Հայաստանի վարչապետ Նիկոլ Փաշինեան երէկ հեռախօսազրոյցներ ունեցաւ Ռուսաստանի նախագահ Վլատիմիր Փութինի եւ ՄԱԿ-ի ընդհանուր քարտուղար Անթոնիօ Կութերեսի հետ։ Երկու զրոյցներուն ընթացքին ալ առաջնահերթօրէն օրակարգի վրայ եկաւ Լաչինի միջանցքի փակման հետեւանքով Արցախէ ներս ստեղծուած իրավիճակը։
Երկրաշարժի ցնցումներով պայմանաւորուած մթնոլորտին մէջ Երեւան կ՚աջակցի նաեւ Դամասկոսին:
Հայաստանի արտաքին գործոց նախարար Արարատ Միրզոյեան ընդունուեցաւ Սուրիոյ նախագահ Պեշար Էսատի կողմէ:
Ուաշինկթընէն տեղեկացուեցաւ, որ Շարլ Միշել կը պատրաստուի մէկտեղել Նիկոլ Փաշինեանն ու Իլհամ Ալիեւը:
Մոսկուա-Պրիւքսել առանցքին վրայ թէ՛ շփումներ եւ թէ հակադրութիւններ՝ Հարաւային Կովկասի կապակցութեամբ:
ՇԱՀԱՆ ԳԱՆՏԱՀԱՐԵԱՆ
Թուրքիոյ արտաքին գործոց նախարարին հրապարակած «Թրանս-Կովկաս»ի նախագիծը կը թուի, որ Անգարայի նոր նախաձեռնութիւնն է: Անդրադառնալով տարածաշրջանին մէջ հեռահաղորդակցութիւններու զարգացման հարցերուն՝ Չավուշօղլու նշած է, որ Թուրքիան, Ատրպէյճանը, Վրաստանը եւ Իրանը եռակողմանի եւ քառակողմանի ձեւաչափերով կ՚աշխատին օգտագործել այդ կարելիութիւնները:
Ռուսաստանի արտաքին գործոց նախարար Սերկէյ Լաւրով կը նախատեսէ այցելել Պաքու, ուր ամենաբարձր մակարդակի վրայ պիտի հիւրընկալուի Ատրպէյճանի ղեկավարութեան կողմէ։ Կը հաղորդուի, որ ռուս նախարարին պաշտօնական այցելութիւնը տեղի ունենայ փետրուարի 27-28-ին։
Հայաստանի արտաքին գործոց նախարար Արարատ Միրզոյեան յայտարարեց, որ Ատրպէյճան վերահաստատած է իր պատրաստակամութիւնը, որպէսզի Լեռնային Ղարաբաղի հետ միջազգայնօրէն տեսանելի երկխօսութիւն հաստատէ։
Հարցազրոյց «Ազատութիւն»ին. «Լաւ առիթ ներկայացած է, մեծ ողբերգութիւն մը տեղի ունեցած է, իսկ ողբերգութիւններու շուրջ պետութիւնները կրնան գալ գլուխ-գլխի»:
Վերլուծաբան Թաթուլ Յակոբեան կը մեկնաբանէ Հայաստանէն Թուրքիա ուղարկուած մարդասիրական օժանդակութեան քայլը. «Մենք լո՞ւրջ պետութիւն ենք, թէ պետութիւն չենք. սա է խնդիրը»:
Հաթայի իրերայաջորդ սաստիկ երկրաշարժները աւերիչ ազդեցութիւն գործեցին Մուսա լերան Վաքըֆլըգիւղին վրայ, ուր բնակչութիւնը կը դիմագրաւէ իսկական ողբերգութիւն մը:
Փլուզման տխուր համայնապատկերը դժբախտաբար կը ցոլացնէ անատոլուի հայկական պատմական ստուար ներկայութեան վերջին բեկորներուն հիմնայատակ ցնցումը:
Լրջօրէն վնասուած ըլլալով հանդերձ, Ս. Աստուածածին եկեղեցին, ըստ էութեան, կը մնայ կանգուն: Հունէ դուրս եկած առօրեային զուգահեռ՝ գիւղացիներու ապագային կը սպառնայ անորոշութիւն:
Հայաստանի մէջ Եւրոմիութեան քաղաքացիական դիտորդական առաքելութիւնը արդէն պաշտօնապէս սկսած է ներկայ շաբթուան դրութեամբ։ ԵՄ-ի դիտորդական առաքելութիւնը արդէն Ատրպէյճանի հետ սահմանին վրայ տեղակայուած է եւ Հայաստան հասած առաջին օրն իսկ՝ երկուշաբթի, իրականացուցած է իր առաջին դիտարկումը։
Երեւանի մէջ թատերասէրները այս շրջանին հնարաւորութիւն ունին հետեւելու Ռէյ Պրետպըրիի «Խատուտիկի գինի» հռչակաւոր պատումի բեմադրութեան։ Ներկայացումները կ՚իրականացուին Համազգայինի թատերախումբին կողմէ։
