Լրահոս

«Մատենադարան. լուսանկարչական գանձերու յայտնութիւնը» նոր շունչ կու տայ տեսանիւթերուն:
Պատմական, աղբիւրագիտական, արուեստաբանական եւ ազգագրական առանձնայատուկ նշանակութեամբ նմոյշներ:

Հայաստանի վարչապետ Նիկոլ Փաշինեան երէկ երկարաշունչ յայտարարութիւններով հանդէս եկաւ՝ պատասխանելով թէ՛ երկրի քաղաքացիներու եւ թէ սփիւռքահայերու բազմաթիւ հարցումներուն։ Այս առթիւ ան յայտնեց, որ Ատրպէյճանի հետ ապագայ բանակցութիւններու ընթացքին Հայաստան պիտի փորձէ պարզաբանումներ ստանալ, թէ արդեօք Պաքու համաձա՞յն է խաղաղութեան պայմանագիր կնքել Եւրոմիութեան միջնորդութեամբ համաձայնեցուած երեք սկզբունքներուն հիման վրայ կամ ոչ։

Վրաստանի վարչապետ Իրակլի Ղարիպաշվիլի եւ Ատրպէյճանի նախագահ Իլհամ Ալիեւ երէկ հանդիպում մը ունեցան Պաքուի մէջ։ Այս առթիւ Իրակլի Ղարիպաշվիլի յոյս յայտնեց, թէ Հայաստանի եւ Ատրպէյճանի միջեւ մօտ ժամանակներուն կը ստորագրուի խաղաղութեան համաձայնագիր մը։

Եւրոմիութիւն-Թուրքիա գաղթի եւ անվտանգութեան բարձր մակարդակի երկխօսութեան ժողով:
Ալի Երլիքայա հերթական անգամ օրակարգի վրայ բերաւ վիզաներու ընթացակարգի պարզեցման սպասումը: Անգարա եւ Պրիւքսել տարբեր առաջնահերթութիւններով կ՚ընկալեն՝ 18 մարտի համաձայնութեան թարմացման խնդիրը:

Հայաստան-Ատրպէյճան սահմանին վրայ բանակցութիւններ նախատեսուած են այս ամսավերջին:
Սահմանազատման ու սահմանային անվտանգութեան յանձնաժողովները քննարկումներու համար ժամադրուած են նոյեմբերի 30-ին:

Այս օրերուն թրքական զանգուածային լրատուութեան միջոցներու հրապարակումներուն մէջ դարձեալ ուշադրութեան կիզակէտին յայտնուած է՝ «Ակօս» շաբաթաթերթի հիմնադիր, նահատակ լրագրող Հրանդ Տինքի ոճրագործը՝ Օկիւն Սամաստ, որ թէեւ վերջին օրերուն բանտէն դուրս եկած է, սակայն, ի մօտոյ վերստին պիտի դատուի։

Աւելի քան մէկուկէս ամիս անցած է այն օրէն ի վեր, երբ Արցախի վերջին տարածքներուն խլումէն ետք, արցախցիներու բռնագաղթին զուգահեռ՝ տասնեակ մը քաղաքական եւ զինուորական ղեկավարներ, որոնց կարգին նախկին նախագահները, գերեվարուեցան դէպի Պաքու եւ մինչեւ օրս բանտարկուած կը մնան Ալիեւի խուցերու մէջ։

Երեւանի ղեկավարութիւնը այս օրերուն հիւրընկալեց Գերմանիոյ տնտեսական զարգացման ու համագործակցութեան նախարարութեան պետական քարտուղար Միլս Աննենը։ Հայաստանի տնտեսութեան նախարար Վահան Քերովբեան բանակցութիւններ վարեց հիւր բարձրաստիճան պաշտօնատարին հետ, որ ընդունուեցաւ նաեւ վարչապետ Նիկոլ Փաշինեանի կողմէ։

«Ակօս» շաբաթաթերթի հիմնադիր, նահատակ լրագրող-հրապարակագիր Հրանդ Տինքի ոճրագործը՝ Օկիւն Սամաստ վերստին դատուիլ պիտի սկսի յառաջիկայ դեկտեմբերի 26-ին։ Օկիւն Սամաստ, որ վերջերս բանտէն ազատ արձակուած էր, այժմ պիտի դատուի՝ մինչեւ տասներկու տարի բանտարկութեան պահանջով։

Իսրայէլի կառավարութեան եւ «Համաս»ի միջեւ համաձայնութիւն՝ բախումները 4 օրով կասեցնելու համար:
Գերիներու յանձնում եւ մարդասիրական մեծաքանակ օժանդակութեան փոխադրութեան համար հնարաւորութիւն: