ՄԱԿ-ի ընդհանուր ժողովը վերջերս միաձայնութեամբ ընդունեց արհեստական բանականութեան վերաբերեալ բանաձեւ մը։ Սա կը հանդիսանայ արհեստական բանականութեան վերաբերեալ առաջին կլոպալ բանաձեւը, որով աշխարհի երկիրներուն կոչ ուղղուած է՝ պաշտպանել մարդու իրաւունքները, անձնական տուեալները եւ հետեւիլ արհեստական բանականութեան՝ ռիսքերու յայտնաբերման նպատակով։
Հայաստանի Գրողներու միութիւնը վերջերս յատուկ ձեռնարկով մը ոգեկոչեց հայ բանաստեղծութեան տիտաններէն Պարոյր Սեւակը։ Բանաստեղծութեան միջազգային օրուան՝ մարտի 21-ին զուգադիպեցաւ այս հանդիսութիւնը, որու ընթացքին ասմունքողներ ներկայացուցին Պարոյր Սեւակի ստեղծագործութիւններէն օրինակներ։
ԱՐԱՄ ԱԲՐԱՀԱՄԵԱՆ
Քաղաքական գործիչները այսօր բան մը կ՚ըսեն, վաղը՝ ուրիշ բան մը, սա ինչ-որ տեղ բնական է: Բայց միթէ նո՞յն կերպ պէտք է վարուինք մենք՝ շարքային քաղաքացիներս: Կը կարծեմ՝ ոչ, եթէ մենք ինչ-որ ընդգծուած շահեր չունինք:
Վրաստանի վարչապետ Իրակլի Քոպախիծէ այսօր պաշտօնական այցելութիւն մը կու տայ Երեւան։ «Արմէնփրէս»ի հաղորդումներով, հիւր վարչապետը Երեւանի Զուարթնոց օդակայանին մէջ դիմաւորուեցաւ Հայաստանի փոխ-վարչապետ Տիգրան Խաչատրեանի, արտաքին գործոց փոխ-նախարար Վահան Կոստանեանի, Երեւանի քաղաքապետ Տիգրան Աւինեանի եւ այլ պաշտօնատարներու կողմէ։
Վարչապետ. «Անվտանգութիւն ապահովելու համար պէտք է կանգնիլ օրինականութեան գիծերուն վրայ»:
Նիկոլ Փաշինեան կուսակցական հաւաքին ընթացքին. «Անցում տեղի կ՚ունենայ պատմական Հայաստանէն դէպի իրական Հայաստան եւ եթէ այս ընտրութիւնը չկատարենք, կը վախնամ՝ իրական Հայաստանը կը դառնայ պատմական Հայաստան»:
Մոսկուայի սահմռկեցուցիչ ահաբեկչական յարձակման արձագանգները կը շարունակուին՝ մինչ միջազգային օրակարգին վրայ իրադարձութիւնները առաջնահերթ ուշադրութեան առարկայ կը դառնան։ Ըստ վերջին հաղորդումներուն, «Crocus City Hall» համերգային համալիրէն ներս պատահած յարձակման հետեւանքով զոհուածներու թիւը հասած է 143-ի։
Հայաստանի մէջ շաբաթավերջին տեղի ունեցան մտահոգիչ դէպքեր, որոնք լայն արձագանգ ստեղծեցին։ Պատկան իշխանութիւնները տեղեկացուցին, որ պատահարները ահաբեկչական դէպքերու յատկանիշներ ունին։
Հայաստանի Ազգային ժողովի նախագահ Ալէն Սիմոնեան երէկ Ժընեւի մէջ հանդիպում մը ունեցաւ Ատրպէյճանի Ազգային ժողովի նախագահ Սապիհա Կաֆարովայի հետ։ Անոնք Ժընեւի մէջ կը գտնուէին Միջխորհրդարանական միութեան 128-րդ հաւաքի շրջանակներէն ներս։
Երէկ երեկոյեան ժամերուն Ռուսաստան ցնցուեցաւ՝ իր պատմութեան ամեասարսափելի եւ սահմռկեցուցիչ ահաբեկչական դէպքերէն մէկով։ Այսպէս, Մոսկուայի մերձակայքի «Crocus City Hall» համերգային համալիրէն ներս տեղի ունեցաւ սարսափելի ահաբեկչական յարձակում մը, որ խլեց աւելի քան 60 զոհ։
Կազզէի պատերազմի մթնոլորտին մէջ Ամերիկայի Միացեալ Նահանգներու պետական քարտուղար Էնթընի Պլինքըն արդէն 6-րդ անգամ տարածաշրջան այցելեց։ Սէուտական Արաբիոյ եւ Եգիպտոսի մէջ շփումներ ունենալէ վերջ ան հասաւ Թել Աւիւ։
