Երեւանի մէջ թատերասէրները այս շրջանին հնարաւորութիւն ունին հետեւելու Ռէյ Պրետպըրիի «Խատուտիկի գինի» հռչակաւոր պատումի բեմադրութեան։ Ներկայացումները կ՚իրականացուին Համազգայինի թատերախումբին կողմէ։
Աստուածաշունչի ընկերութեան Արաբական ծոցի երկիրներու մասնաճիւղի ընդհանուր քարտուղարը՝ տքթ. Հրայր Ճէպէճեան այս շաբաթավերջին պիտի այցելէ քաղաքս։ Ան պիտի մասնակցի Աստուածաշունչի ընկերութեան տարածաշրջանային տարեկան խորհրդակցութեան, որ այս անգամ դարձեալ Իսթանպուլի մէջ տեղի կ՚ունենայ։
Երէկ երեկոյեան ժամերուն Հաթայի մէջ իրերայաջորդ երկու երկրաշարժ պատահեցաւ։ Էփիկեդրոնը կը գտնուէր քաղաքի Տեֆնէ գաւառակին մէջ, որ Սամանտաղի շրջանին մէջ է։ Երեք վայրկեան տարբերութիւնով քաղաքը ցնցուեցաւ երկու անգամ՝ ըստ ռիխթերեան չափանիշի 6.4 եւ 5.8 սաստկութեամբ։
Արտաքին գործոց նախարար Մեւլիւտ Չավուշօղլու երէկ հանդիպում մը ունեցաւ Ամերիկայի Միացեալ Նահանգներու պետական քարտուղար Էնթընի Պլինքընի հետ, որ Թուրքիա այցելեց՝ բնական աղէտով պայմանաւորուած մթնոլորտին մէջ զօրակցութիւն յայտնելու համար։
Եւրոմիութեան կողմէ Հայաստան ուղարկուած դիտորդներուն Ատրպէյճանի հետ սահմանին վրայ առաքելութիւնը երէկուան դրութեամբ սկսաւ՝ երկու տարուան ժամկէտով:
Մինչ Արեւմուտք-Մոսկուա մրցակցութեան դրսեւորումները հետզհետէ տեսանելի կը դառնան Հարաւային Կովկասէ ներս, Երեւան կը ջանայ անվտանգութեան յաւելեալ երաշխիքներ ապահովել՝ տարածաշրջանի ահագնացող լարուածութիւնով պայմանաւորուած մթնոլորտին մէջ: Պաքու անբաւարար կը համարէ խաղաղութեան պայմանագրի նախագծին շուրջ հայկական կողմին ցուցաբերած ճկունութիւնը: Իրանի եւ Ռուսաստանի մօտեցումները ամբողջութեամբ չեն համընկնիր եւրոպացիներու ներկայութեան կապակցութեամբ: Հակառակ իրենց ընդհանուր գծին:
Էնթընի Պլինքընի միջնորդութեամբ, Միւնիխի անվտանգութեան համաժողովի ծիրէն ներս շաբաթավերջին հանդիպում մը տեղի ունեցաւ Նիկոլ Փաշինեանի եւ Իլհամ Ալիեւի միջեւ:
Ըստ Ուաշինկթընի, Երեւանի եւ Պաքուի միջեւ վերջին շրջանին զգալի յառաջընթաց արձանագրուած է խաղաղութեան համաձայնութեան ուղղութեամբ: Շարլ Միշելն ալ առաջարկած է երկու ղեկավարները յառաջիկային հիւրընկալել Պրիւքսելի մէջ:
ԱՄՆ հերթական անգամ ընդգծեց Լաչինի միջանցքի վերաբացման անհրաժեշտութիւնը, նաեւ կոչ ուղղեց տարածաշրջանային փոխադրութեան ենթակառուցուածքներու ապաշրջափակման համար:
Միւնիխի 59-րդ անվտանգութեան համաժողովի շրջանակէն ներս անդրադարձ՝ Անգարա-Երեւան յարաբերութիւններուն:
Փաշինեան, Ղարիպաշվիլի եւ Ալիեւ խօսեցան «Շարժե՞լ սարերը. անվտանգութեան կառուցումը Հարաւային Կովկասի մէջ» նիւթին շուրջ:
Միւնիխի Անվտանգութեան համաժողովը, որ այս տարի 59-րդ անգամ կազմակերպուած է, այսօր կը մէկտեղէ Հայաստանի վարչապետ Նիկոլ Փաշինեանը, Ատրպէյճանի նախագահ Իլհամ Ալիեւը եւ Վրաստանի վարչապետ Իրակլի Ղարիպաշվիլին։ Համաժողովի շրջանակներէն ներս նախատեսուած է՝ Հարաւային Կովկասի վերաբերեալ ասուլիս մը։
Թուրքիոյ ազգային-եկեղեցական կեանքը ամբողջութեամբ կեդրոնացած է պահու հրատապ առաջնահերթութեան վրայ՝ օգնութիւն փութացնելու համար աղէտեալներուն:
Պատրիարքական աթոռը կը ջանայ ընտրանքներ ստեղծել մեր համայնքի գաւառաբնակ անդամներուն համար, որպէսզի կարողանան կողմնորոշուիլ իրենց ապագայի ճանապարհին վրայ՝ երկրաշարժի ծանր հետեւանքներով պայմանաւորուած իրավիճակին ներքեւ:
Ամենապատիւ Սրբազան Պատրիարք Հայրը տեղեկացուց, որ Ամենայն Հայոց Տ.Տ. Գարեգին Բ. Վեհափառ Հայրապետը կը պատրաստուի օժանդակութեան կոչ ուղղել համայն աշխարհի հայութեան:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Ֆէրիգիւղի Ս. Վարդանանց եկեղեցւոյ մէջ նախագահեց Ս. Վարդանանց տօնախմբութեան։ Ս. Պատարագը մատոյց Տ. Շիրվան Քհնյ. Միւրզեան։
