Լրահոս

Ըստ Արարատ Միրզոյեանի, աւելի շատ միջազգային ջանք պէտք է՝ էթնիք զտումները կանխելու համար:
Իրաւապաշտպաններու խօսքով՝ Լեռնային Ղարաբաղի բնակչութիւնը Պաքուի կողմէ կ՚ահաբեկուի դիտումնաւոր ձեւով:

Հանրապետութեան փոխ-նախագահ Ճեւտէթ Եըլմազ եւ պետական գանձի ու ելմտական նախարար Մեհմէտ Շիմշէք դէպի Տոհա աշխատանքային այցելութեան ծիրէն ներս հանդիպում մը ունեցան Քաթարի էմիր Շէյխ Թամիմ պին Համատ էլ Սանիի հետ։

Ուղղափառաց Տ.Տ. Պարթոլոմէոս Ա. Տիեզերական Պատրիարքը շաբաթավերջին հիւրընկալեց Ուքրայնայի նախագահ Վոլոտիմիր Զելենսքին, որ այցելութիւն մը տուած էր Թուրքիա։ Հանրապետութեան նախագահ Ռեճեփ Թայյիպ Էրտողանի կողմէ հիւրընկալուելէ վերջ, հիւր ղեկավարը Իսթանպուլէն հրաժեշտ առնելէ առաջ այցելեց Ֆէնէրի Յունաց Պատրիարքարանը, ուր դիմաւորուեցաւ մեծ պատիւներով։

Երեւանի մէջ երէկ սկսաւ «Ոսկէ ծիրան» շարժանկարի միջազգային փառատօնը, որ այս տարի 20-րդ անգամ կը կազմակերպուի։ Մինչեւ շաբաթավերջ պիտի շարունակուի փառատօնը, որու բացման հանդիսաւոր արարողութիւնը երէկ տեղի ունեցաւ Երեւանի «Կարէն Տեմիրճեան» մարզահամերգային համալիրին մէջ։

Թուրքիա կը շարունակէ խտացեալ ջանքեր գործադրել՝ Ռուսաստան-Ուքրայնա պատերազմով պայմանաւորուած միջազգային բարդ իրավիճակին մէջ։ Հանրապետութեան նախագահ Ռեճեփ Թայյիպ Էրտողան երէկ Իսթանպուլի մէջ հիւրընկալեց Ուքրայնայի նախագահ Վոլոտիմիր Զելենսքին, որ պատերազմի ծագելէն վերջ առաջին անգամ այցելեց Թուրքիա։

Հայաստանի եւ Վրաստանի վարչապետները երէկ կարեւոր բանակցութիւններ վարեցին Պաթումի մէջ:
Երեւանի եւ Թիֆլիզի ղեկավարութիւնները ներկայիս կը ձգտին ներգրաւուիլ բարձր մակարդակի երկխօսութեան՝ ռազմավարական հարցերու շուրջ, ինչ որ կրնայ նպաստել տարածաշրջանային խաղաղութեան ու կայունութեան:

Հայաստանի արտաքին գործոց նախարար Արարատ Միրզոյեան այս օրերուն Խրուաթիոյ մէջ կը մասնակցի Տուպրովնիքի համաժողովին։ «Արմէնփրէս»ի հաղորդումներով, ան ներկայ կը գտնուի՝ «Համաշխարհային կարգը խախտուած. ինչպէս կայունացնել համաշխարհային քաղաքականութիւնը» խորագրեալ քննարկման։

Արդարադատութեան միջազգային ատեանը վերահաստատեց իր դատավճիռը, որպէսզի Լաչինի միջանցքով ապահովուի ազատ տեղաշարժը։ ՄԱԿ-ի դատարանը այս ուղղութեամբ անցեալ փետրուարի 22-ին արձակած էր վճիռ մը, որով Ատրպէյճանը պէտք է պարտաւորեցուէր՝ ձեռնարկելու համար բոլոր միջոցները, որպէսզի երաշխաւորուի Լաչինի միջանցքով քաղաքացիներու, փոխադրամիջոցներու եւ բեռներու՝ երկու ուղղութիւններով անխափան տեղաշարժը։

Պաքուի ղեկավարութիւնը կը շարունակէ Փարիզը թիրախաւորել՝ Երեւանի կողքին միակողմանիօրէն դիրք գրաւելու պնդումներով։ Վերջին օրերուն Ատրպէյճան-Ֆրանսա-Հայաստան առանցքին վրայ ծագեցաւ բանավէճ մը։

Հայկական բարեգործական ընդհանուր միութիւնը բոլոր հարթութիւններու վրայ ուշադրութեան կիզակէտին կը պահէ Հայաստանի եւ Արցախի առկայ մարտահրաւէրները:
Նախագահ Պերճ Սեդրակեանի գլխաւորութեամբ նպատակասլաց աշխատանք կը տարուի թէ՛ համահայկական համախմբումը ամրապնդելու եւ թէ միջազգային աջակցութեան ապահովման նպատակով:
Փարիզի մէջ պատմական ձեռնարկներ:
ՀԲԸՄ բազմակողմանի ծրագրով մը նշեց Ֆրանսայէ ներս ծաւալած գործունէութեան 110-ամեայ յոբելեանը: