Լրահոս

Նիկոլ Փաշինեան յոյս յայտնեց, թէ արտաքին գործոց նախարարները յառաջընթաց կ՚արձանագրեն:
Արարատ Միրզոյեան եւ Ճէյհուն Պայրամով երկար ընդհատումէ մը վերջ այսօր կը շարունակեն բանակցութիւնները:

Նորին Ամենապատուութիւնը այսօր կը մասնակցի Ֆրանսիսքոս Ա. Սրբազան Քահանայապետի ընտրութեան տարեդարձի արարողութիւններուն:

Երեւան եւ Աթէնք կը ձգտին նոր խթան մը տալ անվտանգութեան ոլորտի յարաբերութիւններուն:
Հայաստան-Յունաստան երէկուան բանակցութիւններու ընթացքին շօշափուեցան Հարաւային Կովկասի գործընթացները:

Հայաստանի Հանրապետութեան նախագահը այցելեց նաեւ Իրաքի հայոց թեմի առաջնորդարանը:
Պաղտատի շփումներու աւարտին Վահագն Խաչատուրեան կը հիւրընկալուի Էրպիլի տեղական իշխանութիւններուն կողմէ:

Ամերիկայի Միացեալ Նահանգներու նախագահ Ճօ Պայտըն յայտարարեց, որ Իսրայէլ մօտալուտ Ռամազանի ընթացքին պիտի դադրեցնէ իր ռազմական գործողութիւնները Կազզէի մէջ եւ յառաջիկայ շաբաթ հրադադարի վերաբերեալ համաձայնութիւն մը պիտի գոյանայ։

ՍԱԳՕ ԱՐԵԱՆ

Ռուսաստան-Ուքրայնա ճակատին վրայ միշտ տեղի կ՚ունենան կարեւոր իրադարձութիւններ։ Համընդհանուր երկար լռութեան շղարշը այս անգամ պատռուեցաւ Ռուսաստանի կողմէ, որ կարողացաւ նոր իրավիճակ մը ստեղծել՝ յատկապէս Ուքրայնայի հարաւային շրջաններուն մէջ եւ իր տիրապետութեան տակ առաւ ռազմաքաղաքական առումով մեծ կարեւորութեամբ Աւտեւքա քաղաքը։

Արարատ Միրզոյեան Ճէյհուն Պայրամովի հետ տեսակցելէ վերջ պիտի գայ Թուրքիա:
Ալիեւ. «Հայաստան պէտք է իմանայ, որ միակ ճանապարհը Ատրպէյճանի բոլոր պայմանները ընդունիլն է»:

Հայաստանի վարչապետ Նիկոլ Փաշինեան այսօր աշխատանքային այցելութիւն մը կու տայ Աթէնք։ Օրուան տեւողութեան ան կը հիւրընկալուի Յունաստանի պետական աւագանիին կողմէ։

Հայաստանի Հանրապետութեան նախագահ Վահագն Խաչատուրեան պաշտօնական այցելութիւն մը կու տայ Իրաք։ Ուղեւորութեան առաջին փուլին ան կը հիւրընկալուի Պաղտատի ղեկավարութեան կողմէ։

Այս առաւօտ հաճոյքն ունեցանք խմբագրատանս մէջ հիւրընկալելու Ֆինլանտիայէն երեք բարձրաստիճան դիւանագէտներ, որոնք վերջին օրերուն Անգարայի մէջ շփումներ ունենալէ վերջ եկած են Իսթանպուլ։ Այսպէս, մեր հիւրերն էին Անգարայի մօտ Ֆինլանտիոյ դեսպան Փիրքքօ Համալաինէն, Հարաւային Կովկասի երկիրներու մէջ Ֆինլանտիոյ դեսպան Քիրստի Նարինէն եւ Կեդրոնական Ասիոյ երկիրներու մէջ Ֆինլանտիոյ դեսպան Իլքքա Ռայի Սանէն։