Գարակէօզեան Տան համալիրէն ներս երէկ տեղի ունեցաւ մանկարանի փոքրիկներու տարեվերջի հանդէսը։ Օրուան սկիզբին մանկարանի առաջին երկու դասարաններու տղոց հանդէսը տեղի ունեցաւ, իսկ երեկոյեան՝ մանկապարտէզի վերջին դասարանի սաները ստացան իրենց վկայականները։
Գատըգիւղի Արամեան-Ունճեան վարժարանին մէջ տեղի ունեցաւ չորրորդ դասարաններու տարեվերջի հանդէսը։ Տարրական կրթութեան առաջին փուլը աւարտած աշակերտները այս առթիւ ապրեցան մեծ ոգեւորութիւն։
Թոփգաբուի Լեւոն-Վարդուհեան վարժարանի շրջանաւարտներուն համար նախընթաց օր մասնաւոր հանդէս մը կազմակերպուեցաւ՝ թաղի Ս. Նիկողայոս եկեղեցւոյ յարակից «Իլգգան» սրահին մէջ։ Ներկայ էին թաղի պատուոյ ատենապետուհի Մոնիք Երկանեան, թաղային խորհուրդէն ներկայացուցիչներ, Սուրբ Փրկիչ Ազգային հիւանդանոցի ընդհանուր քարտուղարուհի Սիլվա Թրիքա, դպրոցի զօրակից մեր ազգայիններէն Վազգէն Վարդանօղլու, հիմնադրի ներկայացուցիչ Եդուարդ Հարբութ, ծնողաց միութեան անդամներ, ուսուցիչներ, ծնողներ եւ հիւրեր։
Պէզճեան Մայր վարժարանին մէջ տեղի ունեցան տարեվերջի խանդավառ հանդէսներ։ Մանկապարտէզի եւ նախակրթարանի բաժնի աշակերտներուն համար նախատեսուած էին այս հանդիսութիւնները։
Գալֆաեան Տան սաները անցեալ ամիս զանազան մշակութային ձեռնարկներու մասնակցեցան։ Այս ծիրին մէջ անոնց տեսակէտէ շատ հետաքրքրական էր «Փորթագալ» գեղարուեստի տուն տրուած այցելութիւնը։
Շիշլի գաւառակը եւ Տիարպաքըրի Չընար գաւառակը, որոնք դարձած են քոյր գաւառակներ, կեանքի կը կոչեն զանազան ընկերակրթական ծրագրեր։ Այս շարքին մէջ էր «Արեւմուտքէն դէպի արեւելք պարզուած եղբայրութեան ձեռքը» խորագրեալ նախագիծը։
Եշիլգիւղի ընտանիքը նախընթաց օր ընթրիքով մը մեծարեց Թուրքիոյ Հայ Կաթողիկէ Հասարակութեան Վիճակաւոր Տ. Լեւոն Արք. Զէքիեանը։ Ներկայ էր նաեւ Ս. Ստեփանոս եկեղեցւոյ հոգեւոր հովիւ Տ. Կորիւն Ա. Քհնյ. Ֆէնէրճեան։
«Այն աշխատանքը, որ կը գտնուի մեր առջեւ՝ շատ է։ Մեզի կը սպասեն բարելաւելու շատ գործեր ու սիրաշահելու բազմաթիւ սրտեր։ Աստուծոյ օգնութեամբ ու ձեր աղօթքներով պիտի կարենանք յաջողիլ ամպայման։ Հաւատքով ու յամառ կեցուածքով պիտի դիմագրաւենք դժուարութիւնները։
Մենք այս օրը կարողացանք շահիլ մեր ժողովուրդի անսասան կամքով։ Ինձ նման դուք ալ երբեք մի՛ մոռնաք այս ճշմարտութիւնը։ Իմ ներկայ պարտականութիւնն է աւանդութիւններու համաձայն պատրաստել պատրիարքական ընտրութիւնները։ Տէրը օրհնէ ձեզ, լսէ մեր բոլորին աղօթքները»։
Տ. Գարեգին Արքեպսկ. Պեքճեան Ա. Աստուածածին Աթոռանիստ Մայր եկեղեցւոյ մէջ ուխտը կատարելով ստանձնեց տեղապահի պաշտօնը եւ իր առաջին պատգամը տուաւ ժողովուրդին։
Նորին Սրբազնութեան ժամանումը անկիւնադարձային պահ մը կը համարուի Պատրիարքական Աթոռը այլեւս նոր գահակալով մը օժտելու ճանապարհին՝ շուրջ ինն տարուան սպասումէ մը վերջ։
Այս առաւօտ Պատրիարքարանի մէջ տեղի ունեցաւ խորհրդակցութիւն մը։ Տեղապահ Տ. Գարեգին Արք. Պեքճեանի նախագահութեամբ քննարկուեցան պատրիարքական ընտրութեան կազմակերպման եւ յառաջիկային որդեգրուելիք ընթացքի շուրջ հարցեր։
Օրթագիւղի Թարգմանչաց վարժարանէն ներս խումբ մը աշակերտներու կողմէ ստեղծուած լուսանկարչական խմբակը վերջերս կազմակերպեց ցուցահանդէս մը։
