Թրքահայ կեանք

Արամ Սրբազան կրնայ հրաժարիլ:
Ինչ­պէս ե­րէկ հա­ղոր­դած էինք, այ­սօր, ե­րե­կո­յեան ժա­մե­րուն, Գում­գա­բուի մէջ, Ա­թո­ռա­նիստ Մայր ե­կե­ղեց­ւոյ հա­մա­լի­րէն ներս տե­ղի կ՚ու­նե­նայ շատ կա­րե­ւոր հա­մայն­քա­յին ժո­ղով մը։  Թէեւ VADİP-ի ձե­ւա­չա­փին մէջ նա­խա­տե­սուած է այս ժո­ղո­վը, սա­կայն մաս­նակ­ցու­թիւ­նը կ՚ըլ­լայ լայ­նա­խա­րիսխ։

Տ. Սահակ Եպիսկոպոս Մաշալեանի հրաժարականին զուգահեռ՝ համայնքային շրջանակները լուծում մը կը փնտռեն առկայ ճգնաժամին եւ թափ կը ստանայ պատրիարքական ընտրութեան հարցը:
Վաղը՝ Գումգաբուի մէջ կարեւոր ժողով:
Տ. Արամ Արք. Աթէշեան եւ Պետրոս Շիրինօղլու երէկ խորհրդակցեցան հեռաձայնով առկայ կացութեան շուրջ:

Տ. Սահակ Եպիսկոպոս Մաշալեան դատարկած է Պատրիարքարանի սենեակը ու երէկուան դրութեամբ մեկնած՝ Պաքըրգիւղի հօրենական բնակարանը:
Կրօնական ժողովի հրաժարեալ ատենապետը յայտարարութիւններ ըրաւ ԺԱՄԱՆԱԿ-ին. «Եկեղեցի չեմ երթար՝ կրնայ սխալ հասկցուիլ, բայց հրաժարականս չեմ պաշտօնականացուցած»:

Իսթանպուլի երկու սրբազաններուն միջեւ յարաբերութիւնները հունէ դուրս եկան՝ առկայ անցումային շրջանին ստեղծելով նոր մարտահրաւէր մը:
Կրօնական Ժողովի Ատենապետը հրաժարեցաւ:
Տ. Սահակ Եպիսկոպոս Մաշալեան ծանր մեղադրանքներ հասցէագրեց Տ. Արամ Արք. Աթէշեանին, հոգեւորականաց դասուն, աշխարհական վարիչներուն եւ ընդհանրապէս մեր ժողովուրդին:

VADİP-ի ե­րէ­կուան ժո­ղո­վին ըն­թաց­քին Պետ­րոս Շի­րի­նօղ­լու ման­րա­մաս­նու­թիւն­ներ փո­խան­ցեց Հան­րա­պե­տու­թեան նա­խա­գահ Էր­տո­ղա­նի հետ վեր­ջերս Ան­գա­րա­յի մէջ ու­նե­ցած տե­սակ­ցու­թեան ըն­թաց­քին։ Ան յայտ­նեց, թէ մա­մու­լին մէջ ա­մե­նայն ման­րա­մաս­նու­թեամբ թէեւ հա­ղոր­դուած էր զրոյ­ցին բո­վան­դա­կու­թիւ­նը, սա­կայն յար­մար դա­տած էր նաեւ հա­մայն­քի վա­րիչ­նե­րը լու­սա­բա­նել պաշ­տօ­նա­պէս, ուղ­ղա­կիօ­րէն։

VADİP-ի ժո­ղո­վին ըն­թաց­քին դար­ձեալ օ­րա­կար­գի վրայ ե­կաւ Պէյ­քո­զի եր­բեմ­նի գե­րեզ­մա­նա­տան տա­րած­քի ար­ժե­ւոր­ման հար­ցը։ Պետ­րոս Շի­րի­նօղ­լու յայտ­նեց, որ Հան­րա­պե­տու­թեան նա­խա­գահ Էր­տո­ղա­նի հետ անդ­րա­դար­ձած էր այս խնդրին։

Վա­քըֆ­նե­րու խոր­հուր­դի մօտ փոք­րա­մաս­նու­թեանց ներ­կա­յա­ցու­ցիչ Թո­րոս Ալ­ճան եւ Սկիւ­տա­րի Ս. Կա­րա­պետ ե­կե­ղեց­ւոյ թա­ղա­յին խոր­հուր­դի ա­տե­նա­պետ Նուր­հան Էն­կին ան­ցեալ շաբ­թուան մէջ այց մը տուին Սկիւ­տա­րի քա­ղա­քա­պետ Հիւլ­մի Թիւրք­մէ­նին։

Թուր­քիոյ Կա­թո­ղի­կէ Հա­յոց Վի­ճա­կա­ւոր Տ. Լե­ւոն Արք. Զէ­քիեա­նի օրհ­նու­թեամբ, ա­ռաջ­նոր­դու­թիւ­նը այս տա­րի հրա­տա­րա­կած է պա­տի օ­րա­ցոյց մը։ Ե­րէկ, Հայ կա­թո­ղի­կէից ար­քե­պիս­կո­պո­սա­րա­նին մէջ տե­ղի ու­նե­ցաւ մաս­նա­ւոր հա­ւա­քոյթ մը, ո­րու նպա­տակն էր այս պաշ­տօ­նա­կան օ­րա­ցոյ­ցին ծա­նօ­թա­ցու­մը։

Վաքըֆներու ընդհանուր տնօրէնութիւնը՝ երէկուան խորհուրդի հերթական նիստի արդիւնքին հաւանութիւն տուաւ Պաքըրգիւղի Ծնունդ Ս. Աստուածածին եկեղեցւոյ թաղային խորհուրդի դիմումին, ինչ որ նոր հորիզոն մը կ՚ուրուագծէ առկայ կարիքներու դիմագրաւման համար:
Տատեան վարժարանին հին շէնքին ու տարածքին համար սահմանուեցաւ հասութաբեր կարգավիճակ, ինչ որ հնարաւորութիւն կը ստեղծէ վարձակալութեան պայմանագիր մը կնքելու

Ֆէ­րի­գիւ­ղի սա­նուց միու­թիւ­նը այս տա­րի եւս կը կազ­մա­կեր­պէ նար­տի մրցա­շարք մը, որ 23-րդն է իր տե­սա­կին մէջ։ Ե­րէկ ե­րե­կո­յեան միու­թեան հա­ւա­քա­տե­ղիին մէջ տե­ղի ու­նե­ցաւ այս մրցա­շար­քին բա­ցու­մը։