Լրահոս

USAID-ի աջակցութեամբ Հայաստանի մէջ գործել սկսաւ՝ հրատապ արձագանգման արդիականացեալ հարթակը:
Կարիքաւոր ընտանիքներու համար նախատեսուած կառավարական աջակցութեան արդիւնաւէտ կազմակերպման ուղղեալ քայլեր:

Հայաստանի իշխանական վարչախումբը ծանր վիճակի մէջ յայտնուած է։ Քաղաքացիական պայմանագրի պաշտօնեաները յստակ կը գիտակցին, որ հնարաւոր իշխանափոխութենէն ետք ստիպուած պիտի ըլլան պատասխան տալ բազում հարցերու՝ մասնաւորապէս կապուած Արցախի հայաթափման, Հայաստանի աւելի քան 200 քառակուսի քիլօմեթր տարածքներու յանձնման, խոշոր չափերու հասնող կաշառակերութեան եւ այլ ապօրինութիւններու հետ, որոնց մասին հայկական լրահոսը ամենօրեայ պարբերականութեամբ նիւթեր կը հրապարակէ։ Իշխանութեան կորուստը պետութեան առանցքային բազմաթիւ դէմքերու համար կրնայ վերածուիլ ազատութեան երկարամեայ կորուստի մը, որ զանոնք կը մղէ ամէն գնով իշխանութիւնը պահելու մոլուցքին:

Բովանդակ Թուրքիոյ մէջ այսօր սկսած է 2024-2025 կրթական շրջանը։ Առաջին զանգը հնչած է նաեւ պոլսահայ վարժարաններէն ներս։ Վերամուտը կու գայ բնորոշել նաեւ թրքահայ ազգային-եկեղեցական կեանքի վերաշխուժացումը։

«Զանգեզուրի միջանցք»ի հարցին շուրջ Իրանի օրակարգին վրայ է նոյնիսկ ռազմական միջամտութիւնը:
Հայաստանի վարչապետ Նիկոլ Փաշինեան դարձեալ հակադարձեց Մոսկուային, որուն միշտ կը հակազդէ նաեւ Թեհրան:

Ամերիկայի Միացեալ Նահանգներու եւ Անգլիոյ հետախուզութեան ծառայութիւններու՝ CIA-ի եւ MI6-ի ղեկավարներ՝ Ուիլիըմ Պէօռնս եւ Ռիչըրտ Մուր յօդուած մը հրապարակեցին «Financial Times»ի մէջ։ Այսպիսի համատեղ ստորագրութեամբ յօդուածի մը հրապարակումը աննախընթաց երեւոյթ մըն է։

Հայաստանի ֆութպոլի ազգային հաւաքականը լաւ սկիզբ մը ըրաւ ՈՒԷՖԱ-ի ազգերու լիկին։ Այս մրցաշարքի C լիկի չորրորդ խմբակին մաս կը կազմէ Հայաստանի հաւաքականը, որ Երեւանի մէջ 4-1 արդիւնքով պարտութեան մատնեց Լեթոնիան։

Երեւանի մօտ Իրանի դեսպան Մեհտի Սոպհանի երէկ հերթական անգամ անդրադարձաւ Հարաւային Կովկասի հաղորդակցային ուղիներու հաւանական ապաշրջափակման։ Ան վերահաստատեց Թեհրանի դիրքորոշումը, ըստ որու ապաշրջափակումը որեւէ անպատեհութիւն չունի, սակայն ապահովաբար այդ մէկը պէտք է տեղի ունենայ երկիրներու ազգային եւ պետական ինքնիշխանութեան ներքեւ։

Ամերիկահայ գիտնական, ձեռներէց եւ բարերար Նուպար Աֆէեան կը նախատեսէ նոր ներդրումներ ընել Հայաստանի մէջ։ «Արմէնփրէս»ի հաղորդումներով, Նուպար Աֆէեանի «Afeyan Philanthropies» կազմակերպութիւնը, որու առաքելութիւնն է աւելի լաւ աշխարհ մը կառուցելու նպատակով լուծումներ գտնել, տեղեկացուց, որ Աֆէեան յանձնառու կը մնայ Հայաստանի աջակցութեան գործին մէջ։

Երէկ, Իտալիոյ վարչապետ Ճիորճիա Մելոնի Հռոմի մէջ հիւրընկալեց Ատրպէյճանի նախագահ Իլհամ Ալիեւը։ Այս առթիւ ան աջակցութիւն յայտնեց Երեւանի եւ Պաքուի միջեւ կայուն խաղաղութեան հաստատման։

Հայաստանի վարչապետ Նիկոլ Փաշինեան պիտի մասնակցի ՊՐԻՔՍ-ի գագաթաժողովին։ «Արմէնփրէս»ի հաղորդումներով, վարչապետի բանբերը՝ Նազելի Պաղտասարեան երէկ հաստատեց այս տեղեկութիւնը, որուն աւելի առաջ անդրադարձած էր նաեւ Հայաստանի արտաքին գործոց փոխ-նախարար Մնացական Սաֆարեան։