Թեհրան-Ռիատ առանցքին վրայ ձիւնահալը թափով կը շարունակուի՝ ամենաբարձր մակարդակի վրայ այցելութիւններու փոխանակումով։ «Արմէնփրէս»ի հաղորդումներով, Իրանի արտաքին գործոց նախարար Ամիր Ապտուլլահիան այս օրերուն կ՚այցելէ Սէուտական Արաբիա։
Հայաստանի արտաքին գործոց նախարար Արարատ Միրզոյեան ելոյթ մը ունեցաւ համաշխարհային կազմակերպութեան հրատապ նիստին. «Հակառակ աշխարհաքաղաքական տարաձայնութիւններուն, ՄԱԿ-ի Անվտանգութեան խորհուրդը կրնայ հանդէս գալ՝ որպէս ցեղասպանութեան կանխարգելման, այլ ո՛չ թէ ոգեկոչման կառոյց»։
Նիւ Եորքի երէկուան արտահերթ ժողովին միջազգային դերակատարները արտայայտեցին իրենց վերաբերմունքը՝ մինչ Թուրքիոյ եւ Ատրպէյճանի ներկայացուցիչները հերքեցին հայկական կողմին մատուցած տուեալները։
Ռուսաստան թէեւ անհրաժեշտ կը նկատէ Լաչինի միջանցքի բացումը, սակայն կը խօսի նաեւ մարդասիրական այլ ճանապարհներու օգտագործման մասին։ Ուաշինկթըն այս հանգրուանին ուղիղ երկխօսութեան կոչ կ՚ուղղէ Պաքուին եւ Ստեփանակերտին։ Լոնտոն կը մատնանշէ Արդարադատութեան միջազգային ատեանի որոշումը։ Փարիզ որեւէ իրաւաչափ պատճառ չի տեսներ՝ Լեռնային Ղարաբաղի բնակչութեան առկայ մեկուսացման համար։ Եւրոմիութիւնը կը մտահոգուի խաղաղութեան գործընթացին ենթարկուելիք հաւանական վնասներով։
Հայաստանի եւ Գերմանիոյ միջեւ համագործակցութիւնը կ՚ամրապնդուի՝ վերականգնուող ուժանիւթի հեռանկարային ոլորտի պարագային։ Երէկ, երկու երկիրներուն միջեւ ստորագրուեցաւ ելմտական համագործակցութեան համաձայնագիր մը, որու ծիրէն ներս Գերմանիա 12 միլիոն եւրօ վարկ պիտի յատկացնէ Հայաստանին՝ վերականգնուող ուժանիւթի ոլորտը զարգացնելու նպատակով։
ՄԱԿ-ի Անվտանգութեան խորհուրդը այսօր արտահերթ նիստ մը կը գումարէ Հայաստանի Հանրապետութեան դիմումին ընդառաջ:
Ժողովի սեմին Միրզոյեան-Քոլոննա եւ Լաւրով-Պայրամով հեռախօսազրոյցներ - Ուաշինկթըն կրկնեց Պաքուին ուղղեալ կոչը Լաչինի միջանցքի վերաբացման համար:
Յառաջիկայ տարի նախատեսուած տեղական ինքնակառավարման մարմիններու ընտրութիւններուն ընդառաջ ներքին քաղաքական օրակարգը դարձեալ կեդրոնացած է Իսթանպուլի գլխաւոր քաղաքապետի պարագային նախատեսուած ընտրապայքարին վրայ։ Երէկ, այժմու գլխաւոր քաղաքապետը՝ Էքրէմ Իմամօղլու յայտարարեց, որ Իսթանպուլը պաշտպանելու համար վերստին ճանապարհ դուրս կու գայ։
ՄԱԿ-ի Անվտանգութեան խորհուրդը վաղը պիտի գումարուի՝ Հայաստանի դիմումին ընդառաջ:
Արարատ Միրզոյեան Նիւ Եորքի կ՚ուղեւորուի մասնակցելու համար՝ բաց ձեւաչափով նախատեսուած նիստին:
Արտաքին գործոց նախարարութիւնը երէկ յայտարարութիւնով մը հանդէս եկաւ Լաչինի միջանցքի առկայ վիճակին կապակցութեամբ։ Թուրքիա այս հարցին վերաբերեալ դիրքորոշում արտայայտեց՝ Հայաստանի Հանրապետութեան կողմէ ՄԱԿ-ի Անվտանգութեան խորհուրդին մօտ կատարուած պաշտօնական դիմումէն վերջ։
Պաշարեալ Արցախին համար Հայաստանի Հանրապետութիւնը պաշտօնապէս դիմեց ՄԱԿ-ի Անվտանգութեան խորհուրդին։ Այսպէս, Լեռնային Ղարաբաղի հարցով արտահերթ նիստ մը գումարելու պահանջով Հայաստան պաշտօնական պահանջ ներկայացուց ՄԱԿ-ի Անվտանգութեան խորհուրդին։
Երիտասարդութեան եւ մարմնամարզի նախարար Օսման Աշքըն Պաք երէկ երեկոյեան այցելեց Գնալը կղզի, ուր մասնակցութիւն բերաւ՝ Ս. Աստուածածնի տօնին առթիւ կազմակերպուած մարզական խրախճանքին։ Նախարարին ընկերացաւ Իսթանպուլի երեսփոխան տքթ. Սեւան Սվաճըօղլու։
ՎԱՐԱՆԴ ՔՈՐԹՄՈՍԵԱՆ
Վաղը, 13 օգոստոս 2023-ին, Հայ Առաքելական Սուրբ Եկեղեցին պիտի նշէ Սուրբ Մարիամ Աստուածածինին վերափոխումի յիշատակութեան տօնը:
Սուրբ Աստուածամօր վերափոխումին մասին շատեր գիտեն, թէ ինչպէս իր ննջումէն ետք իր Միածին Որդին եւ մեր Տէր ու Փրկիչ Յիսուս Քրիստոս Իր խոստումին համաձայն կու գայ եւ Իր մայրը՝ Սուրբ Մարիամը երկինք կը վերափոխէ:
