Արխիւ

Պատրիարքարանի Երիտասարդաց յանձնախումբին կողմէ կազմակերպուած Մենթի-Մենթոր ծրագրի առաջին լսարանը տեղի ունեցաւ Պաքըրգիւղի Տատեան վարժարանի «Տիգրան Կիւլմէզկիլ» սրահին մէջ, երեքշաբթի, յունուարի 15-ին։ Ծրագիրը կը հովանաւորէր Պատրիարքական ընդհանուր փոխանորդ Տ. Արամ Արքեպիսկոպոս Աթէշեան, իսկ կ՚ատենապետէր Արի Չոլաք։

Հայ յեղափոխական դաշնակցութեան (ՀՅԴ) 33-րդ ընդհանուր ժողովը այս օրերուն տեղի կ՚ունենայ Արցախի մէջ։ Կուսակցութեան ղեկավար կազմին մէջ փոփոխութիւններ կը նախատեսուին այս ընդհանուր ժողովով՝ հաշուի առնելով, որ Հայաստանի ներքին քաղաքական վերջին իրադարձութիւններուն ժամանակ որդեգրած դիրքորոշման բերումով ՀՅԴ կը դիմագրաւէ դժուարութիւններ։

Հայաստանեայց Առաքելական Եկեղեցին այս օրերուն Երուսաղէմի մէջ ըստ Հին տոմարի կը տօնախմբէ Ամանորն ու Ս. Ծննդեան եւ Աստուածայայտնութեան տաղաւարը։ Կը տեղեկանանք, որ Իսթանպուլէն ուխտաւորներու զանազան խումբեր Սուրբ Քաղաք մեկնած են մասնակցելու համար աւանդական արարողութիւններուն։

Ուաշինկթընի մօտ  Հայաստանի նորանշանակ դեսպան Վարուժան Ներսէսեան Սպիտակ տան մէջ յանձնեց իր հաւատարմագիրը Ամերիկայի Միացեալ Նահանգներու նախագահ Տանըլտ Թրամփին։ «Արմէնփրէս»ի հաղորդումներով, հաւատարմագրի յանձնման արարողութիւնը տեղի ունեցած է յունուարի 11-ին։

Ա­մե­րի­կեան «The Intercept» կայ­քէ­ջը հա­ղոր­դեց, որ Սպի­տակ տան Ազ­գա­յին անվ­տան­գու­թեան խորհր­դա­կան Ճոն Պոլ­թըն հետզ­հե­տէ կ՚ա­ւելց­նէ իր ազ­դե­ցու­թիւ­նը Ա­մե­րի­կա­յի Միա­ցեալ Նա­հանգ­նե­րու ար­տա­քին քա­ղա­քա­կա­նու­թեան մէջ եւ ան կը ձգտի ռմբա­կո­ծել Ի­րա­նը։ «Ա­նա­տո­լու» գոր­ծա­կա­լու­թեան հա­ղոր­դում­նե­րով, Մեհ-­տի Հա­սա­նի ստո­րագ­րու­թեամբ լոյս տե­սած է այս լրա­տուու­թիւ­նը, ըստ ո­րու Պոլ­թըն ԱՄՆ-ի վար­չա­խում­բէն ներս լուրջ ու­ժի մը հա­սած է եւ կը ձգտի Ի­րա­նի դէմ պա­տե­րազ­մի։

Թուրքիոյ եւ Ամերիկայի Միացեալ Նահանգներու միջեւ մօտեցումները հետզհետէ կը հասուննան Սուրիոյ տագնապի լուծման շուրջ:
Հանրապետութեան նախագահ Րէճէպ Թայյիպ Էրտողան շատ դրական կը համարէ իր ամերիկացի պաշտօնակցին՝ Տանըլտ Թրամփի հետ ունեցած վերջին հեռախօսազրոյցը:

Գրեց՝ ԱՐԵՒԻԿ ՊԱՊԱՅԵԱՆ

Անյագուրդ վայելելով Աստուծոյ կողմէ շնորհուած մայրութեան բերկրանքը, որու համար անսահման երախտիքս կը պարտիմ Ամենակարող Աստուծոյ. բաց աստի ապրելով քանի մը տասնեակ միլիոննոց քաղաքի թոհուբոհին մէջ՝ անկարելի է, գրեթէ անհնարին է, թէ հանգչելու ժամանակ ունենաս։ Թուածներս լրացնելու կու գան շուրջ մէկուկէս տարի շարունակուող անքուն գիշերները, իմ սիրած աշխատանքը խմբագրատան մէջ, ինչպէս նաեւ ընտանեկան առօրեայ հոգերն ու փոքրիկ հրաշամանուկիս հետ տեւական զբաղումը։

Շիշլի մարզակումբի պասքեթպոլի մարզիկները վերջերս հրաւիրուեցան Թուրքիոյ ազգային հաւաքականի փորձարկումներուն եւ ընդհանուր մարզումներուն։ Թուրքիոյ պասքեթպոլի դաշնակցութեան կողմէ Շիշլի ակումբին ուղղուած հրաւէրով՝ ազգային հաւաքականի թեկնածուներու փորձարկումներուն մասնակցեցան Շիշլիի կազմէն Նիքօ Զողրաֆիտիս, Ժոզէֆ Արաբ, Կարէն Պոյնուքալըն եւ Արաս Էթեէմէզ։

Գոհունակութեամբ վերահասու կ՚ըլլանք, որ Գատըգիւղի Արամեան-Ունճեան վարժարանի երաժշտութեան ուսուցչուհի, մեներգչուհի Գարին Քիւրչիւքօղլու համերգի մը համար հրաւիրուած է Աթէնք։ Այսպէս, այս ամսավերջին, 26 յունուարին ան մասնակցութիւն պիտի բերէ համերգի մը, որ նախատեսուած է «Քոտալի» երաժշտանոցի երդիքին տակ։