Արխիւ

Հայաստանի վարչապետ Նիկոլ Փաշինեան, Եւրոմիութեան խորհուրդի նախագահ Շարլ Միշել եւ Ատրպէյճանի նախագահ Իլհամ Ալիեւ արդէն հերթական անգամ ժամադրուած են Պրիւքսելի մէջ։ Այս շաբաթավերջին՝ մայիսի 22-ին Շարլ Միշել դարձեալ պիտի մէկտեղէ Նիկոլ Փաշինեանն ու Իլհամ Ալիեւը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գումգաբուի Դրսի Ս. Յարութիւն եկեղեցւոյ թաղային խորհուրդի ատենապետ Առուշ Թաշն ու գործակից ընկերները։ Զրոյցի տեւողութեան խորհրդակցութիւն մը տեղի ունեցաւ եկեղեցապատկան կալուածներու վերաբերեալ։

Միջին Արեւելքի Եկեղեցիներու խորհուրդի տասներկրորդ համագումարը կ՚ընթանայ Գահիրէի մէջ:
Եգիպտոսի նախագահ Ապտիւլֆեթթահ էլ Սիսի քրիստոնեաները կը համարէ արաբական հասարակութեան անբաժանելի մասնիկը:

Թոփգաբուի Լեւոն-Վարդուհեան վարժարանին մէջ տեղի ունեցաւ առաջին դասարանի փոքրիկներու ընթերցման տօնը, ինչ որ մեծ խանդավառութեան առիթ դարձաւ։ Դպրոցի պարտէզին մէջ կազմակերպուած հանդէսին առթիւ հիւրընկալուեցան Թոփգաբուի Ս. Նիկողայոս եկեղեցւոյ թաղային խորհուրդէն Մուրատ Չաքան, կրթական մշակներ, ծնողներ, դպրոցի պատասխանատուներ եւ հիւրեր։

ԱՐԵՒԻԿ ՊԱՊԱՅԵԱՆ

Մանուկները մեծահասակներէն աւելի լաւ կը զգան Աստուծոյ ու Տիրոջ շնորհը, քանզի անմեղ են: Երեխաները սխալ չէ, ընդհակառակը՝ անհրաժեշտ է մկրտել. մի՛ մեղանչեցէք, ականջալուր ըլլալով աղանդներու Սուրբ Գիրքին հակասող սուտերուն:

ԲԺԻՇԿ ՎԱՀԱՆ ԱՐԾՐՈՒՆԻ (1902)
Արեւմտահայերէնի վերածեց՝
ՎԱՐԱՆԴ ՔՈՐԹՄՈՍԵԱՆ

Կը շարունակենք բժշկապետ Վահան Արծրունիի «Բժիշկի զրոյցներ» շարքի գրքոյկներուն արեւմտահայերէնի վերածումը եւ մեր ըներցասէրներու ուշադրութեան յանձնելը զանոնք: Այս եւ յաջորդ գրութիւններով բժշկապետին «Թոքախտ կամ բարակացաւ» գրքոյկը պիտի ներկայացնենք, որ գրուած է 1902-ին:

Երեւանի մօտ Ամերիկայի Միացեալ Նահանգներու դեսպան Լին Թրէյսի յայտարարեց, որ իր երկիրը կը ճանչնայ Լեռնային Ղարաբաղի բնակչութեան դերակատարութիւնը՝ սեփական ապագան որոշելու հարցին մէջ։

Արտաքին գործոց նախարար Մեւլիւտ Չավուշօղլու երէկ Նիւ Եորքի մէջ հանդիպում մը ունեցաւ Ամերիկայի Միացեալ Նահանգներու պետական քարտուղար Էնթընի Պլինքընի հետ։ Քննարկումներու ընթացքին, հասկնալիօրէն, առաջնահերթութիւն ցուցաբերուած է Ռուսաստան-Ուքրայնա պատերազմին նկատմամբ։

Բովանդակ Թուրքիոյ մէջ այսօր մեծ շուքով կը նշուի Մայիսի 19-ի տօնը։ Հանրապետութեան մեծանուն հիմնադիր Մուսթաֆա Քեմալ Աթաթիւրքի ոգեկոչման եւ Երիտասարդութեան տօնը այս տարի եւս առիթ կը դառնայ քաղաքացիական խոր գիտակցութեան թարմացման։