ՀԱՅԱՍՏԱՆԻ ԵՒ ԱՏՐՊԷՅՃԱՆԻ ԱՐՏԱՔԻՆ ԳՈՐԾՈՑ ՆԱԽԱՐԱՐՆԵՐԸ ՄԱՅԻՍԻ 13-ԻՆ ՍԵՐԿԷՅ ԼԱՒՐՈՎԻ ՄԻՋՆՈՐԴՈՒԹԵԱՄԲ ՊԻՏԻ ՀԱՆԴԻՊԻՆ ՏՈՒՇԱՆՊԷԻ ՄԷՋ
Երեւանի պաշտօնական աղբիւրները երէկ տեղեկացուցին, որ մայիսի 13-ին Տուշանպէի մէջ նախատեսուած է Հայաստանի Արտաքին գործոց նախարար Արարատ Միրզոյեանի եւ Ատրպէյճանի Արտաքին գործոց նախարար Ճէյհուն Պայրամովի միջեւ հանդիպում մը՝ Ռուսաստանի Արտաքին գործոց նախարար Սերկէյ Լաւրովի միջնորդութեամբ։ Հանդիպումը տեղի պիտի ունենայ ԱՊՀ-ի անդամ երկիրներու արտաքին գործոց նախարարներու հաւաքի շրջանակին մէջ։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Պէյօղլուի Ս. Յարութիւն եկեղեցւոյ Լուսաւորիչ դպրաց դաս-երգչախումբի տնօրէն խորհուրդի անդամները եւ խմբավար Յակոբ Մամիկոնեանը։ Ընդունելութեան ներկայ գտնուեցաւ նաեւ Պատրիարքական փոխանորդ Տ. Գրիգոր Աւ. Քհնյ. Տամատեան։
Կը տեղեկանանք, որ «Արաս» հրատարակչութիւնը ընթերցասէր հասարակութեան տրամադրութեան տակ դրած է հայկական երգիծաբանութեան տիտաններէն Երուանդ Օտեանի «Անիծեալ տարիներ» կոթողային գործը։
Թուրքիա-Հայաստան յարաբերութիւններու բնականոնացման գործընթացը կ՚ընթանայ երկու երկիրներու յատուկ ներկայացուցիչներու՝ Սերտար Քըլըչի եւ Ռուբէն Ռուբինեանի շփումներով։ Անգարայի եւ Երեւանի պաշտօնական աղբիւրները երէկ նոյնաժամանակ տեղեկացուցին, որ յատուկ ներկայացուցիչներու հերթական՝ արդէն երրորդ ժամադրութեան մանրամասնութիւնները յստակացած են։
Հանրապետութեան նախագահ Ռեճեփ Թայյիպ Էրտողան երէկ այցելութեան մը ձեռնարկեց դէպի Սէուտական Արաբիա՝ Սելման թագաւորի հրաւէրին ընդառաջ։ Այս ուղեւորութիւնը կը յաջորդէ Թուրքիոյ եւ Սէուտական Արաբիոյ միջեւ տագնապալի շրջանի մը եւ կը համարուի նոր էջի մը բացուիլը։
Վերջին օրերու շարժման զուգահեռ՝ Հայաստանի ընդդիմութիւնը մեծ հանրահաւաքի մը կը պատրաստուի:
Ամերիկայի Միացեալ Նահանգներու պետական քարտուղար Էնթընի Պլինքըն Լեռնային Ղարաբաղի հիմնախնդրին անդրադարձաւ՝ Քոնկրէսէ ներս, Ներկայացուցիչներու տան Արտաքին յարաբերութիւններու յանձնաժողովի լսումներուն ժամանակ։
Ֆէրիգիւղի «Շիրինօղլու» սրահի երդիքին տակ երէկ երեկոյեան բացառիկ հաւաքոյթ մը տեղի ունեցաւ:
Մեր աշխատակից Վարանդ Քորթմոսեան կը տեղեկացնէ Երեւանէն.-
