Ամեն. Ս. Պատրիարք Հօր հովանաւորութեամբ, մաէսթրօ Ատրուշան Հալաճեանի սաները Բուն Բարեկենդանին զուգադիպած երեկոյթը վերածեցին երաժշտութեան անմոռանալի խնջոյքի մը:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Բարեկենդանի աւանդական արարողութիւններուն նախագահեց Ֆէրիգիւղի Ս. Վարդանանց եկեղեցւոյ մէջ, ուր պատարագեց Տ. Կորիւն Աւ. Քհնյ. Ֆէնէրճեան:
Մխիթարեան վարժարանի հիմնադրութեան 200-ամեակին ձօնուած յոբելենական ձեռնարկներու շարքէն ներս, շաբաթավերջին փայլուն համերգ մը տեղի ունեցաւ՝ Սաքըզաղաճըի Ս. Աստուածածին հայ կաթողիկէ եկեղեցւոյ երդիքին տակ։
Պէզճեան Մայր վարժարանի սաները շաբաթավերջին մասնակցեցան «6. Technovation Turkey Launch Event» ձեռնարկին։ Այս նախաձեռնութեան նպատակն էր՝ խրախուսել STEM-ի մարզէն ներս յաւակնոտ երիտասարդներու պատրաստութիւնը։
Խոր ցաւով վերահասու եղանք, թէ իր մահկանացուն կնքած է մեր համայնքի երէց սերունդի տիրական ներկայացուցիչներէն՝
ՏԻԿԻՆ
ԱՆԻ ՖՈՒԼԻԱՆԷ ՖԵՐԱՀԵԱՆ
որու կորուստը սուգի մատնած է իր ընտանիքը, միեւնոյն ժամանակ, համայնքային շրջանակներէն ներս գտած է լայն արձագանգ։
Հայ կաթողիկէ հասարակութեան շրջանակները, Մեծ պահոց շրջանին ընդառաջ, երէկ կէսօրուան ժամերուն մասնակցեցան հաւաքոյթի մը, որ կազմակերպուած էր Թաքսիմի Ս. Յովհան Ոսկեբերան եկեղեցւոյ տիկնանց կազմին նախաձեռնութեամբ։ Կիւմիւշսույուի «CVK Park Bosphorus» պանդոկին մէջ տեղի ունեցաւ այս հաւաքոյթը, որու ընթացքին ստեղծուեցաւ խանդավառ մթնոլորտ։
Սամաթիոյ Սահակեան-Նունեան վարժարանին մէջ նախընթաց օր տեղի ունեցաւ՝ ասպարէզներու ծանօթացման ուղղեալ հաւաքոյթ մը։ Դպրոցի միջնակարգի բաժնի տնօրէնութեան նախաձեռնութեամբ կազմակերպուած հաւաքոյթը երկրորդն էր իր նմաններու շարքին։
Օրթագիւղի Թարգմանչաց վարժարանի աշակերտները մասնակցեցան «TED Atakent» քոլէճի հիւրընկալմամբ, Թուրքիոյ մտախաղերու միութեան նախաձեռնութեամբ կազմակերպուած մրցաշարքին, որ երրորդն էր իր նմաններու շարքին։
Ֆէրիգիւղի Մէրամէթճեան վարժարանի աշակերտները Բարեկենդանի ընդառաջ կազմակերպուած խրախճանքով ապրեցան մեծ խանդավառութիւն:
Գատըգիւղի Արամեան-Ունճեան վարժարանին մէջ նախընթաց օր տեղի ունեցաւ Բարեկենդանի խրախճանք մը։ Դպրոցի տղաքը վերջին քանի մը օրերուն, քանի մը փուլերով Բարեկենդանի ծրագիրը կեանքի կոչեցին՝ ընթացքին անդրադառնալով նաեւ Սրբոց Վարդանանց տօնին։
