Պաքըրգիւղի Տատեան վարժարանին մէջ նախընթաց օր խանդավառ հանդէսով մը նշուեցաւ Մայրենի լեզուի համաշխարհային օրը։ Դպրոցի «Տիգրան Կիւլմէզկիլ» հանդիսասրահի երդիքին տակ կեանքի կոչուեցաւ յայտագիրը, որու ընթացքին ելոյթով մը հանդէս եկաւ հայերէնի ուսուցչուհի Լեռնա Գարագիւթիւք:
Մայրենի լեզուի համաշխարհային օրուան առթիւ Օրթագիւղի Թարգմանչաց վարժարանին մէջ երէկ տեղի ունեցաւ փայլուն հանդէս մը։ Սա խորքին մէջ միջվարժարանային ձեռնարկ մըն էր՝ քանի համայնքային այլ դպրոցներէ սաներ եւ կրթական մշակներ ալ մասնակցութիւն բերին՝ Օրթագիւղի ընտանիքի պատասխանատուներուն առընթեր։
Գատըգիւղի Արամեան-Ունճեան վարժարանին մէջ երէկ ոգեւոր հանդէս մը տեղի ունեցաւ՝ Մայրենի լեզուի համաշխարհային օրուան առթիւ։ Ուսուցչական կազմէն Աննա Սարը Սեչքին, Թամար Մանկասար եւ Մելիս Սոլաքօղլու վերահսկած էին յայտագրի պատրաստութիւնը։
Միջմիութենական նարտի մրցաշարքը համայնքային շրջանակներէն ներս վերջերս անմիջական ուշադրութեան արժանացաւ եւ մեծ ոգեւորութեան թատերաբեմը դարձաւ։ Այս տարի 26-րդ անգամ կազմակերպուած մրցաշարքը արդէն վերահաստատուեցաւ՝ հոգելոյս Մուրատ Քէյիշօղլուի անունով։
Համայնքային շրջանակները վերջին օրերուն կը սգան ցաւալի եւ անժամանակ կորուստը՝ թրքահայութեան այնքան համակրելի ու երեւելի դէմքերէն Արարատ Մօրի, որու յուղարկաւորութիւնը տեղի պիտի ունենայ վաղը։
Շիշլի մարզակումբի մարզիկները բոլոր ճիւղերուն մէջ կը շարունակեն իրենց մրցակցութիւնը։ Թէ՛ անհատական եւ թէ խմբային մարզաձեւերու մէջ ակումբին կողմէ արձանագրուած յաջողութիւնները արդէն կայուն հունի մը մէջ են։
Պաքըրգիւղի ընտանիքը վերջերս հանդէս եկաւ միջվարժարանային մարզական նախաձեռնութիւնով մը, որ երկրորդն էր իր նմաններու շարքին։ Այսպէս, Տատեան վարժարանի նախաձեռնութեամբ կազմակերպուեցաւ եռօրեայ՝ ֆութսալի եւ վոլէյպոլի մրցաշարք մը։
Գոհունակութեամբ վերահասու կ՚ըլլանք, թէ մեր համակրելի մեներգչուհիներէն Սիպիլ կը պատրաստուի այցելել Աւստրալիա։ Իր ուղեւորութիւնը տեղի կ՚ունենայ Հայկական բարեգործական ընդհանուր միութեան (ՀԲԸՄ) հրաւէրով։
Համայնքային շրջանակներէն ներս լայն արձագանգ գտած է Պէյօղլուի սուրբ եկեղեցեաց թաղային խորհուրդի վերջին ընտրութեան առ ոչինչ համարման վերաբերեալ դատական իշխանութիւններուն կողմէ արձակուած յայտնի վճիռը։ Պատկան առաջին ատեանը միջոց մը առաջ արձակած էր դատավճիռ մը, որով այդ պահանջը մասամբ բաւարարուած էր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Արեւագալի արարողութեան նախագահեց Ղալաթիոյ Ս. Գրիգոր Լուսաւորիչ եկեղեցւոյ մէջ։ Ներկայ էին նաեւ Տ. Գասպար Աբեղայ Կարապետեան եւ Տ. Շիրվան Քհնյ. Միւրզեան։ Երգեցողութիւնները կատարուեցան՝ ղեկավարութեամբ Էտվին Սրկ. Կալիպօղլուի։
