Արխիւ

Հայաստանի մէջ Եւրոմիութեան քաղաքացիական դիտորդական առաքելութիւնը արդէն պաշտօնապէս սկսած է ներկայ շաբթուան դրութեամբ։ ԵՄ-ի դիտորդական առաքելութիւնը արդէն Ատրպէյճանի հետ սահմանին վրայ տեղակայուած է եւ Հայաստան հասած առաջին օրն իսկ՝ երկուշաբթի, իրականացուցած է իր առաջին դիտարկումը։

ԱՐԱ ԳՕՉՈՒՆԵԱՆ

Թրքահայ ազգային-եկեղեցական կեանքը կը դիմագրաւէ՝ իրերայաջորդ երկրաշարժներու ծանր հետեւանքներով պայմանաւորուած հրատապ մարտահրաւէրներ։ Աղէտը այնպիսի համեմատութիւններու հասած է, որ կարիքները ծով են, միջոցները սուղ, ինչ որ կը գոյանայ, անբաւարար կը մնայ վերջին հաշուով։

Եւրոմիութեան կողմէ Հայաստան ուղարկուած դիտորդներուն Ատրպէյճանի հետ սահմանին վրայ առաքելութիւնը երէկուան դրութեամբ սկսաւ՝ երկու տարուան ժամկէտով:
Մինչ Արեւմուտք-Մոսկուա մրցակցութեան դրսեւորումները հետզհետէ տեսանելի կը դառնան Հարաւային Կովկասէ ներս, Երեւան կը ջանայ անվտանգութեան յաւելեալ երաշխիքներ ապահովել՝ տարածաշրջանի ահագնացող լարուածութիւնով պայմանաւորուած մթնոլորտին մէջ: Պաքու անբաւարար կը համարէ խաղաղութեան պայմանագրի նախագծին շուրջ հայկական կողմին ցուցաբերած ճկունութիւնը: Իրանի եւ Ռուսաստանի մօտեցումները ամբողջութեամբ չեն համընկնիր եւրոպացիներու ներկայութեան կապակցութեամբ: Հակառակ իրենց ընդհանուր գծին:

Երէկ երեկոյեան ժամերուն Հաթայի մէջ իրերայաջորդ երկու երկրաշարժ պատահեցաւ։ Էփիկեդրոնը կը գտնուէր քաղաքի Տեֆնէ գաւառակին մէջ, որ Սամանտաղի շրջանին մէջ է։ Երեք վայրկեան տարբերութիւնով քաղաքը ցնցուեցաւ երկու անգամ՝ ըստ ռիխթերեան չափանիշի 6.4 եւ 5.8 սաստկութեամբ։

ՎԱՐԱՆԴ ՔՈՐԹՄՈՍԵԱՆ

Մեծ Պահքի 2-րդ օրն է:
Այսօրուան Աստուածաշնչական ընթերցումին մէջ կը կարդանք.
«Այն անձը որ մեղք կը գործէ, պիտի մեռնի: Որդին հօրը անօրէնութիւնը պիտի չկրէ ու հայրը որդիին անօրէնութիւնը պիտի չկրէ:

ՏԻԳՐԱՆ ԳԱԲՈՅԵԱՆ

Մեր յօդուածը կը շարունակենք արեւմտահայերէնի դժուարութիւններու եւ անոնց յաղթահարման հեռանկարներու շուրջ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Վաղեմի քրիստոնեաները անզիջող դիրք բռնած էին եւ չէին ուզեր գործ ունենալ բազմաթիւ չաստուածներու հետ եւ ո՛չ ալ բազմաթիւ տէրերու հետ։ «Որովհետեւ թէպէտ անուանապէս կան երկնաւոր եւ երկրաւոր աստուածներ, ինչպէս որ մեր շուրջը կը տեսնենք, թէ կան բազմաթիւ -աստուած-ներ եւ բազմաթիւ -տէր-եր, բայց մեզի համար մէկ Աստուած կայ, Հայրը, որմէ սկիզբ առած է ամէն բան եւ մենք իրեն համար կանք. եւ կայ մէկ Տէր՝ Յիսուս Քրիստոսը, որուն միջոցաւ ստեղծուեցաւ ամէն բան, եւ մենք անոր միջոցաւ կանք». (Ա ԿՈՐՆԹ. Ը 5-6)։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան հիւրընկալեց Սկիւտարի Ս. Խաչ եկեղեցւոյ նորընտիր թաղային խորհուրդին անդամները։ Ներկայ էր նաեւ Ս. Խաչ եկեղեցւոյ հոգեւոր հովիւ Տ. Յուսիկ Քհնյ. Հերկելեան։

Էնթընի Պլինքընի միջնորդութեամբ, Միւնիխի անվտանգութեան համաժողովի ծիրէն ներս շաբաթավերջին հանդիպում մը տեղի ունեցաւ Նիկոլ Փաշինեանի եւ Իլհամ Ալիեւի միջեւ:
Ըստ Ուաշինկթընի, Երեւանի եւ Պաքուի միջեւ վերջին շրջանին զգալի յառաջընթաց արձանագրուած է խաղաղութեան համաձայնութեան ուղղութեամբ: Շարլ Միշելն ալ առաջարկած է երկու ղեկավարները յառաջիկային հիւրընկալել Պրիւքսելի մէջ:
ԱՄՆ հերթական անգամ ընդգծեց Լաչինի միջանցքի վերաբացման անհրաժեշտութիւնը, նաեւ կոչ ուղղեց տարածաշրջանային փոխադրութեան ենթակառուցուածքներու ապաշրջափակման համար: