Արխիւ

ՍԱԳՕ ԱՐԵԱՆ

Ամերիկայի Միացեալ Նահանգներու՝ յառաջիկայ նոյեմբերի նախագահական ընտրութիւնը միջազգային օրակարգի կիզակէտին:
Տանըլտ Թրամփի Սպիտակ տան վերադառնալու հաւանականութիւնը համաշխարհային հրատապ բոլոր հարցերու պարագային հաշուի կ՚առնուի որպէս շրջադարձային գործօն: Հանրապետականներու եւ դեմոկրատականներու ընտրապայքարը վաղուց դուրս եկած է ներքին քաղաքականութեան հունէն՝ նոր աշխարհակարգի մը խմորման այժմու ժամանակներուն: Ուաշինկթընի եւ Փեքինի մրցակցութեան հորիզոնները կ՚անդրանցնեն նոյնիսկ Եւրոպայի անվտանգութեան երաշխաւորումը, որու առընթեռ հերթի կը սպասեն՝ Իսրայէլի ճիրաններուն յայտնուած Կազզէն եւ Ռուսաստան-Ուքրայնա պատերազմը :

Պատրաստեց՝ ՎԱՐԱՆԴ ՔՈՐԹՄՈՍԵԱՆ

Կը շարունակենք ներկայացնել Մերուժան Պարսամեան գրող, հրապարակախօսը:
«Շանթ»ի նոր շրջանի թիւ 2-ին մէջ ներկայացուցած է Ռուբէն Զարդարեանը (Ռուբէն Սեւակը):

ՀՐԱՅՐ ՏԱՂԼԵԱՆ

Ներկայ աշխարհի մեծագոյն հարցերէն մին անգործութիւնն է, որ իր ազդեցութիւնը կ՚ունենայ թէ՛ անհատներու կեանքին եւ թէ տնտեսութեան վրայ. սակայն ըսենք, որ ամէն ժամանակ ունեցած է իր «անգործութիւն»ը եւ աշխարհը տնտեսական ի՛նչ վիճակի մէջ ալ գտնուած ըլլայ, մի՛շտ գոյութիւն ունեցած են անգործներ՝ որոնք ստեղծած են անգործութիւնը:

ՀՐԱՅՐ ՏԱՂԼԵԱՆ

Անցնող երեք օրերու ընթացքին ճաղատ թէ մազաշատ, աղջիկ թէ տղայ բոլորը պսակեցինք. սակայն պէտք չէ մոռնալ, որ կայ դրամին հակառակ կողմը. իւրաքանչիւր միութիւն ունի նաեւ բաժանում մը. պսակողներուն կողքին բաժնողները եթէ չըլլան, կը կարծենք արդէն սէրը սէր ըլլալէ կը դադրի:

«Եւ եկաւ Յովհաննէսը» փաստավաւերագրական ժապաւէնի հեղինակը՝ Լիլիթ Մովսիսեան, որ կարճատեւ այցելութեամբ քաղաքս կը գտնուի, ջերմօրէն կը հիւրընկալուի համայնքային շրջանակներուն կողմէ։ Պոլիսէն հասած մեծանուն խնբավար Յովհաննէս Չեքիճեանի ծննդեան 95-ամեակին առթիւ արտադրուած յոբելենական ժապաւէն մըն է այս մէկը։

ՍԱԳՕ ԱՐԵԱՆ

Նեթանիյահուի Ուաշինկթըն այցն ու գագաթնակէտը՝ Սպիտակ տան մէջ Պայտընի հետ տեսակցութիւն:
Կազզէի պատերազմի ու Պաղեստինէն բարձրացած ահազանգի պայմաններով՝ ԱՄՆ-Իսրայէլ յարաբերութիւնները:

ՊԻԱՆՔԱ ՍԱՐԸԱՍԼԱՆ

Ազատականութիւնը կը վերաբերի խումբ մը տեսութիւններու, որոնք խստօրէն կը գերակայեն ազատութեան (բացասական իմաստով) այլ արժէքներուն. ինչպէս՝ իշխանութիւն, աւանդութիւն եւ հաւասարութիւն: Այսինքն, ազատականները կը ձգտին նուազացնել պետական ​​իշխանութեան ոլորտը եւ առաւելագոյնի հասցնել անհատական ​​ազատութեան ոլորտը եւ, իբրեւ կանոն, պետութիւնը կը դիտարկեն որպէս անձի ազատութեան հիմնական սպառնալիք:

Հայաստանի Ազգային գրադարանի երդիքին տակ գրական հաւաքոյթ եւ ցուցահանդէսի բացում:
Զահրատի ծննդեան 100-ամեակին ձօնուած յոբելենական ձեռնարկը առիթ դարձաւ հաղորդակցութիւն թարմացնելու անոր վիթխարի աւանդին հետ: Հեղինակաւոր գրականագէտ Երուանդ Տէր-Խաչատրեան բանախօսեց մեծ բանաստեղծի թողած եզակի ժառանգութեան անգնահատելի արժէքին շուրջ: Գրողի հեղինակած գիրքերու շքեղ տողանցք:

ԱՆՈՒՇ ԹՐՈՒԱՆՑ

Տաթեւի վանքի խորհուրդէն՝ մինչեւ գրաւոր պատկառելի ժառանգութիւն:
Պատրիարքական փոխանորդ Տ. Գրիգոր Աւ. Քհնյ. Տամատեան Հայաստան ուղեւորութեան վերաբերեալ տպաւորութիւնները վերադառնալէ առաջ բաժնեց ԺԱՄԱՆԱԿ-ի հետ:
«Չկայ երկիր մը, ուր հայկական ձեռագիր մը չըլլայ։ Ուրախառիթ է՝ հայագիտութեան ասպարէզին բազում երիտասարդ գիտնականներու ներգրաւուած ըլլալը։ Վերջին օրերը ուխտագնացութեան մը համազօր էին ինձ համար։ Մայր տաճարը մեր հոգեւոր կեանքին մէջ անփոխարինելի է»:
«Հայագիտութիւնը բազմաճիւղ դառնալով ահռելի զարգացում մը արձանագրած է եւ սկսած է նմանիլ բժշկութեան, ուր իւրաքանչիւրը ունի իր նեղ մասնագիտութիւնը»: