Թրքահայ կեանք

«Նոր սահմանադրութեան մը մշակման գործընթացին կը սպասեմ։ Օսմանեան շրջանին կարօտ մը կայ Թուրքիոյ մէջ։ Թէկուզ փոքրամասնութիւններու իրաւունքներն ալ կը յիշուին»։

Պատրիարքարանի երդիքին տակ արդէն ընթացքի մէջ է՝ համայնքային շրջանակներուն կողմէ սպասուած մամլոյ ասուլիսը։ Գումգաբուի մէջ օրակարգի վրայ են թրքահայ ազգային-եկեղեցական կեանքի հրատապ հարցերը, որոնց կապակցութեամբ խորհրդածութիւններով հանդէս կու գայ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այսօր երեկոյեան Գումգաբուի մէջ կը սարքէ մամլոյ ասուլիս մը։ Անցեալ շաբաթավերջին, Պատրիարքական Աթոռի աղբիւրները պաշտօնապէս տեղեկացուցած էին այս նախաձեռնութեան մասին եւ վերջին օրերուն արդէն սա կը բնորոշէ թրքահայ ազգային-եկեղեցական կեանքի օրակարգը։

Երէկ, հաճոյքն ունեցանք խմբագրատանս մէջ հիւրընկալելու Կէտիկփաշայի Զուարթնոց դպրաց դաս-երգչախումբի արժէքաւոր խմբավար Ատրուշան Սրկ. Հալաճեանը, որուն կ՚ընկերանար տնօրէն խորհուրդէն Ժիրայր Ագմերճան։

Հանրապետութեան նախագահ Ռեճեփ Թայյիպ Էրտողան վերընտրուեցաւ ԱՔ կուսակցութեան ղեկավար։ Շաբաթավերջին, մայրաքաղաք Անգարայի մէջ տեղի ունեցաւ կուսակցութեան համագումարը, որու ընթացքին բոլոր պատգամաւորներու միաձայնութեամբ Էրտողան վերընտրուեցաւ կուսակցապետ։

Շաբաթավերջին Իսթանպուլի երաժշտասէրներուն տեսակէտէ բացառիկ հաճոյք մըն էր՝ վայելել ամերիկահայ նշանաւոր ուտահար Արա Տինքճեանի ներկայութիւնը։ Շաբաթ երեկոյեան ան համերգով մը հանդէս եկաւ՝ Իսթանպուլի գլխաւոր քաղաքապետութեան առընթեր Հարպիյէի «Ճեմալ Ռեշիտ Ռէյ» համերգասրահի երդիքին տակ։

Թրքահայ ազգային-եկեղեցական կեանքէն ներս բարի յիշատակ թողած կրթական մշակ մըն է ողբացեալ Եավուզ Քըլըչէր, որ զանազան առիթներով կ՚ոգեկոչուի երանութեամբ։ Ան ո՛չ միայն համայնքային վարժարաններէ ներս նկարչութեան ուսուցիչ եղած է, այլեւ զանազան եկեղեցիներու սրբանկարներու խնամքով ալ զբաղած է։

«Պոլիս լուսատու» լուսանկարիչներու միաւորման «Վարպետ ձեռքերու կախարդանքը» խորագրեալ ցուցահանդէսը կը շարունակէ գեղարուեստասէրներու եւ հետաքրքիրներու անմիջական ուշադրութեան առարկայ դառնալ։ 

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ քահանայ ձեռնադրեց տիրացու Արի Էքինճեանը, որ վերանուանուեցաւ՝ Տ. Արսէն Քահանայ։ Պոլսահայ հոգեւորականաց դասը այսպէսով համալրուեցաւ երիտասարդ ուժով մը, ինչ որ ողջունելի է հաւատացեալ ժողովուրդին տեսակէտէ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Կէտիկփաշայի Զուարթնոց դպրաց դաս-երգչախումբի ներկայացուցիչները։ Հանդիպման ներկայ էր Պատրիարքարանի լուսարարապետ Տ. Տրդատ Աւ. Քհնյ. Ուզունեան, որ, միեւնոյն ժամանակ, այս դպրաց դասու նախագահն է։