Արխիւ

ԱՐԱՄ ԱԲՐԱՀԱՄԵԱՆ

Օրերս աւարտած Եւրոխորհրդարանի ընտրութիւններուն «աջ» կուսակցութիւնները զգալի յաջողութիւններու հասան: Յատկապէս Ֆրանսայի եւ Գերմանիոյ մէջ «աջերը» գերազանցեցին իշխանութեան գլուխ գտնուող ուժերը, ինչ որ Ֆրանսայի Հանրապետութեան նախագահ Էմմանիւէլ Մաքրոնի համար հիմք դարձաւ՝ իր վարած քաղաքականութեան հանդէպ վստահութեան հարց դնելու:

Պէյրութի Հայկազեան համալսարանի այս տարուան հունձքը հրաժեշտ առաւ հանդիսաւոր արարողութիւնով մը։ Համալսարանի 64-րդ շրջանաւարտները թիւով 123 են՝ զանազան ճիւղերէ։ Արարողութեան ընթացքին ելոյթով մը հանդէս եկաւ համալսարանի նախագահ վերապատուելի տքթ. Փոլ Հայտոսթեան։

ԱՐԱ ԳՕՉՈՒՆԵԱՆ

Պոլսահայ կեանքի երկնակամարէն սահեցաւ Արամ Գամպուրեանի աստղը։ Համայնքի երէց սերունդի խորհրդանշական ու բարձր ներկայացուցչական կարողութեամբ տիրական դէնքերէն մին էր ան։ Իր բազմակողմանի ծառայութիւններէն, բազմառանցք գործունէութենէն ու թրքահայութեան արդի տարեգրութեանց մէջ թողած անջնջելի հետքերէն անդին՝ Արամ Գամպուրեան լիարժէք անհատ մըն էր։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Եւորպական համալսարանները թափառող արաբ դասախօսը, որ երկար տարիներէ ի վեր գաղթած էր իր երկրէն՝ սովէն ու ահաբեկչութենէն փախչելով, գիշեր մը եւրոպական քաղաքներէն մէկուն մէջ կը պտտէր, մինչ իր շուրջ եղող քաղաքակրթութիւնը, արդարութիւնն ու կանոնաւորութիւնը կը փայլէին ու ներդաշնակ էին տօնածառի նման:

ՍԱԳՕ ԱՐԵԱՆ

Սպասողականութիւնն ու սովորական դարձած ցոյցերը Հայաստանի մէջ ընդդիմադիր շարժումը կը տանի դէպի դանդաղ մարում. աստեղային ժամը արդէն անցեալ է:
Տ. Բագրատ Արք. Գալստանեան թողուած է իր ճակատագրին, իսկ իշխանութիւնը չունի առաջուան մեծամասնական ներուժը, ինչ որ զգալի է բոլոր ճակատներուն ու հարթութիւններուն վրայ:

ՏԻԳՐԱՆ ԳԱԲՈՅԵԱՆ

Քաղաքական կուսութիւն արտայայտութիւնը ինծի յիշեցուց ֆրանսական հեռուստացոյցի մը կայանէն հաղորդուած մարզական լուր մը: Վերլուծողները զայն կապեցին մարզական խաղերու կազմակերպման-հիւրընկալման երկիրներու տարած գործին արդիւնքներուն հետ, ինչ որ կ՚առընչուի տուեալ երկրի մը ունեցած մարդու իրաւունքներու, աղտոտ քաղաքականութեան վարման զուգահեռ, մեծ ջանքերուն հետ այսպէս ըսած՝ երեսի լուացման ու աշխարհի հանրային կարծիքին եւ միջազգային ընտանիքին ներկայանալու մղումին իբրեւ յառաջադէմ, զարգացած, իրաւական ու համամարդկային արժէքներ կրող երկիր:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Պօղոս առաքեալ կրկնելով Քրիստոսի պատուէրը ամուսնութեան անլուծանելիութեան մասին, կ՚ըսէ. «Բայց ամուսնացածներուն կը պատուիրեմ, ո՛չ թէ ես, հապա՝ Տէրը, որ կինը այրէն չզատուի». (Ա ԿՈՐՆԹ. Է 10)։

Մխիթարեան վարժարանին մէջ շաբաթավերջին տեղի ունեցաւ մանկապարտէզի փոքրիկներու տարեվերջի հանդիսութիւնը, որու ընթացքին ստեղծուեցաւ մեծ ոգեւորութիւն։

Թոփգաբուի ընտանիքը շաբաթավերջին թաղի Լեւոն-Վարդուհեան վարժարանի շրջանաւարտից հաւաքին առթիւ ապրեցաւ մեծ հրճուանք։ Զանազան սերունդներէ շրջանաւարտներ բաժակի օրուան առթիւ համախմբուեցան դպրոցին մէջ։