Արխիւ

Հայ յեղափոխական դաշնակցութեան (ՀՅԴ) Հայաստանի գերագոյն մարմնի ներկայացուցիչ Իշխան Սաղաթէլեան վերջին օրերուն Երեւանի մէջ սարքեց մամլոյ ասուլիս մը։ Հայաստանի խորհրդարանական ընդդիմութեան  կողմէ սկիզբ տրուած «Դիմադրութիւն» շարժման առաջնորդներէն է Իշխան Սաղաթէլեան, որ վերջերս Եւրոխորհրդարանէ ներս մասնակցած էր ժողովներու։

Ռուսաստանի Արտաքին գործոց նախարարութեան բանբեր Մարիա Զախարովա յայտարարեց, որ իր երկիրը անփոփոխ ձեւով կ՚աջակցի Թուրքիա-Հայաստան յարաբերութիւններու բնականոնացման գործընթացին։ Ան յիշեցուց, որ համապատասխան բանակցութիւնները անցեալ յունուարի 24-ին սկսած էին Մոսկուայի մէջ, ռուսական կողմի միջնորդութեամբ։

Հանրապետութեան նախագահ Ռեճեփ Թայյիպ Էրտողան այսօր ելոյթով մը հանդէս կու գայ Սարաչհանէի հրապարակին վրայ կազմակերպուած հանրահաւաքի ընթացքին:
Վեց տարի առաջ ցուցաբերուած աննախընթաց ու հերոսական դիմադրութեան շնորհիւ ժողովրդավարութիւնը կենսունակ կը մնայ Թուրքիոյ մէջ:

ԳԷՈՐԳ ՊԵՏԻԿԵԱՆ

Ամէն երեկոյ, պարտաճանաչ աշակերտի մը նման, պարոն Հայկ մասնաւոր ժամ կը յատկացնէր իր անձին ու իր սենեակէն ներս առանձնանալով, սեղանին դիմաց գտնուող աթոռին վրայ կը հանգչէր, ապա քանի մը վայրկեան ետք կը սկսէր տետրակի մը մէջ արձանգրել օրուան իր մտածումներն ու տպաւորիչ յուշերը:

Հայաստանի փոխ-վարչապետ Մհեր Գրիգորեան երէկ տեսակցեցաւ Հարաւային Կովկասի գծով Եւրոմիութեան յատուկ ներկայացուցիչ Թոյվօ Քլաարի հետ, որ շփումներ ունեցաւ Երեւանի մէջ։ Հանդիպման ներկայ էր նաեւ Եւրոմիութեան Երեւանի առաքելութեան ղեկավարը՝ դեսպան Անտրէա Վիքթորին։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Հանրապետութեան նախագահ Ռեճեփ Թայյիպ Էրտողանին շնորհաւորական մը ուղղարկեց՝ 15 յուլիսի Ժողովրդավարութեան եւ ազգային միասնականութեան օրուան առթիւ։ Գումգաբուի աղբիւրներու հաղորդումներով, Ամեն. Ս. Պատրիարք Հայրը այս առթիւ նշած է, որ գիտակից կեցուածք որդեգրած հայրենակիցներ վեց տարի առաջ այսօր պաշտպանած են պետութեան գոյատեւումը եւ Ազգային մեծ ժողովի գերիշխանութիւնը, ինչ որ ժողովրդավարութեան առհաւատչեան է։

Գնալը կղզիի մէջ այս ամառ կեանքի կը կոչուի «Մենք երգենք եւ պարենք» խորագրեալ երաժշտական երեկոյթներու շարք մը, որու առաջինը երէկ տեղի ունեցաւ Ս. Գրիգոր Լուսաւորիչ եկեղեցւոյ պարտէզէն ներս։ Կղզեաց հոգեւոր հովիւ Տ. Յարութիւն Վրդ. Տամատեանի եւ Գատըգիւղի Արամեան սանուց միութեան վարչութեան ատենապետ Սեւան Աթաօղլուի ջանքերով մշակուած ծրագիր մըն է այս մէկը, որու երաժշտական պատասխանատուն է Արի Հերկել։

Մինչ այս օրերուն Երեւանի մէջ կ՚ընթանայ «Ոսկէ ծիրան» շարժանկարի միջազգային փառատօնը, այս մթնոլորտին մէջ հայկական շարժանկարի ներկայ վիճակն ալ խոշորացոյցի տակ առնուած է։

Հայաստան-Ատրպէյճան սահմանէն միշտ կը հասնին լարուածութեան լուրեր։ Հայաստանի Պաշտպանութեան նախարարութիւնը վերջին օրերուն վերստին տեղեկացուց, որ Ատրպէյճանի զօրքերը կրակ բացած են սահմանի արեւմտեան հատուածէն ներս տեղակայուած մարտական դիրքերուն վրայ։