Թրքահայ կեանք

Խոր ցա­ւով վե­րա­հա­սու ե­ղանք, թէ Շիշ­լիի փոխ-քա­ղա­քա­պետ Վազ­գէն Պա­րըն դժբախ­տու­թիւ­նը ու­նե­ցած է կորսնց­նե­լու իր քոյ­րը՝ Խա­թուն Կիր­կի­նը։

Շիշ­լիի «Քենթ» մշա­կոյ­թի կեդ­րո­նին մէջ ե­րէկ ե­րե­կո­յեան տե­ղի ու­նե­ցաւ սոփ­րա­նօ Ա­լիս Շա­հի­նօղ­լուի հա­մեր­գը։ Ֆէ­րի­գիւ­ղի Ս. Վար­դա­նանց Դպրաց Դաս-երգ­չա­խում­բի շար­քե­րէն հա­սած Ա­լիս Շա­հի­նօղ­լուի հա­մեր­գի ծրագ­րին մաս­նակ­ցու­թիւն բե­րին նաեւ թե­նոր Ճան Ռե­հա Կիւն, սոփ­րա­նօ Ֆուն­տա Կիւլ­լիւ եւ դաշ­նա­կա­հա­րու­հի Սիմ­թէն Շէն­փո­լատ։

Պէ­շիկ­թա­շի քա­ղա­քա­պետ Մու­րատ Հա­զի­նէ­տար ե­րէկ ներ­կա­յա­ցուց իր միա­մեայ գոր­ծու­նէու­թեան ար­դիւն­քը։ Ծա­նօթ է, որ Մու­րատ Հա­զի­նէ­տար շուրջ տա­րի մը ա­ռաջ ընտ­րուած էր քա­ղա­քա­պետ եւ այդ քա­ղա­քա­պե­տու­թեան մօտ իր գոր­ծի գլուխ գա­լով սկսած էր նոր շրջան մը։

Թոփ­գա­բուի Լե­ւոն-Վար­դու­հեան վար­ժա­րա­նի սա­նե­րուն ա­ւան­դա­կան դաշ­տապ­տոյ­տը տե­ղի ու­նե­ցաւ ան­ցեալ շա­բա­թա­վեր­ջին։ Այս առ­թիւ բազ­ման­դամ խում­բի մը ձե­ւով թոփ­գա­բու­ցի­նե­րը այ­ցե­լե­ցին Քի­լիոս, ուր «Շէօ­մի­նէ» զբօ­սա­րա­նին մէջ ու­նե­ցան հա­ճե­լի ժա­մանց։

Թուր­քիոյ Հայ Կա­թո­ղի­կէ հա­սա­րա­կու­թիւ­նը ե­րէկ մե­ծա­րեց իր վաս­տա­կա­ւոր վի­ճա­կա­ւո­րը՝ Տ. Յով­հան­նէս Արք. Չո­լա­քեա­նը։ Այս առ­թիւ Գա­տը­գիւ­ղի Ս. Լե­ւոն հայ կա­թո­ղի­կէ ե­կե­ղեց­ւոյ մէջ տե­ղի ու­նե­ցած կրօ­նա­կան եւ աշ­խար­հիկ ա­րա­րո­ղու­թիւն­նե­րուն նա­խա­գա­հեց Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք. Զէ­քիեան։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան նա­խըն­թաց օր հիւ­րըն­կա­լեց Օր­թա­գիւ­ղի Ս. Աս­տուա­ծա­ծին ե­կե­ղեց­ւոյ թա­ղա­յին խոր­հուր­դի ա­տե­նա­պետ Իս­քէն­տէր Շա­հին­կէօզն ու իր ըն­կեր­նե­րը։ Խում­բին հետ էին նաեւ Տ. Մա­ղա­քիա Ա­բե­ղայ Պես­քի­սի­զեան եւ Տ. Զա­քար Քհնյ. Քո­փա­րեան։

Օր­թա­գիւ­ղի Թարգ­ման­չաց վար­ժա­րա­նի շրջա­նա­ւար­տից օ­րը ա­ռիթ դար­ձաւ, որ­պէս­զի հին ու նոր թարգ­ման­չաց­ցի­ներ ի մի հա­ւա­քուին ի­րենց կրթօ­ճա­խի յար­կին տակ։ Խան­դա­վառ հա­ւա­քոյ­թին ըն­թաց­քին ներ­կա­նե­րը ող­ջու­նեց սա­նուց միու­թեան վար­չու­թե­նէն Մե­լի­սա Ֆե­րա­հեան։

Գա­տը­գիւ­ղի ըն­տա­նի­քը ե­րէկ տօ­նա­կան օր մը ապ­րե­ցաւ թա­ղի Ա­րա­մեան-Ուն­ճեան վար­ժա­րա­նի շրջա­նա­ւարտ­նե­րու օ­րուան առ­թիւ։ Հո­գե­գալս­տեան տօ­նին օ­րուան զու­գա­դի­պած հա­ւա­քին շրջագ­ծով գա­տը­գիւղ­ցի­նե­րը նախ կի­րակ­նօ­րեայ Ս. Պա­տա­րա­գի մաս­նակ­ցե­ցան թա­ղի Ս. Թա­գա­ւոր ե­կե­ղեց­ւոյ մէջ, ուր տե­ղի ու­նե­ցաւ նաեւ հո­գե­հանգս­տեան պաշ­տօն։

Սա­մա­թիոյ ըն­տա­նի­քը ե­րէկ խան­դա­վառ օր մը ապ­րե­ցաւ թա­ղի Սա­հա­կեան-Նու­նեան վար­ժա­րա­նի շրջա­նա­ւար­տից հա­ւա­քին առ­թիւ։ Այս առ­թիւ վար­ժա­րա­նը հիւ­րըն­կա­լեց իր զա­նա­զան սե­րունդ­նե­րէ շրջա­նա­ւարտ­նե­րը, ո­րոնք հա­մա­կուած էին տօ­նա­կան տրա­մադ­րու­թեամբ։

Է­սաեան սա­նուց միու­թեան «Մա­րալ» եր­գի-պա­րի հա­մոյ­թի փոք­րիկ­նե­րը շա­բա­թա­վեր­ջին ի­րա­կա­նա­ցու­ցին ան­մո­ռա­նա­լի պտոյտ մը դէ­պի Սկիւ­տար։ Է­սաեան սա­նուց միու­թեան վար­չա­յին­նե­րուն եւ պա­րու­սոյց Կար­պիս Չափ­քա­նի գլխա­ւո­րու­թեամբ խում­բը Գալ­ֆաեան Տան ննջա­րա­նի բաժ­նի պար­տէ­զին մէջ հա­մախմ­բուե­ցաւ դաշ­տա­հան­դէ­սի մը առ­թիւ։