Լրահոս

ԴԺԿԱՄՈՒԹԻՒՆ

Հայաստանի արտաքին գործոց փոխ-նախարար Վահան Կոստանեան BBC-ին հարցազրոյց մը տալով ըսաւ.
«Ատրպէյճան կրնայ յայտարարել, որ շահագրգռուած է Հայաստանի հետ խաղաղութեան պայմանագիրը վերջացնելով, սակայն, դժբախտաբար, բառերը բաւարար չեն՝ մենք պէտք է կեդրոնանանք գործերու վրայ։ 

ՓԱՇԻՆԵԱՆ. «ՌՈՒՍԱՍՏԱՆԻ ԽԱՂԱՂԱՊԱՀ ԶՕՐԱԽՈՒՄԲԸ ԼԵՌՆԱՅԻՆ ՂԱՐԱԲԱՂ ՈՒՂԱՐԿՈՒԱԾ ԷՐ ՔԱՂԱՔԱՑԻԱԿԱՆ ԲՆԱԿՉՈՒԹԻՒՆԸ ՊԱՇՏՊԱՆԵԼՈՒ ՀԱՄԱՐ։ Ո՞ՒՐ Է ՀԻՄԱ ԼԵՌՆԱՅԻՆ ՂԱՐԱԲԱՂԻ ՔԱՂԱՔԱՑԻԱԿԱՆ ԲՆԱԿՉՈՒԹԻՒՆԸ»

Հայաստանի վարչապետ Նիկոլ Փաշինեան յայտարարեց, որ Լեռնային Ղարաբաղի հիմնախնդրի կարգաւորման բանակցային գործընթացին մէջ երբեւէ չէ եղած տարբերակ մը, որով առաջարկուած է խնդրի լուծումը։
Երէկ երեկոյեան, Հայաստանի Հանրային հեռուստատեսութենէն սփռուեցաւ Նիկոլ Փաշինեանի հետ հարցազրոյց մը, որու ընթացքին ան անդրադարձաւ Լեռնային Ղարաբաղի հիմնախնդրին, Հայաստան-Ատրպէյճան յարաբերութիւններուն, Հայաստան-Ռուսաստան առկայ տարաձայնութիւններուն եւ «Խաղաղութեան խաչմերուկ» նախագծին։ 

ՄԻՐԶՈՅԵԱՆ-ԷՐՕ ՀԱՆԴԻՊՈՒՄ

Հայաստանի արտաքին գործոց նախարար Արարատ Միրզոյեան հիւրընկալեց միջազգային ճգնաժամային խումբի նախագահ Քոմֆորտ Էրոն, որ վերջին օրերուն այցելեց Երեւան։ Պաշտօնական աղբիւրներու հաղորդումներով, զրուցակիցները կարծիքներ փոխանակեցին տարածաշրջանային անվտանգութեան վերաբերեալ հարցերու շուրջ։

ԱՐԴԻՒՆԱՒԷՏ ՆԱԽԱՁԵՌՆՈՒԹԻՒՆ

Վրաստանի վարչապետ Իրակլի Ղարիպաշվիլի յայտարարեց, որ Երեւանի եւ Պաքուի միջեւ յստակ արդիւնքներ ապահովուած են՝ շնորհիւ Թիֆլիզի խաղաղութեան նախաձեռնութեան։ Վրաստանի կառավարութեան 2023 թուականի գործունէութիւնը ամփոփելու ժամանակ Իրակլի Ղարիպաշվիլի շեշտեց, որ տարածաշրջանէն ներս Վրաստան սերտ բարեկամական յարաբերութիւններ ունի Ատրպէյճանի, Հայաստանի եւ Թուրքիոյ հետ։

ՈՂՋՈՒՆԵԼԻ ՅԱՌԱՋԸՆԹԱՑ

ՄԱԿ-ի ընդհանուր քարտուղար Աթոնիօ Կութերեսի բանբերը՝ Սթեֆան Տիւժարիք յայտարարեց, որ վերջին քանի մը շաբաթներու ընթացքին Հայաստանի եւ Ատրպէյճանի յարաբերութիւններու կարգաւորման ուղղութեամբ զգալի քայլերու ձեռնարկուած են։

Էջեր