Ծնունդն ու մահը անկախ են մարդուս կամքէն, իսկ անոնց միջեւ ձգուած կեանքը, տեսականօրէն, կը տնօրինուի ենթակային կողմէ։ Որքան որ ալ բացառութիւնները շատ ըլլան՝ կեանքի ընթացքին գոնէ բազում նախընտրութիւններ կախում ունին տուեալ անձէն։
Երէկ, Երեւանի մէջ տեղի ունեցաւ Հայաստան-Ռուսաստան տնտեսական համագործակցութեան միջկառավարական յանձնաժողովի 22-րդ նիստը, որու ընթացքին բանակցութիւնները գլխաւորեցին երկու երկիրներու փոխ-վարչապետները՝ Մհեր Գրիգորեան եւ Ալեքսէյ Օվերչուք։
Հանրապետութեան նախագահ Ռեճեփ Թայյիպ Էրտողան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Ճօ Պայտընի հետ։ Կը հաղորդուի, որ երկու ղեկավարները առաջնահերթօրէն անդրադարձան Կազզէի պատերազմին։
Վարչապետ Նիկոլ Փաշինեան յայտարարեց, որ Հայաստան պատրաստակամութիւն կը յայտնէ վերականգնելու համար երկաթուղային եւ ցամաքուղային հաղորդակցութիւնը Ատրպէյճանի եւ Թուրքիոյ հետ։
Երէկ, Երեւանի Նոր Նորք թաղամասի Ս. Սարգիս եկեղեցւոյ մէջ տեղի ունեցաւ Հայաստանի Հանրապետութեան առաջին գումարման Ազգային ժողովի նախագահ նորոգ հանգուցեալ Բաբգէն Արարքցեանի հոգեհանգիստի արարողութիւնը։
Արտաքին գործոց նախարար Հաքան Ֆիտան երէկ շփումներ ունեցաւ Պաքուի մէջ, ուր ամենաբարձր մակարդակի վրայ հիւրընկալուեցաւ Ատրպէյճանի ղեկավարութեան կողմէ։ Պաշտօնական այցելութեան շրջանակներէն ներս ան ընդունուեցաւ Ատրպէյճանի նախագահ Իլհամ Ալիեւի կողմէ։
«Լեռնային Ղարաբաղի հարցը փակուած չէ։ Նայեցէ՛ք Քոսովայի օրինակին. մէկուկէս միլիոն մարդ այդտեղը լքելէ վերջ՝ վերադարձած էր ՄԱԿ-ի ազդեցութեամբ»:
«Թուրքիան, Ռուսաստանը եւ Ատրպէյճանը այսօր հարցեր լուծել կ՚ուզեն։ Արեւմուտքի աջակցութիւնը գերկարեւոր է, որպէսզի Հայաստանի կորուստները չշարունակուին»:
«Պաքու-Երեւան գործընթացները անիմաստ են առանց երաշխաւորի»:
«Արեւելք-Արեւմուտք ճանապարհը կրնայ միջերկրականը կապել Կասպից ծովով ու դուրս գալ-երթալ մինչեւ միջին ասիա»:
Բնութեան կենսունակութեան վառ ապացոյցներէն մին է բոյսերու վերակենդանացման ու վերանորոգութեան ընդունակութիւնը։ Այո՛, բոլոր արարածները կը ծնին, կ՚ապրին ու կը մեռնին, սակայն, սա փակ շրջան մը չէ՝ որպէս այդպիսին եւ այդ շարունակականութիւնը կը պարփակէ յարատեւութիւն մը, որ բնութեան կենսունակութեան բո՛ւն դրսեւորումը կը հանդիսանայ։
«Xana Gardens» ընկերութիւնը տակաւին չէ պատասխանած Երուսաղէմի Հայոց Պատրիարքութեան նամակին:
Լեմքինի կաճառը կոչ ուղղեց Ուաշինկթընին:
Սաղիմահայ համայնքի անդամները այս շրջանին պայքարելու համար դատեր կը բանան Իսրայէլի դատարաններուն մէջ:
Խոր ցաւով վերահասու եղանք, թէ երէկ Երեւանի մէջ իր մահկանացուն կնքած է Հայաստանի Հանրապետութեան առաջին գումարման Ազգային ժողովի նախագահ Բաբգէն Արարքցեան։ 79 տարեկան հասակին կեանքէն հեռացած է ականաւոր պետական-քաղաքական գործիչ ու գիտնական Բաբգէն Արարքցեան, որ անփոխարինելի դերակատարութիւն ունեցած էր հայոց պետականութեան ակունքներուն մէջ։
