Ռուսաստանի արտաքին գործոց նախարար Սերկէյ Լաւրով եւ Հնդկաստանի արտաքին գործոց նախարար Սուպրահմանեամ Ճայշանքար երէկ հանդիպում մը ունեցան Կոայի մէջ։ Շանհայի համագործակցութեան կազմակերպութեան անդամ երկիրներու արտաքին գործոց նախարարներու ժողովի ծիրէն ներս տեղի ունեցաւ այս հանդիպումը։
Այսօր մայրաքաղաք Անգարայի մէջ նախատեսուած է Ազգային մեծ ժողովի նախագահ Մուսթաֆան Շենթոփի եւ Հայաստանի Ազգային ժողովի նախագահ Ալէն Սիմոնեանի հանդիպումը։
Երէկ կէսօրուան ժամերուն Ալէն Սիմոնեանի կողմէ գլխաւորուած խորհրդարանական պատուիրակութիւնը ժամանեց Անգարա։
Երէկ, «Հրանդ Տինք» հիմնարկի երդիքին տակ տեղի ունեցաւ հետաքրքրական ասուլիս մը, որ կը կրէր՝ «Դաւադրութեան տեսութիւններուն ու ապատեղեկատուութեան յարաբերութիւնը» խորագիրը։
Ճէյք Սալըվըն երէկ Ուաշինկթընի մէջ տեսակցեցաւ Արարատ Միրզոյեանի եւ Ճէյհուն Պայրամովի հետ:
Ըստ Նիկոլ Փաշինեանի, բանակցութիւններու սեղանին վրայ կայ փաստաթուղթ մը եւ այդ մէկը որեւէ անակնկալ չի պարունակեր:
Հայաստանի վարչապետ Նիկոլ Փաշինեան այսօր երկօրեայ պաշտօնական այցելութեամբ կը մեկնի Փրակ, ուր շփումներ կ՚ունենայ Չեխիոյ բարձրագոյն ղեկավարութեան հետ։
Թուրքիա շաբաթավերջէն ի վեր փակած է իր օդային մարզը՝ Հայաստանէն տարանցիկ թռիչքներու համար:
Ըստ Մեւլիւտ Չավուշօղլուի յայտարարութիւններուն, Երեւանի մէջ «Նեմեսիս» յուշարձանին բացումը կը համարուի անընդունելի:
Վրաստան-Իսրայէլ յարաբերութիւնները այս շրջանին կ՚ընթանան համագործակցութեան խորացման ճանապարհով։ Միջազգային աղբիւրները կը տեղեկացնեն, որ երկու երկիրներուն միջեւ արդէն աւարտած են՝ ազատ առեւտուրի համաձայնագրի ստորագրման ուղղեալ նախապատրաստական աշխատանքները։
Իրանի նախագահ Իպրահիմ Ռայիսի երէկ այցելեց Դամասկոս, ուր հիւրընկալուեցաւ Սուրիոյ նախագահ Պեշար Էսատի կողմէ։ Սուրիոյ քաղաքացիական պատերազմով պայմանաւորուած՝ աւելի քան 12 տարուան ընդհատումէ մը վերջ առաջին անգամ Իրանի նախագահ մը կ՚այցելէ այդ երկիրը։
Հայաստանի Ազգային ժողովի նախագահ Ալէն Սիմոնեան այսօր կ՚այցելէ մայրաքաղաք Անգարա, ուր կը մասնակցի Սեւծովեան տնտեսական համագործակցութեան կազմակերպութեան (ՍԾՏՀԿ) Խորհրդարանական վեհաժողովի գագաթաժողովին։ Այս տարի սոյն խորհրդարանական վեհաժողովի հիմնադրութեան 30-ամեակն է եւ այժմու գագաթաժողովը կազմակերպուած է այս յոբելեանին առթիւ։
ՍԱԳՕ ԱՐԵԱՆ
Օրեր առաջ համացանցի վրայ շատեր տարածեցին Սուրիոյ արտաքին գործոց նախարար Ֆայսալ Միքթատի Ռիատ տուած պաշտօնական այցելութեան լուսանկարները։ Դամասկոս-Ռիատ յարաբերութիւնները ո՛չ միայն պիտի բարելաւուին, այլ պիտի դառնան ռազմավարական։
