Հայաստան-Ատրպէյճան սահմանին վրայ անհանգիստ վիճակը, լարուածութիւնը եւ հրադադարի խախտումները անընդհատ կը շարունակուին։ Պաքու մէկ կողմէ կ՚արտայայտէ Երեւանի հետ խաղաղութեան պայմանագիր կնքելու պատրաստակամութիւն, իսկ միւս կողմէ չի հրաժարիր իր նախայարձակ քաղաքականութենէն։
ՇԱՀԱՆ ԳԱՆՏԱՀԱՐԵԱՆ
Իրան-Սէուտական Արաբիա դիւանագիտական յարաբերութիւններ վերահաստատելու որոշումը նոր գործընթացներու միտումներ կը նախանշէ: Նախ անմիջապէս պէտք է անդրադառնալ, որ համաձայնագիրը ստորագրուած է Փեքինի մէջ, ինչ որ Չինաստանի միջնորդութեան մասին կը խօսի:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ երեկոյեան Գումգաբուի մէջ հիւրընկալեց Եկեղեցիներու համաշխարհային խորհուրդի (ԵՀԽ) ընդհանուր քարտուղար փրոֆ. Ճերի Փիլէյը, որուն կ՚ընկերանար իր օգնականը՝ Անի Ղազարեան-Տրիսսին։ Հանդիպման ներկայ էր նաեւ գաւազանակիր Տ. Շիրվան Քահանայ Միւրզեան։
Հայաստանի երրորդ նախագահին գրասենեակը ուշագրաւ գիրք մը հրատարակեց:
Սերժ Սարգսեան համոզուած է, թէ իրավիճակի փոփոխութեան համար պէտք է բանակցողը փոխուի:
Խոր ցաւով վերահասու եղանք, թէ նախընթաց օր Մարսէյլի մէջ իր մահկանացուն կնքած է Սուրբ Խաչ դպրեվանքի նախկին սաներէն Սարգիս Տուրսուն։ Իր կորուստը մեծ ցաւ յառաջացուցած է տեղւոյն հայկական շրջանակներէն ներս՝ քանի հանգուցեալը կը վայելէր բոլորին սէրն ու համակրանքը։
ՇԱՀԱՆ ԳԱՆՏԱՀԱՐԵԱՆ
Բերձորի միջանցքը փակ պահելով, դէպի Արցախ ներթափանցման գործողութիւններ իրականացնելով, Ստեփանակերտէն դէպի Հին Շէն եւ Մեծ Շէն ծառայութիւն կատարող ոստիկանական մեքենան կրակահերթի տակ առնելով, գիւղատնտեսական աշխատանքներ տանող Արցախի քաղաքացիներուն վրայ կրակելով՝ Պաքու անմիջականօրէն կը հետապնդէ որոշ առաջադրանքներ:
Հայաստանի Ազգային գրադարանը վերջին օրերուն ընկերային ցանցերու վրայ տեղեկացուց, որ Երեւանի Գրատպութեան թանգարանէն ներս կը ներկայացուին Իսթանպուլի ԺԱՄԱՆԱԿ օրաթերթի Ղալաթիա եւ Բերա թաղամասերու նախկին խմբագրատուներէն դրուագներ։ Հարկ է նշել, որ Երեւանի Գրատպութեան թանգարանը կը գործէ Հայաստանի Ազգային գրադարանի հովանաւորութեան ներքեւ։
Տ. Խաժակ Արք. Պարսամեան. «Թոյլ չտալ ազգային ինքնութեան հիմքերու ոչնչացման»:
Համահայկական նոր քաղաքացիական խորհուրդ մը ստեղծելու ուղղեալ կարեւոր նախաձեռնութիւն:
Ատրպէյճանի զինեալ ուժերը երէկ երեկոյեան ժամերուն կրակ բացին Հայաստանի սահմանի Վերին Շորժայի դիրքերուն վրայ:
Մոսկուա միշտ կը շեշտէ եռակողմանի համաձայնութիւններու բոլոր դրոյթները կեանքի կոչելու անհրաժեշտութիւնը՝ Երեւանի եւ Պաքուի կողմէ:
ԺԻԻՐԱՅՐ ՉՈԼԱՔԵԱՆ
Մարտի 5-ին Արցախի մէջ Ատրպէյճանի զինեալ յարձակումը աւելի բորբոքեց մարդասիրական աղէտի ենթարկուած Արցախի բնակչութիւնը։ Ատրպէյճանի «խաղաղ բնապահպան»ներու կողմէ Լաչինի միջանցքի շրջափակման էջը դեռ չփակուած զինեալ յարձակումը ռազմական լայնածաւալ գործողութիւններու հաւանականութիւնը բարձրացուց։
