Լրահոս

Հայկական ֆութպոլի մեծ աստղերէն Հենրիխ Մխիթարեան այս շրջանին թեւակոխած է իր ծննդեան 35-ամեակը։ Ան ներկայիս կը կրէ Իտալիոյ «Ինթեր» ակումբի մարզաշապիկը։

Հայաստանի արտաքին գործոց նախարար Արարատ Միրզոյեանի գլխաւորութեամբ, Վիեննայի մէջ տեղի ունեցաւ հաւաք մը, որուն մասնակցեցան զանազան երկիրներու կամ միջազգային կազմակերպութիւններու մօտ հաւատարմագրուած երկրի դեսպանները։ Շաբաթավերջին տեղի ունեցաւ այս երկօրեայ հաւաքը, որու ընթացքին քննարկուեցաւ Հարաւային Կովկասի իրավիճակը։

Թուրքիա միջազգային զանազան ուժի կեդրոններու հետ շփումներով յառաջ կը տանի իր դիւանագիտութիւնը:
Ճիորճիա Մելոնիէն ետք նախագահ Էրտողան կը պատրաստուի հիւրընկալել Իպրահիմ Ռայիսին եւ Վլատիմիր Փութինը:

Հայաստանի վարչապետ Նիկոլ Փաշինեան յայտարարեց. «Մենք Ատրպէյճանէն կ՚ակնկալենք երաշխիքներ ու պատրաստ ենք տալ երաշխիքներ»։

Արտաքին գործոց նախարար Հաքան Ֆիտան Իսրայէլ-Պաղեստին հրադադարի մը հաստատման հարցը շաբաթավերջին քննարկեց «Համաս»ի քաղաքական գրասենեակի ղեկավար Իսմայիլ Հանիյէի հետ։

Հայաստանի Հանրապետութեան նախկին նախագահ Արմէն Սարգսեան հայ Երուսաղէմի դիմագրաւած առկայ հարցերուն շուրջ Իսրայէլի իշխանութիւններու նկատառման յանձնեց իր մօտեցումները։ Ան Իսրայէլի ղեկավարութեան յորդորեց՝ Սաղիմահայ համայնքը պաշտպանել բռնութիւններէն։

Ֆրանսա կրկնեց Հայաստանի ի նպաստ շարունակական աջակցութիւնը՝ երկրի նոր նախարարաց խորհուրդի ձեւաւորումէն վերջ։ Վարչապետ Կապրիէլ Աթալի գլխաւորած կառավարութեան նորանշանակ արտաքին գործոց նախարարը՝ Սթեֆան Սեժուրնէ շաբաթավերջին ընկերային ցանցերու վրայ հանդէս եկաւ գրառումով մը։

Հրանդ Տինքի դէմ ոճրագործութեան 17-րդ տարելիցը առիթ դարձաւ արդարութեան համատարած ցանկութեան հերթական անգամ յամառօրէն բարձրաձայնման:
«Ակօս»ի նախկին խմբագրատան առջեւ խոնարհուած ծաղիկները ցոլացուցին հոգելոյս լրագրողին նկատմամբ հազարաւորներու անսահման կարօտը, նաեւ իր աւանդին նուիրականացումը:

Հայաստանի Հանրապետութեան նախագահ Վահագն Խաչատուրեան երէկ շարունակեց իր երկկողմանի հանդիպումները Տաւոսի մէջ, ուր մասնակցեցաւ Համաշխարհային տնտեսական ֆորումին։

Ֆրանսական ֆութպոլի աշխարհահռչակ աստղերէն, Փարի-Սեն-Ժերմեն (PSG) ակումբի դեսպան Նիքոլա Անելքայի Երեւան կատարած այցելութեան արձագանգները կը շարունակուին։ Ան կեցութեան ընթացքին այցելեց երկրի ֆութպոլի ենթակառուցուածքները։