Թրքահայ կեանք

Ե­րէկ ե­րե­կո­յեան, Մխի­թա­րեան սա­նուց միու­թեան մէջ տե­ղի ու­նե­ցաւ նոր ե­ղա­նա­կի բաց­ման հան­դի­սա­ւոր հա­ւա­քոյ­թը։ Միու­թե­նէն ներս նոր ե­ղա­նա­կի բա­ցու­մը բնո­րո­շեց հան­գու­ցեալ ա­րուես­տա­գէտ Տի­րան Ին­ճի­ճիի գոր­ծե­րուն ցու­ցա­հան­դէ­սը։ Միու­թեան 71-րդ շր­ջա­նի բա­ցու­մը կա­տա­րուե­ցաւ Մխի­թա­րեա­նի սա­նե­րէն Տի­րան Ին­ճի­ճիի նշա­նա­ւոր՝ ե­կե­ղե­ցի­նե­րու ման­րա­կեր­տե­րու ներ­կա­յա­ցու­մով։

Ֆէ­րի­գիւ­ղի Մէ­րա­մէթ­ճեան վար­ժա­րա­նի ծնո­ղաց միու­թիւ­նը ե­րէկ կազ­մա­կեր­պեց կա­նանց հա­ւա­քոյթ մը, որ ան­ցաւ խան­դա­վառ մթնո­լոր­տի մը մէջ։ Վար­ժա­րա­նին ի նպաստ կազ­մա­կեր­պուած այս հա­ւա­քոյ­թը տե­ղի ու­նե­ցաւ Նաք­քաշ­թե­փէի «Պրիճ» ճա­շա­րա­նին մէջ։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան այս ա­ռա­ւօ­տեան կա­նուխ ժա­մե­րուն Մայր Ա­թոռ Սուրբ Էջ­միած­նէն վե­րա­դար­ձաւ՝ Իս­թան­պուլ-Ե­րե­ւան ու­ղիղ թռիչ­քով։ Ինչ­պէս ծա­նօթ է, ան ե­րէկ հան­դի­պում մը ու­նե­ցած էր Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սին հետ։

Այս ա­ռա­ւօտ հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Գալ­ֆաեան Տան խնա­մա­կա­լու­թեան ա­տե­նա­պե­տու­հի Տիա­նա Գամ­բա­րո­սեա­նը, հաս­տա­տու­թեան սիւ­նե­րէն Տա­նիէլ Ան­թի­քա­ճեա­նը եւ դպրո­ցի հիմ­նադ­րի ներ­կա­յա­ցու­ցիչ Թա­մար Քա­րա­սուն։ Նկա­տի ու­նե­նա­լով, որ այս շա­բա­թա­վեր­ջին Գում­գա­բուի մէջ տե­ղի պի­տի ու­նե­նայ Գալ­ֆաեան Տան ի նպաստ տա­րե­կան ա­ւան­դա­կան մա­տա­ղօրհ­նու­թիւ­նը՝ խնա­մա­կա­լու­թեան ներ­կա­յա­ցու­ցիչ­նե­րը փա­փա­քած էին այ­ցե­լել խմբագ­րա­տունս եւ ման­րա­մաս­նու­թիւն­ներ փո­խան­ցել հաս­տա­տու­թեան ներ­կայ վի­ճա­կին շուրջ։

Ե­րէկ ե­րե­կո­յեան, Ֆէ­րի­գիւ­ղի «Շի­րի­նօղ­լու» սրա­հին մէջ տե­ղի ու­նե­ցաւ «Թա­դէոս Կիւն­թէր» միջ­միու­թե­նա­կան նար­տի մրցա­շար­քին բաց­ման ա­րա­րո­ղու­թիւ­նը։ Հարկ է նշել, որ մրցա­շար­քը այս տա­րի կը կազ­մա­կեր­պուի 20-րդ ան­գամ, 13 միու­թիւն­նե­րու մաս­նակ­ցու­թեամբ։

Ե­րէկ հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Ֆէ­րի­գիւ­ղի Մէ­րա­մէթ­ճեան վար­ժա­րա­նի ծնո­ղաց միու­թե­նէն Ժա­նէթ Ար­ծի­ւեանն ու Սե­դա Պէ­շիկ­թաշ­լեա­նը։

Պատրիարքական ընդհանուր փոխանորդը ուշագրաւ հարցազրոյց մը տուաւ tert.am կայքէջին:
Տ. Արամ Արք. Աթէշեան. «Ով որ նստի այս Աթոռին վրայ, պարտաւոր է պաշտպանել մեր համայնքին շահերը»:

Համայնքային շրջանակները բարձր կը գնահատեն Սուրբ Խաչ դպրեվանքի առանձնայատուկ առաքելութիւնը՝ թրքահայ կրթական համակարգէն ներս:
Պատրիարքական Ընդհանուր Փոխանորդ Տ. Արամ Արքեպիսկոպոս Աթէշեան երէկ նախագահեց Աթոռանիստ Մայր եկեղեցւոյ մէջ կազմակերպուած տարեկան մատաղօրհութեան:

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան Ա­մե­րի­կա­յի Միա­ցեալ Նա­հանգ­նե­րէ վե­րա­դար­ձին վեր­ջին օ­րե­րուն շարք մը հիւ­րեր ըն­դու­նեց Գում­գա­բուի մէջ։

Գո­հու­նա­կու­թեամբ վե­րա­հա­սու կ՚ըլ­լանք, թէ Ֆէ­րի­գիւ­ղի մէջ տե­ղա­կա­յուած Vartan Collection ար­ծա­թեայ զար­դե­րու խա­նու­թը ներ­կա­յիս կը նշէ իր հիմ­նադ­րու­թեան ա­ռա­ջին տա­րե­դար­ձը։ Vartan Collection-ի հիմ­նա­դիրն է ար­ծա­թա­գործ ե­րի­տա­սարդ վար­պետ Վար­դան Յով­հան­նէ­սեան, որ իր յա­ճա­խորդ­նե­րուն կը ներ­կա­յաց­նէ ձե­ռա­կերտ գոր­ծեր։