Արխիւ

Երուսաղէմի Հայոց Պատրիարքութիւնը կը շարունակէ դիմագրաւել գոյաբանական մարտահրաւէրներ եւ ստեղծուած մթնոլորտին մէջ Սուրբ Աթոռէն ներս նոր տնօրինութիւններ եւ նշանակումներ կը կատարուին։ Կը հաղորդուի, որ Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեանի գլխաւորութեամբ հայոց վանքէն ներս գումարուած է տնօրէն ժողով։

Նորոգութեան եւ բարեզարդման աշխատանքներէ վերջ, երէկ, օծուեցաւ ու պաշտամունքի վերաբացուեցաւ Գանտիլլիի Սրբոց Երկոտասան Առաքելոց եկեղեցին։ Օծման արարողութեան նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին Տ. Զաքէոս Ծ. Վրդ. Օհանեան, Տ. Յարութիւն Վրդ. Տամատեան, Տ. Շնորհք Աբեղայ Տօնիկեան եւ քահանայ հայրեր։

Արդարադատութեան միջազգային ատեանը երէկ արձակեց վճիռ մը, որով Ատրպէյճանը կը պարտաւորուի ապահովել Լեռնային Ղարաբաղի հայերու վերադարձի իրաւունքը։ Լահէյի միջազգային դատարանը այս որոշումը տուաւ՝ Հայաստանի դիմումին հիման վրայ՝ Ատրպէյճանի դէմ միջանկեալ միջոց կիրառելու պահանջով։

Թուրքիոյ ոչ-իսլամ փոքրամասնութեանց դպրոցներուն պատասխանատուները երէկ Եուսուֆ Թեքինի հետ տեսակցեցան՝ Պէյօղլուի Ուսուցչաց տան երդիքին տակ:
Իսթանպուլի երեսփոխան տքթ. Սեւան Սվաճըօղլուի ջանքերով կազմակերպուած հանդիպման ընթացքին համայնքային վարիչները ներկայացուցին առկայ հարցերու կարգաւորման շուրջ իրենց մտահորիզոնը՝ առաջարկելով նաեւ գործնական լուծման շարք մը տարբերակներ։
Բարձր մակարդակի ժամադրութիւնը առիթ ընձեռեց կարծիքի փոխանակումներու դրական մթնոլորտի մը, որու ընդմէջէն բիւրեղացան հրատապ առաջնահերթութիւններն ու անոնց նկատմամբ պետութեան վերաբերմունքին ազդանշանները։
Լենա Ենիեորկան, Աքսել Թոփալեան, Մկրտիչ Արծիւեան եւ Մանուկ Էօղէր թարգման հանդիսացան թրքահայ շրջանակներու սպասումներուն՝ մինչ հաւաքի յայտագիրը գործադրուեցաւ Եւա Օրագեանի հանդիսավարութեամբ։
Ազգային կրթութեան նախարարին ժողովի ատեն ծաւալուն թղթածրար մը յանձնուեցաւ՝ պոլսահայ վարժարաններու ցանցի դիմագրաւած ծանր մարտահրաւէրներուն կապակցութեամբ։

ՀՐԱՅՐ ՏԱՂԼԵԱՆ

Ծնողներու համար ինչքան ալ դժուար ըլլայ, մեր մարդկային կեանքին մաս կը կազմէ հիւանդ եւ կամ յատուկ խնամքի կարօտ երեխաները. շատեր այդ մէկը կ՚որակեն «փորձութիւն», իսկ ուրիշներ «տանջանք» եւ կամ կեանքի «քննութիւն». կան նաեւ այդ մէկը որպէս «օրհնութիւն» անտրտունջ ընդունողները: Ամէն պարագայի ալ նման երեխաները տարբեր ու յատուկ խնամք կը պահանջեն՝ քան միւսները:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ենիգաբուի Ս. Թադէոս-Ս. Բարթողոմէոս եկեղեցւոյ թաղային խորհուրդի անդամները՝ գլխաւորութեամբ ատենապետ Հայրետտին Քարամանի։ Ներկայ էր նաեւ Տ. Զաքար Քհնյ. Քոփարեան։

ԳԷՈՐԳ ՊԵՏԻԿԵԱՆ

Աղուոր անկեղծութեամբ միշտ կրկնած եմ, թէ անցեալ տարուան ընթացքին  «երկար» հիւանդութենէս հազիւ ապաքինած, այս տարի եկած էի Հայաստան կրկին երկարօրէն վայելելու անոր արեւն ու լոյսը, աշունն ու ժամանակը: Հայրենասիրութեան չեմ կապած սեփական աշխարհս: Անոր համար կը փորձէի միշտ կիսել ամէն ուրախութիւն եւ տխրութիւն: Որովհետեւ հաստատ համոզում ունէի, որ աշխարհի վրայ չկայ մեզի նման ժողովուրդ մը, որ հայրենիքէն հեռու ըլլալով հանդերձ, այնքան կապուած ըլլայ անոր:

Հայաստանի վարչապետ Նիկոլ Փաշինեան երէկ հերթական անգամ խօսեցաւ Ատրպէյճանի հետ առկայ անվստահութեան կապակցութեամբ։ 2024 թուականի պետական պիւտճէի նախագծին վրայ ծաւալուած քննարկումներու ծիրէն ներս, Հայաստանի Ազգային ժողովի ամպիոնէն երէկ Նիկոլ Փաշինեան ունեցաւ ելոյթ մը, որու ընթացքին ըսաւ. «Եթէ Ատրպէյճանի հետ խաղաղութեան սկզբունքները համաձայնեցուած են, ապա ի՞նչ է խնդիրը, ինչո՞ւ համար չենք երթար, ինչո՞ւ չենք ստորագրեր խաղաղութեան պայմանագիրը։

ԱՆՈՒՇ ԹՐՈՒԱՆՑ

2021 թուականին Հայաստանի մէջ մեկնարկած «Հայահաւաք» նախագծի ծիրէն ներս այս նոյեմբերի սկիզբին Հայաստան ժամանած էր Մեծն Բրիտանիոյ մէջ բնակող հայ ջութակահար, խմբավար «Չիլինկիրեան» լարային քառեակի հիմնադիր, Լոնտոնի Երաժշտութեան թագաւորական ակադեմիայի դասախօս, Կիդհոլի երաժշտատրամաթիքական դպրոցի ջութակի եւ քամերային երաժշտութեան դասախօս, աշխարհահռչակ հայ ջութակահար՝ Լեւոն Չիլինկիրեան: Համերգը նուիրուեցաւ անոր 75-ամեակին, որ լրացաւ այս տարի: