Արխիւ

Պոմոնթիի Մխիթարեան վարժարանին մէջ նախընթաց օր տեղի ունեցաւ մանկապարտէզի փոքրիկներու տարեվերջի հանդէսը։ Անոնք ծափահարութիւններու արժանացան իրենց գործադրած եռալեզու յայտագրով։

Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Գարակէօզեան Տան Գնալը կղզիի Կազդուրման կայանի հոգատար մարմնի նոր կազմը՝ գլխաւորութեամբ ատենապետ Արի Չոլաքի։ Ողջունելով նորանշանակ վարչայինները՝ նորին սրբազնութիւնը ընդգծեց, որ Կազդուրման կայանը յատուկ առաքելութիւն մը ունի համայնքային կեանքէն ներս, ուստի, անոր գործունէութիւնը պէտք է շարունակուի կատարեալ մակարդակով։

Հայաստանի մէջ եւ ամբողջ հայաշխարհէ ներս երէկ աւանդական շուքով նշուեցաւ Հանրապետութեան տօնը:
Սարտարապատի յուշահամալիրին մէջ համախմբուեցան պետական աւագանին եւ Ամենայն Հայոց Վեհափառ Հայրապետը:

Շիշլի մարզակումբի 2018-2019 շրջանի ձմրան դասընթացքներու եզրափակիչ արարողութիւնը տեղի ունեցաւ շատ խանդավառ մթնոլորտի մը մէջ։ Պաքըրգիւղի Տատեան վարժարանի «Եդքին Պէրպէրօղլու» հանդիսասրահի երդիքին տակ տեղի ունեցաւ եզրափակիչ արարողութիւնը, որուն մասնակցեցան ակումբի վարչայինները, մարզիչներ եւ դասընթացքներու մասնակից աշակերտներն ու իրենց ծնողները։

Սամաթիոյ ընտանիքը շաբաթավերջին մեծ խանդավառութիւն ապրեցաւ Սահակեան-Նունեան վարժարանի շրջանաւարտից օրուան առթիւ։ Վարժարանի համալիրէն ներս համախմբուեցան զանազան սերունդներէ շրջանաւարտներ, որոնք ապրեցան զիրար վերագտնելու ուրախութիւնը։

Պէզճեան Մայր վարժարանի տնօրէնութեան նախաձեռնութեամբ երէկ երեկոյեան տեղի ունեցաւ՝ հայ գիրերու գիւտին ձօնուած մշակութային ձեռնարկ մը։ Դպրոցի հանդիսասրահի երդիքին տակ կազմակերպուած երեկոյթին ներկայ գտնուեցան Տ. Զատիկ Վրդ. Պապիկեան, Տ. Մաղաքիա Աբեղայ Պեսքիսիզեան, Տ. Շնորհք Աբեղայ Տօնիկեան, Ս. Աստուածածին Աթոռանիստ Մայր եկեղեցւոյ թաղային խորհուրդի ատենապետ Հրանդ Մոսկոֆեան եւ իր ընկերները, տիրամայր Մարի Մութաֆեան, կրթական մշակներ, դպրոցի աշակերտութեան ծնողներ եւ հիւրեր։

Գրեց՝ ԱՐԵՒԻԿ ՊԱՊԱՅԵԱՆ

​Կար ու չկար
Պճիկ-մճիկ,
Խիտ մազերով
Սեւաչք-կորքիթ,
Փոքրիկ մանչուկ մը կար։ Անունը՝ Վարդանիկ, տարիքն ալ՝ հինգ-վեց տարեկան։

ՀՐԱԿ ՓԱՓԱԶԵԱՆ

Անցեալ սիւնակով Համշէն առաջին մուտքիս մասին պատմած էի։
Կարինէն բարձրացած էինք դէպի հիւսիս, լեռնանցքներու ընդմէջէն հասած պատմական Համշէն, այսինքն Համամաշէն, հոն ուր Համամ Ամատունի իշխանը հասած էր իր հօր՝ Շապուհի, եւ տասներկու հազար Այրարատեան նահանգի բնակիչներու հետ 789-790 թուականներուն, արտագաղթելով Արաբական իշխանութեան տակ ինկած Հայաստանէն։ 

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

«Ճարպիկութիւն»ը հնարագէտ, վարժ, ճկուն ըլլալու յատկութիւն մըն է, որ արժէք կը ներկայացնէ երբ կը միանայ ամուր նկարագրի մը հետ, եթէ ոչ՝ առանց նկարագրի ճարպիկ մարդը կը դառնայ ստահակի մը՝ ըմբոստ ինքնահաւանի մը։ Ուստի ճարպիկութեան յատկութիւնը արժէք կը ստանայ, երբ ան մարդկութեան ի նպաստ, բարի գործերու համար գործածուի եւ ծառայէ մարդոց իրենց կարօտութիւններուն, թերութիւններուն եւ տկարութիւններուն բարելաւման, մարդոց օգտին համար։