Արխիւ

Վաքըֆներու ընդհանուր տնօրէնութիւնը արդէն հաստատած է Պէյօղլուի սուրբ եկեղեցեաց թաղային խորհուրդի ընտրութեան արդիւնքը։ Ինչպէս ծանօթ է, ատենապետ Խաչիկ Սարըլըի գլխաւորած ընտրական մարմնին կողմէ, անցեալ մարտի 12-ին տեղի ունեցած էր քուէարկութիւնը։

ԺԻՐԱՅՐ ՉՈԼԱՔԵԱՆ

Մինչ Արցախի շրջափակումը բոլորեց իր 100-րդ օրը, հակառակ միջազգային հասարակութեան համատարած դատապարտումին, Ատրպէյճան անվրդով ու վճռակամ կը շարունակէ իր ապօրինի արարքը, որուն հետ լռելեայն համակարծիք ըլլալ կը թուին ռուսական եւ արեւմտեան հակադիր ճակատները։ Այսպէսով, Արցախի հակամարտութիւնը կը մնայ անել դրութեան մէջ, զոհ՝ Արեւմուտք-Ռուսաստան միջազգային առճակատումին։

Ֆրանսայի արտաքին գործոց նախարար Քաթրին Քոլոննա կը պատրաստուի այցելել Հարաւային Կովկաս։ Ան տարածաշրջանային ուղեւորութեան մը պիտի ձեռնարկէ յաջորդ ամիս։

Մայր Աթոռ Սուրբ Էջմիածնի Քրիստոնէական դաստիարակութեան բաժանմունքի տնօրէն Տ. Զաքարիա Ծայրագոյն Վարդապետ Բաղումեան այս օրերուն կ՚այցելէ Սուրբ Քաղաք։ Այս առթիւ Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան հիւրընկալեց հայր սուրբը, որուն տուաւ իր օրհնութիւնը եւ մաղթեց բարի կեցութիւն։

ԳԷՈՐԳ ՊԵՏԻԿԵԱՆ

Հաւանաբար այս տողերը շատերուն համար քիչ մը տափակ «հնութիւններ» թուին:
Բայց անպայման կ՚ուզեմ ըսել, որ թէեւ կ՚ապրինք 21-րդ դարու մէջ, սակայն տակաւին իր քառորդին չհասած, արդէն ան մեզ ազգովին սկսած է կրկին անգամ համտեսել տալ կամ՝ ճանչցնել տառապանքն ու սարսափը, ահն ու մահը, աւերակն ու ջարդը ու նոյնիսկ պատերազմն ու կոտորածը:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Հասարակաց բարիք»ով կը հասկնանք՝ ամբողջութիւնը ընկերային կեանքի այն պայմաններուն, որոնք խմբաւորումներուն եւ անհատներուն հնարաւորութիւն կ՚ընձեռեն իրենք զիրենք կատարելագործելու։ Այս իմաստով, ահաւասիկ «հասարակաց բարիք»ով կը հասկնանք.

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Աստուած որ ստեղծեց քեզ առանց քեզի, չուզեց փրկել քեզ առանց քեզի», կ՚ըսէ Սուրբ Օգոստինոս Աւրելիոս։ Աւետարանը մեղաւորներուն հանդէպ Աստուծոյ ներողամտութեան եւ ողորմածութեան յայտնութիւնն է Յիսուս Քրիստոսի միջոցով։

Ստեփանակերտի Մշակոյթի եւ երիտասարդութեան պալատին մէջ Արցախի կրթութեան, գիտութեան, մշակոյթի եւ մարմնակրթութեան նախարարութեան աշխատակազմի նախազօրակոչային պատրաստութեան եւ արտադպրոցական ծրագիրներու վարչութեան արտադպրոցական ծրագիրներու բաժինին կողմէ Ստեփանակերտի եւ շրջաններու մանկապատանեկան ստեղծագործական կեդրոններու միջեւ կազմակերպուեցաւ ձեռային աշխատանքներու ցուցահանդէս-մրցոյթ՝ նուիրուած կիներու միամսեակին:

Ատրպէյճան երէկ Հայաստանի դէմ դարձեալ կրակ բացաւ այս անգամ Երասխի հատուածէն. նոր նահատակ մը:
Հուլուսի Աքար եւ Սերկէյ Շոյկու հեռախօսազրոյցի ընթացքին անդրադարձան Լեռնային Ղարաբաղի հակամարտութեան: