Այսօր, Ամերիկայի Միացեալ Նահանգներու մէջ տեղի կ՚ունենայ նախագահական ընտրութիւն։ Դեմոկրատ կուսակցութեան կողմէ առաջադրուած՝ այժմու փոխ-նախագահ Քամալա Հարիսի եւ Հանրապետական կուսակցութեան կողմէ առաջադրուած՝ նախկին նախագահ Տանըլտ Թրամփի ընտրապայքարը ի վերջոյ կ՚եզրափակուի՝ ամբողջ միջազգային հանրութեան անմիջական ուշադրութեան պայմաններուն ներքեւ։
Հայաստանի Ազգային ժողովի նախագահ Ալէն Սիմոնեան յայտարարեց, որ Ատրպէյճանի մէջ ի պահ դրուած հայ գերիներու եւ պատանդներու չվերադարձուելու պարագային ճիշդ չի համարեր՝ Պաքուի մէջ նախատեսուած COP29 կլիմայի փոփոխութեան գագաթաժողովին մասնակցութիւնը։
Հայաստանի տարածքային կառավարման եւ ենթակառուցուածքներու նախարար Գնել Սանոսեան յայտարարեց, որ արդէն պատկերացումներ կան, թէ Կարս-Կիւմրի երկաթուղիի վերագործարկումը որքան ժամանակ ու միջոցներ կը պահանջէ։
Ռուսաստանի վարչապետ Միխայիլ Միշուսթին եւ Ատրպէյճանի վարչապետ Ալի Ասատով երէկ ունեցան հեռախօսազրոյց մը։
Հայաստանի մէջ կը դիտարկուին՝ արհեստական բանականութեան դարաշրջանի հեռանկարները:
Նախարար Ժաննա Անդրէասեան անդրադարձաւ հանրակրթութեան ոլորտի համապատասխան բարեփոխումներուն:
Համակրելի մեներգչուհի Իլտա Սիմոնեան շաբաթավերջին փառաշուք համերգով մը հանդէս եկաւ Իսթանպուլի մէջ։ Իլտա Սիմոնեան, որ կ՚ապրի Հոլանտայի մէջ, մեծն Կոմիտաս Վարդապետին ձօնուած ծրագիր մը ներկայացուց Գումգաբուի Ս. Որդւոց Որոտման տաճարի երդիքին տակ։
Հայաստանի վարչապետ Նիկոլ Փաշինեան կը պատրաստուի այցելել Պուտափեշտ։ «Արմէնփրէս»ի հաղորդումներով, ան պիտի մասնակցի Եւրոպական քաղաքական համայնքի 5-րդ գագաթաժողովին, որ կազմակերպուած է Հունգարիոյ հիւրընկալմամբ։
Անգարա-Պաղտատ առանցքին վրայ վերջին շրջանին անվտանգութեան բնագաւառէ ներս ձեռք բերուած փոխադարձ ըմբռնման մթնոլորտին մէջ կը շարունակուին Թուրքիոյ եւ Իրաքի ղակավարութիւններուն միջեւ բարձր մակարդակի վրայ շփումները։
Երէկ, Հայաստան-Ատրպէյճան սահմանին վրայ տեղի ունեցաւ երկու երկիրներու սահմանազատման ու սահմանագծման յանձնաժողովներուն տասներորդ հանդիպումը՝ գլխաւորութեամբ փոխ-վարչապետներ Մհեր Գրիգորեանի եւ Շահին Մուսթաֆաեւի։
Համայն հայութիւնը կը շարունակէ զգայնութեամբ հետեւիլ՝ Պաքուի մէջ ի պահ դրուած հայ պատանդներու եւ ռազմագերիներու խնդրայարոյց կացութեան։ Միջազգային շրջանակներն ալ կը միանան հայաշխարհի կոչերուն, որպէսզի Ատրպէյճանի ղեկավարութիւնը ազատ արձակէ գերիներն ու պատանդները։
