Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին այցելեց նկարչուհի Վերժին Շապճըի ցուցահանդէսը, որ կը կրէ՝ «Արեւմուտքէն դէպի Արեւելք տպաւորութիւններս» անուանումը։ Վաստակաւոր նկարչուհիի հերթական անհատական ցուցահանդէսէն այս մէկը, որ գեղարուեստասէրներու անմիջական հետաքրքրութեան արժանացած է։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Թրքահայ ուսուցչաց հիմնարկի Կրթական յանձնախումբի ներկայացուցիչները։ Գումգաբուի մէջ անոնք հիւրընկալուեցան ջերմ մթնոլորտի մը մէջ։
Երէկ, հաճոյքն ունեցանք խմբագրատանս մէջ հիւրընկալելու Սուրբ Գրոց ընկերութեան Արաբական ծոցի երկիրներու բաժանմունքի ընդհանուր քարտուղար տքթ. Հրայր Ճէպէճեանը։ Ան շուրջ կէս օրուան կեցութիւն մը ունեցաւ Իսթանպուլի մէջ, ուրկէ տարանցումով ուղեւորուեցաւ դէպի Կեդրոնական Ասիա՝ մասնակցելու համար յիշեալ ընկերութեան կողմէ կազմակերպուած ժողովի մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ երեկոյեան մասնակցեցաւ քաղաքիս մէջ Լեհաստանի Ազգային տօնին առթիւ կազմակերպուած պաշտօնական ընդունելութեան, որ տեղի ունեցաւ Հարպիէյի «Հիլթըն» պանդոկի համալիրէն ներս։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Ղալաթիոյ խնամակալութեան ատենապետ Մկրտիչ Արծիւեանն ու գործակից ընկերները։ Կեդրոնական վարժարանին ի նպաստ այս տարուան հանգանակութիւնը նախատեսուած է դեկտեմբերի 1-ին։
Վաքըֆներու ընդհանուր տնօրէնութենէն ներս այժմէական նիւթերու շուրջ զրոյց:
Փրոֆ. Թորոս Ալճան երէկ հանդիպումներ ունեցաւ Սինան Աքսուի եւ Ատնան Էրթէմի հետ:
Ֆէրիգիւղի Ս. Վարդանանց եկեղեցւոյ մէջ երէկ երեկոյեան տեղի ունեցաւ համերգ մը, որու ընթացքին հանդէս եկան արժանթինահայ տուտուկահար Գագիկ Գասպարեան եւ մեր համայնքէն Էտվին Կալիպօղլու, որ երգեհոնով նուագակցեցաւ իրեն։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ենիգաբուի Ս. Թադէոս-Ս. Բարթուղիմէոս եկեղեցւոյ թաղային խորհուրդի ատենապետ Մուրատ Քարամանն ու գործակից ընկերը։ Ներկայ էր նաեւ հոգեւոր հովիւ Տ. Զաքար Քհնյ. Քոփարեան։
Երէկ, համայնքային շրջանակները ժամադրուած էին Նառլըգաբուի Ս. Յովհաննէս եկեղեցւոյ մէջ, ուր տեղի ունեցաւ տարեկան աւանդական մատաղօրհնութիւնը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց մեր այս գողտրիկ սրբավայրի արարողութիւններուն՝ մինչ իսկապէս բարձր տրամադրութիւն ստեղծուած էր։
Ֆէրիգիւղի «Նազար Շիրինօղլու» սրահին մէջ երէկ երեկոյեան տեղի ունեցաւ գիրքի շնորհանդէս մը, որ կազմակերպուած էր «Արաս» հրատարակչութեան նախաձեռնութեամբ։
