Լրահոս

ՀԲԸՄ արագօրէն կ՚արձագանգէ Լոս Անճելըսի հրդեհներու հետեւանքներու յաղթահարման ջանքերուն:
«Մարդասիրական յանձնառութեամբ շարժման անցած են կեդրոնական վարչութիւնն ու ԱՄՆ-ի Արեւմտեան ափի մասնաճիւղը»:

Սուրիոյ մէջ ստեղծուած նոր իրադրութիւնը միջազգային բեմահարթակի վրայ տեւական քննարկումներու առիթ կը դառնայ՝ մանաւանդ Ամերիկայի Միացեալ Նահանգներու մէջ Տանըլտ Թրամփի պաշտօնի ստանձնման նախօրեակին։

Նիկոլ Փաշինեան եւ Մակտալենա Կրոնօ շօշափեցին Երեւան-Պաքու հաշտութեան որոնումները:
Հայաստան-ԵՄ համագործակցութեան հետեւողական ընդլայնում՝ ներառեալ ժողովրդավարական բարեփոխումներու զարգացումը:

Ամերիկեան «Stratfor» յայտնի վերլուծական կեդրոնի մասնագէտները կը նախատեսեն, որ այս տարի պիտի ձախողին Հայաստանի փորձերը, որոնք Ամերիկայի Միացեալ Նահանգներէն լուրջ աջակցութիւն ստանալու հետամուտ են։

Հայաստանի վարչապետի բանբեր Նազելի Պաղտասարեան շաբաթավերջին յայտնեց, որ Երեւան կը դիտարկէ Մինսքի խումբը լուծարելու հարցով ԵԱՀԿ-ին դիմելու հնարաւորութիւնը։

Իրան 800 քիլօմեթր տրամաչափով ռատար մը տեղադրած է իր հիւսիսին։ Այդ շառաւիղը կ՚ընդգրկէ նաեւ Հայաստանի եւ Ատրպէյճանի երկինքը։

Արտաքին գործոց նախարար Հաքան Ֆիտան յայտարարեց, որ Թուրքիա դրական կը գնահատէ Հայաստանի վարչապետ Նիկոլ Փաշինեանի պատգամները՝ տարածաշրջանէն ներս խաղաղութեան հաստատման վերաբերեալ։

Շիշլիի քաղաքապետ Ռեսուլ Էմրահ Շահան երէկ առաւօտ համախմբուեցաւ մամլոյ սպասաւորներու խումբի մը հետ։ 10 յունուարի Գործող լրագրողներու օրուան ընդառաջ կազմակերպուած էր այս հաւաքոյթը, որուն հրաւիրուած էին նաեւ փոքրամասնութեանց մամլոյ ներկայացուցիչներ։

Երեւանի ղեկավարութիւնը երէկ հիւրընկալեց Իրանի ազգային անվտանգութեան բարձրագոյն խորհուրդի քարտուղար Ալի Էքպէր Ահմատիանը, որ նախօրէին այցելած էր նաեւ Պաքու։ Իրանի պատուիրակութիւնը Հայաստանի ղեկավարութեան կողմէ հիւրընկալուեցաւ ամենաբարձր մակարդակի վրայ։