Արխիւ

ՄԱԿ-ի ընդհանուր քարտուղար Անթոնիօ Կութերես վերահաստատեց իր կոչը, որպէսզի ազատ ու անվտանգ տեղաշարժը ապահովուի Լաչինի միջանցքով։ Մինչ Արցախի շրջափակումը արդէն կը թեւակոխէ առաջին ամիսը՝ Կութերեսի բանբերը՝ Սթեֆան Տիւժարիք «Արմէնփրէս» գործակալութեան ըրաւ հետեւեալ յայտարարութիւնը.

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց քաղաքիս քոյր եկեղեցիներու հոգեւոր առաջնորդները, որոնք շնորհաւորական այցելութիւններու փութացին Ամանորի եւ Ս. Ծննդեան առթիւ։

Արցախը արդէն շուրջ ամիսէ մը ի վեր պաշարման մէջ է։ Լեռնային Ղարաբաղը Հայաստանին ու աշխարհին հետ կապող Լաչինի միջանցքը կը շարունակէ փակ մնալ։ Ատրպէյճան շուրջ ամիսէ մը ի վեր շրջափակման մէջ կը պահէ Արցախը, ուր մարդասիրական իրավիճակը հետզհետէ աւելի հրատապ բնոյթ կը ստանայ։

ՍԱԳՕ ԱՐԵԱՆ

Երկրագունդի բոլոր մայր ցամաքամասերու բազմաթիւ երկիրներուն մէջ այս տարի ընտրութիւններ տեղի պիտի ունենան:
2023 թուականի օրացոյցին վրայ այժմէն կ՚առանձնանան՝ Սան Ֆրանսիսքոյի Արհեստական բանականութեան՝ AI գագաթաժողովն ու Նիւ Եորքի Կայուն զարգացման բարձր մակարդակով քաղաքական ֆորումը, որով 2030-ի վերաբերեալ նպատակները վերատեսութեան կ՚ենթարկուին:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կեանքի մէջ յաճախ կը հանդիպինք եւ կ՚ազդուինք նախապաշարումներէ։ Որքան ալ լայնախոհ ըլլանք, թերեւս անզգալաբար եւ անգիտակցօրէն, քիչ կամ շատ կը տպաւորուինք նախապաշարումներու ազդեցութենէն։

Պատրիարքական Աթոռի միաբաններէն Տ. Յարութիւն Վրդ. Տամատեան վերջին ամիսներուն Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ներս կը գտնուի, Սուրբ Ծննդեան եւ Աստուածայայտնութեան տաղաւարին առթիւ պատարագեց Նիւ Ճըրզիի Ս. Ղեւոնդեանց եկեղեցւոյ մէջ։

Պաքըրգիւղի ընտանիքը երէկ համայնքային շրջանակները հիւրընկալեց՝ Տատեան վարժարանի ի նպաստ կազմակերպուած տարեկան հանգանակութեան առթիւ:
Ատենապետուհի Մարի Եանճըի կողմէ գլխաւորուած նորընտիր թաղային խորհուրդը առաջին սիրոյ սեղանի ընթացքին ի յայտ բերաւ նաեւ իր գործուէնութեան հիմնական տեսլականը:

Պաշտօնաթերթին մէջ երէկ լոյս տեսաւ Սահմանադրական ատեանին կողմէ արձակուած վճիռ մը, որ կը վերաբերի թրքահայ համայնքին մասին սեփականութեան իրաւունքի հարցերուն։ Բարձրագոյն դատարանի ընդհանուր խորհուրդը քննարկած է Վաքըֆլըգիւղի Ս. Աստուածածին եկեղեցւոյ եւ Սուրբ Փրկիչ Ազգային հիւանդանոցի երկու կալուածներուն վերաբերեալ արձակուած վճիռներ եւ յանգած է այն եզրակացութեան, որ սեփականութեան իրաւունքի խախտումներ պատահած են։

Իսթանպուլի կուսակալ Ալի Երլիքայա շնորհաւորեց թրքահայութեան Սուրբ Ծնունդը։ Ամեն. Ս. Պատրիարք Հայրը երէկ Գումգաբուի պաշտօնական ընդունելութեան ընթացքին ընթերցեց կուսակալ Երլիքայայի շնորհաւորականը, ուր բարեմաղթութիւններ հասցէագրուած էին մեր համայնքին։