Արխիւ

Նիւ Եորքի մէջ վերջերս ոգեկոչուեցաւ ամերիկահայ բարեյիշատակ ազգային գործիչ տքթ. Ռաֆֆի Յովհաննէսեան։ Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմի առաջնորդանիստ Ս. Վարդան Մայր տաճարին մէջ հոգեհանգստեան պաշտօն կատարուեցաւ ի յիշատակ տքթ. Ռաֆֆի Յովհաննէսեանի՝ մահուան երկրորդ տարելիցին առթիւ։

Հայաստան-Ատրպէյճան սահմանի լարուածութիւնը կը շարունակէ առաջնահերթօրէն զբաղեցնել թէ՛ միջազգային եւ թէ տարածաշրջանային օրակարգը։ Շահագրգիռ բոլոր դերակատարները կը շարունակեն խտացեալ շփման մէջ մնալ։

ՍԱԳՕ ԱՐԵԱՆ

Այն ինչ, որ տեղի ունեցաւ օրեր առաջ Մայր Աթոռ Սուրբ Էջմիածնի կամարներուն ներքեւ, տակաւին յստակ չէ։ Հանդիպում, որուն հաւանաբար կը սպասէր իւրաքանչիւր հայ մարդ, որ այսօր ալ սրտցաւօրէն կը հետեւի Հայաստան-Ատրպէյճան ընդհանուր լարուածութեան։

ՊԻԱՆՔԱ ՍԱՐԸԱՍԼԱՆ

«Մարդը նետուած է աշխարհ», կ՚ըսէ Հայտեկեր եւ բոլորս գիտենք, թէ ծնիլը մեր ընտրութիւնը չէ։ Բայց յաջորդ փուլին, կարելի է ըսել, որ աշխարհի վրայ մեր ազդեցութիւնը բաւական մեծ է։

ՀՐԱՅՐ ՏԱՂԼԵԱՆ

Հաւանաբար նման յօդուածի մը «Մեղա՜յ»ով պէտք է սկսիլ, որովհետեւ ներկայ յօդուածագրութեան ասպարէզին մէջ անթոյլատրելի է եւ գուցէ դատապարտելի նման նիւթի մը մասին գրել. կրնայ այս մէկը նկատուիլ օրէնքի դէմ զանցառութիւն, ինչի պատճառով կը նախընտրենք քօղարկել վէրքերը՝ ելք ու հնարք գտնելու փոխարէն:

Կը տեղեկանանք, որ Գանտիլլիի Սուրբ Երկոտասան Առաքելոց եկեղեցին ներկայիս ենթարկուած է վերանորոգութեան։ Վոսփորի Ասիական ափի մեր այս գողտրիկ սրբավայրը երկար ժամանակէ ի վեր խնամքի ու ֆիզիքական ամրացման կարիք ունէր, սակայն նախկին շրջաններուն այդ նախագիծը միշտ յետաձգուած էր։

Գոհունակութեամբ վերահասու կ՚ըլլանք, թէ Սուրբ Գրոց ընկերութեան Արաբական ծոցի երկիրներու մասնաճիւղի ընդհանուր տնօրէն տքթ. Հրայր Ճէպէճեան վերջերս շքանշանով մը պարգեւատրուած է Հայ Կաթողիկէ Եկեղեցւոյ կողմէ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիրն ու իր գործակից ընկերները։ Ներկայ էր նաեւ թաղի հոգեւոր հովիւ Տ. Զօհրապ Քհնյ. Ճիվանեան։

ՍԱԳՕ ԱՐԵԱՆ

Ընկերաբան Կէորկի Տերլուկեան ծաւալուն հարցազրոյցով մը խորհրդածութիւններ ըրած է հայաշխարհի օրակարգի հրատապ եւ առանցքային հարցերու շուրջ:
«Արդեօք սփիւռքը պիտի շարունակէ՞ գոյատեւել 100 տարի անց». առ երեւոյթ հեռահար խնդիրներ, որոնց լուծման համար արդէն հայութիւնը կը յապաղի տագնապելու եւ աշխատելու: