Լրահոս

Երկրաշարժէն վերջ Հայաստանէն Թուրքիա եկած փրկարարներու խումբը արդէն կ՚աւարտէ իր առաքելութիւնը աղէտի գօտիին մէջ։ Հայ փրկարարներու ջոկատը աւելի քան շաբաթէ մը ի վերջ աշխատած էր Ատըեամանի մէջ։

ՆՈՐԱ ԳԱԲՈՅԵԱՆ

Շուրջ մէկ շաբաթ առաջ, կանուխ առաւօտեան աղջիկս հեռաւոր Ամերիկայէն առաջինը իմացուց ինծի՝ պատահած աղէտալի երկրաշարժին մասին։ Թուրքիա եւ Սուրիա բախտակից եղան՝ բաժնելով այդ կործանիչ հարուածը, ներառեալ իմ երբեմնի հարազատ բնօրրանս՝ Հալէպ քաղաքը։

ԵԱՀԿ-ի Մինսքեան խմբակի ռուս համանախագահ Իկոր Խովաեւ երէկ շփումներ ունեցաւ Պաքուի մէջ։ Ինչպէս ծանօթ է, մօտաւոր անցեալին ան այցելած էր նաեւ Երեւան։

Արտաքին գործոց նախարար Մեւլիւտ Չավուշօղլու երէկ Անգարայի մէջ հիւրընկալեց Իսրայէլի Արտաքին գործոց նախարար Էլի Քոհէնը։ Կը հաղորդուի, որ հիւր նախարարին այցելութիւնը ունէր զօրակցութեան բնոյթ՝ երկիրը ցնցած սարսափելի երկրաշարժի հետեւանքներով պայմանաւորուած մթնոլորտին մէջ:

Թուրքիոյ տասն քաղաքները աւերած ահաւոր երկրաշարժի հետեւանքով զոհուածներուն թիւը, ըստ պաշտօնական տուեալներուն, արդէն գերազանցած է 31 հազարը։ Երկրէն ներս ստեղծուած ողբերգական իրավիճակին մէջ միակ մխիթարութիւնը փրկարարներու աշխատանքին արդիւնքը կ՚ըլլայ։

Արմաղանեան. «Ընդունեցէք մեր ցաւակցութիւնները, այս ծանր վիճակին մէջ համբերութիւն կը մաղթենք»:
«Անատոլու» գործակալութիւնը անդրադարձաւ Հայաստանի փրկարարներու աշխատանքին եւ մարդասիրական օգնութեան:

Երէկ, Հայաստանի Արտաքին գործոց նախարար Արարատ Միրզոյեան ընդունեց ԵԱՀԿ-ի շրջանային նախագահի յատուկ ներկայացուցիչ դեսպան Անճէյ Կասպրչիկը, որ այցելեց Երեւան։ Պաշտօնական աղբիւրներու հաղորդումներով, հանդիպման ընթացքին քննարկուեցան տարածաշրջանային անվտանգութեան եւ կայունութեան վերաբերեալ հարցեր։

Թուրքիոյ հարաւի, արեւելքի եւ հարաւ-արեւելքի 10 քաղաքները աւերած երկրաշարժին պատճառած ցնցումը կը շարունակուի ամբողջ երկրին մէջ։ Արդէն այսօր շաբաթ մը անցած է երկրաշարժէն ի վեր եւ, դժբախտաբար, զոհերու թիւը կը մօտենայ 30 հազարի սահմանին։

Հայաստանի կողմէ աղէտալի երկրաշարժէն վերջ Թուրքիոյ համար ցուցաբերուած մարդասիրական օժանդակութիւնը ուշադրութեան կ՚արժանանայ նաեւ Անգարա-Երեւան յարաբերութիւններու բնականոնացման գործընթացին մէջ։

Հայաստան կը շարունակէ զօրակցիլ Թուրքիոյ եւ Սուրիոյ՝ երկրաշարժով պայմանաւորուած ծանր իրավիճակի ողբերգական կացութեան ներքեւ։ Այսօր Հայաստան մարդասիրական օժանդակութիւն ուղարկեց Թուրքիա։