Արտաքին գործոց նախարար Մեւլիւտ Չավուշօղլու երէկ հիւրընկալեց Ֆրանսայի Արտաքին գործոց նախարար Քաթրին Քոլոննան։ Այս առթիւ յայտարարուեցաւ, որ Թուրքիոյ եւ Ֆրանսայի միջեւ կը ծրագրուի հանրապետութեան նախագահներու միջեւ շփում մը։
Հայաստանի վարչապետ Նիկոլ Փաշինեան այսօր աշխատանքային այցելութեամբ կը մեկնի Վլատիվոսթոք, ուր իր շփումները կը շարունակուին մինչեւ ուրբաթ՝ 9 սեպտեմբեր։ Երեւանի պաշտօնական աղբիւրները տեղեկացուցին, որ այցելութեան շրջանակներէն ներս նախատեսուած է Նիկոլ Փաշինեանի հանդիպումը Ռուսաստանի նախագահ Վլատիմիր Փութինի հետ։
ՇԱՀԱՆ ԳԱՆՏԱՀԱՐԵԱՆ
Պրիւքսելի եռակողմանի հանդիպումէն ետք Ատրպէյճանի նախագահին յայտարարութիւնը, թէ ինք կը հաւատայ, որ Հայաստանի հետ խաղաղութեան համաձայնագիրը կարելի է կնքել քանի մը ամիսէն, վերստին կ՚ընդգծէ Պաքուի շտապողականութիւնը Երեւանի հետ խաղաղութեան համաձայնագիր մը կնքելու ուղղութեամբ: Այս շտապողականութեան իբրեւ հիմնաւորում՝ Ալիեւ կը հաստատէ, որ հայկական կողմը ընդունած է Ատրպէյճանի առաջարկած հինգ կէտերը եւ այդ համաձայնութիւնը վերահաստատած է Հայաստանի վարչապետը Պրիւքսելի հանդիպումին:
Վանայ լճի Աղթամար կղզիի Սուրբ Խաչ պատմական եկեղեցւոյ մէջ արձակուեցան սպիտակ աղաւնիներ:
Ամեն. Ս. Պատրիարք Հօր նախագահութեամբ պատարագեց Տ. Յարութիւն Վրդ. Տամատեան: Նորին Ամենապատուութիւնը քաղաքավարական այց մըն ալ տուաւ կուսակալ Օզան Պալճըին: Ուխտագնացութիւնը առիթ դարձաւ հոգեւոր մեծ հրճուանքի:
Հայաստանի Արտաքին գործոց նախարար Արարատ Միրզոյեան այսօր աշխատանքային այցելութիւն մը կու տայ Մոսկուա, ուր կը տեսակցի Ռուսաստանի Արտաքին գործոց նախարար Սերկէյ Լաւրովի հետ։ Պաշտօնական աղբիւրներու հաղորդումներով, բանակցութիւններու ընթացքին կը քննարկուին տարածաշրջանային անվտանգութեան եւ կայունութեան վերաբերեալ հարցեր։
Ենիգիւղի յունաց Այա Փանայիա եկեղեցին այս ամրան հիւրընկալեց «Թէոթոքիա 2022» մշակոյթի փառատօնը, որ խանդավառ համերգով մը եզրափակուեցաւ շաբաթավերջին։ «Փոխանակում» նիւթին ձօնուած էր այս տարուան փառատօնը, որու շրջանակին մէջ ամրան ամիսներուն կազմակերպուեցան լուսանկարչական ցուցահանդէսներ, գիրքի շնորհանդէսներ, ասուլիսներ եւ այլ ձեռնարկներ։
Հայաստանի Պաշտպանութեան նախարար Սուրէն Պապիկեանի կողմէ գլխաւորուած պատուիրակութիւն մը աշխատանքային այցելութեամբ մեկնած է Ամերիկայի Միացեալ Նահանգներ։
Հայաստանի Արտաքին գործոց նախարար Արարատ Միրզոյեան եւ Ռուսաստանի Արտաքին գործոց նախարար Սերկէյ Լաւրով նախընթաց օր ունեցան հեռախօսազրոյց մը։ Անոնք անդրադարձան Հարաւային Կովկասի անվտանգութեան եւ կայունութեան հարցերուն, նաեւ Լեռնային Ղարաբաղի հակամարտութեան։
Արցախի Հանրապետութեան հիմնադրութեան 31-րդ տարեդարձին առթիւ երէկ Ստեփանակերտի մէջ տեղի ունեցան տօնակատարութիւններ։ Լեռնային Ղարաբաղի ղեկավարութիւնը այս առթիւ այցելեց Նահատակաց յուշարձանը։
ԺԻՐԱՅՐ ՉՈԼԱՔԵԱՆ
«Խաղաղապահ ուժեր, ո՞ւր է ձեր խոստացած խաղաղութիւնը», կոչերով արցախցիները յանդգնած են բողոքի ցոյց կազմակերպել Ստեփանակերտի Վերածնունդի հրապարակին վրայ։
