունեն մեր յայտնի ու համակրելի ազգայիններէն տքթ. Գարուն Գովանի յոբելեանը։ Այսպէս, ան նախընթաց օր՝ ապրիլի 24-ին դարձաւ 60 տարեկան եւ այս կապակցութեամբ համայնքային զանազան շրջանակներէն իրեն կը հասնին շնորհաւորութիւններ եւ բարեմաղթանքներ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց պոլսահայ տիկնանց կազմերու ներկայացուցիչները, որոնք Գումգաբու այցելեցին Ս. Զատկի աւանդական շնորհաւորութեան առթիւ։
