Լրահոս

Արցախը կը շարունակէ ամբողջովին շրջափակուած մնալ։ Աշխարհէն պաշարուած իրավիճակի մէջ Արցախի հայութիւնը կը դիմագրաւէ աննկարագրելի ողբերգութիւն մը, որ յղի է ծանրածանր հետեւանքներու։

Հանրապետութեան նախագահը ընդունեց Հիւսիսային Իրաքի քրտական ինքնավարութեան վարչապետը:
Ռեճեփ Թայյիպ Էրտողան եւ Մեսրուր Պարզանի կանգ առին տարածաշրջանին ուղղեալ ահաբեկչական սպառնալիքներուն վրայ:

Հայաստանի արտաքին գործոց նախարար Արարատ Միրզոյեան յայտնեց, որ երկրին դէմ Ատրպէյճանի գործողութիւնները հրամայական կը դարձնեն հասցէական արձագանգը Հաւաքական անվտանգութեան պայմանագրի կազմակերպութեան (ՀԱՊԿ) կողմէ։

Երեւանի Մատենադարանին մէջ կը սկսի ձեռնարկներու շարք մը, որ ձօնուած է Սուրբ Ներսէս Շնորհալի Հայրապետի վախճանման 850-րդ տարելիցին։ Ինչպէս ծանօթ է, այս տարելիցը ընդգրկուած է ԻՒՆԷՍՔՕ-ի «Հռչակաւոր մարդոց եւ կարեւոր իրադարձութիւններու յոբելեաններու օրացոյց»ին մէջ։

Ինչպէ՞ս կարելի է ապահովել հայերէնի իմացութիւնը արհեստական բանականութեան գործիքներուն մէջ:
«Կիւլպէնկեան» հիմնարկը ԹՈՒՄՕ-ի հետ կը գործակցի՝ աջակցելու լեզուի եւ թեքնաբանութեան նախաձեռնութիւններուն:

Հայաստան-Ատրպէյճան կը նախատեսուի բանակցութիւններու նոր փուլ մը. վայրն ու ժամկէտը անորոշ:
Փոխ-նախարար Վահան Կոստանեան. «Ռուսաստան ճանապարհներու վրայ պիտի ունենայ դիտարկման եւ ո՛չ թէ վերահսկողութեան գործառոյթ»:
Երեւան-Մոսկուա տարաձայնութիւնները ջուրի երես կ՚ելլեն նաեւ հաղորդակցութիւններու ապաշրջափակման շուրջ:

Հայաստանի Հանրապետութեան երրորդ նախագահ Սերժ Սարգսեան երէկ Երեւանի մէջ ընդունեց Եւրոպայի Ժողովրդական կուսակցութեան (ԵԺԿ) ներկայացուցիչները։ Հարկ է նշել, որ Սերժ Սարգսեան ներկայիս կը գլխաւորէ ընդդիմադիր Հայաստանի Հանրապետական կուսակցութիւնը, որ կ՚անդամակցի ԵԺԿ-ին։

Չինաստանի վարչապետ Լի Ցիանկ այս օրերուն շրջագայութիւն մը կ՚իրականացնէ դէպի Եւրոպա։ Սա չինացի վարչապետին առաջին արտասահմանեան ուղեւորութիւնն է՝ պաշտօնի կոչուելէ վերջ։

Հայաստանի ֆութպոլի դաշնակցութիւնը արժանացաւ «FIFA Forward Awards» ծրագրի մրցանակին։ Երէկ երեկոյեան, Երեւանի «Վազգէն Սարգսեան» հանրապետական մարզադաշտին վրայ այդ մրցանակը հանդիսաւորապէս յանձնուեցաւ Հայաստանի ֆութպոլի դաշնակցութեան նախագահ Արմէն Մելիքբէկեանին։

Փարիզի «Նոր Յառաջ»ին մէջ կը կարդանք.-

Ֆրանսայի Հանրապետութեան նախագահ Էմմանիւէլ Մաքրոն կատարեց տնօրինութիւն մը, որու հիման վրայ երկրի Դիմադրութեան հերոսներէն Միսաք Մանուշեանի աճիւնը պիտի փոխադրուի Փարիզի Պանթէոնը։