Արխիւ

Անգլիոյ Լիվըրփուլ քաղաքին մէջ վաղը տեղի պիտի ունենայ «Եւրոտեսիլ 2023» մրցոյթը։ Եզրափակիչ փուլին ընդառաջ, երկու կիսաեզրափակիչներ տեղի կ՚ունենան՝ նոյնպէս Լիվըրփուլի մէջ։

ԱՐԱ ԳՕՉՈՒՆԵԱՆ

Հանրապետութեան հիմնադրութեան 100-ամեակի յոբելենական շրջանին Թուրքիոյ տեսակէտէ բախտորոշ նախագահական եւ խորհրդարանական ընտրութիւններ -5:
Ոչ-իսլամ փոքրամասնութիւններուն նկատմամբ վերաբերմունքն ու անոնց հարցերու լուծման պարագային զգայնութիւնը ամբողջ աշխարհին կողմէ կ՚ընկալուին երկրի ժողովրդավարութեան ցուցիչը:

Թոփգաբուի Լեւոն-Վարդուհեան վարժարանին մէջ առաջին դասարաններու ընթերցման տօնը ստեղծեց մեծ ոգեւորութիւն։ Թաղի Ս. Նիկողայոս եկեղեցւոյ յարակից «Իլքքան» սրահի երդիքին տակ տեղի ունեցաւ հանդէսը, որ համախմբեց Թոփգաբուի ընտանիքի վարիչները, դպրոցի պատասխանատուները, ծնողներ եւ հիւրեր։

Թուրքիա-Ռուսաստան-Սուրիա-Իրան առանցքին վրայ երէկ Մոսկուայի մէջ բանակցութիւններ տեղի ունեցան՝ արտաքին գործոց նախարարներու մակարդակով։ Քառակողմանի բանակցութիւններու հիման վրայ որոշուեցաւ այս չորս երկիրներու ղեկավարներուն ներկայացնել Անգարա-Դամասկոս յարաբերութիւններու բնականոնացման ուղղեալ ճանապարհային քարտէս մը, որ պիտի պատրաստուի յառաջիկային։

Սամաթիոյ Սահակեան-Նունեան վարժարանին մէջ նախընթաց օր տեղի ունեցաւ առաջին դասարանի փոքրիկներու ընթերցման տօնը։ «Հրաչեայ Աճառեան» սրահի երդիքին տակ կազմակերպուած հանդէսին ներկայ գտնուեցան Տ. Զօհրապ Քհնյ. Ճիվանեան, Տ. Աւետիս Քհնյ. Թապաշեան եւ Սամաթիոյ ընտանիքէն վարչայիններ։

ԱՐԵՒԻԿ ՊԱՊԱՅԵԱՆ

Ամէն անգամ Տէրը իմ հաւատքի զօրութիւնը կը չափէ փորձութիւնով մը: Ամէն անգամ ես կը կտրուիմ իմ այդ քննութենէն: Փառքդ շատ Տէր Աստուած:

ՎԱՐԱՆԴ ՔՈՐԹՄՈՍԵԱՆ

Մարտ ամսուան վերջերուն Երեւանի մէջ տիար Յակոբ Չոլաքեանի 75-ամեակին առիթով կազմակերպուած մեծարանքի երեկոյթի ընթացքին, Հայաստանի Հանրապետութեան Գիտութիւններու ազգային ակադեմիայի Հնագիտութեան եւ ազգագրութեան կաճառի տնօրէն, Պատմական գիտութիւններու թեկնածու՝ Արսէն Բոբոխեանը իր խօսքին մէջ անդրադառնալով Յակոբ Չոլաքեանի կերպարին, երեք յատկանիշներ առանձնացուց, որոնք միաւորուած են պրն. Չոլաքեանի մէջ:

ՀՐԱՅՐ ՏԱՂԼԵԱՆ

Մեր թուականէն 145 տարիներ առաջ՝ 1878 թուականին գրած իր մէկ յօդուածին մէջ Գրիգոր Զօհրապ կը  գրէր.- «Պէտք չէ անպայման մեծ հարստութեան մը տէր ըլլալ բարեգործութեան մը ձեռնարկելու համար, այլ մեծ սիրտ» եւ անկասկած այդ «սիրտ»ը ունեցողներէն մէկն էր Պօղոս Նուպար փաշա, որ իր ունեցած մեծամեծ հարստութեամբ հանգստաւէտ կեանք մը վայելելու փոխարէն կեանք մը ամբողջ նուիրեց բարեգործութեան:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ ընդունեց Էսաեան սանուց միութեան վարչութեան ատենապետուհի Մարիամ Տրամէրեանն ու անդամներէն Յարութիւն Տավուլճեանը։ Ներկայ էին նաեւ «Մարալ» երգի-պարի համոյթի վարիչներէն Կարպիս Չափքանն ու Արի Չոլաքը։